سألت ناس كتير في الشوارع عن الاسبرانزا وده كان رأيهم هو

**falcon_mkg** · 11-11-2007 09:56 PM

السلام عليكم و رحمة الله و بركاته
الحقيقه يا جماعة من زمان وانا بسأل عن الاسبريانزا و بسأل عن عيوبها قبل مميزاتها
أول واحد سألته
جاري في العمارة جاب سبيرانزا 2007 وكان رأيه فيها انها ممتازه وقلت له عاوز اجيبها ايه رايك قال هاتها على ضمانتي لاكن العيب الوحيد اللى قاله فيها ان في صوت طقطقه خفيفه في المطبات الشديده والعربيه بقالها معاه حوالي سنه ولسه ما اشكاش اي شكوى تانيه
ثاني واحد سألته
زميلي في الشغل وهو بيفهم في العربيات كويس و على كلامه سأل كتير قبل ما يشتريها و سأل في التوكيل وكان رأي اللي سألهم كان إيجابي جدا ورأيه هو الشخصي بعد ما اشترها وقعدت معاه شهرين انها ممتازه جدا بس بردو كان بيقول انه في صوت طقطقه خفيفه في المطبات ولما سأل في التوكيل مهندس مختص و أكد لي انه مهندس مش فني قال له الصوت ده بسبب العفشه على صلايب ودي أقوى بس عيبها الصوت اللى بتسمعه ده وقال له عندك مثلا العربيات اللى بسير تقسيمه و العربيات للي بكاتينة تقسيمة العربيات اللى ليها سير تقسيمه صوت المتور بتاعها منخفض عن اللى بكاتينه لكن اللى بكاتينه أقوى وقل لي زميلي ايضا ( صاحب العربيه ) ان مشي بيها على 170 و مطبات الهوا ما كانش بيحس بيها زي عربيتي القديمه ( لانوس مو 2000 ) و التكييف بتاعها ممتاز جدا وكانت تجربة التكييف في شهر 9 وقال ان التكييف ما بيأثرش على سحب العربيه
ثالث حد سألته
كانت الناس في الشوارع وكلهم نفو العيوب اللى بتتقال على العربيه دي و الناس وفي ناس كتير فعلا اكدو لي حكاية انهم مشيو بيها على 180 وانها متوازنه جدا وكل اللي سألتهم في الشوارع نصحوني اني اجبها
رابع حد سألته هو هنا في هذا المنتدى ده المكان الوحيد اللي لقيت الناس بتشتم في العربيه دي
فأصبح هناك سؤال العربيه دي وحشه ولا حلوه طيب لو كانت وحشه ليه نسبة المبيعات بتاعتها بترتفع مش بتنخفض.
أنا أسف اني طولت عليكو بس انا حبيت اوضح للي عاوز يشتري العربيه دي موقف الناس اللى مجرباها ايه
وأخيرا أحب اني اقسم لكم على صدق نقلي رأي الناس
أقسم بالله العظيم إني نقلت لكم رأي كل من سألته من مالكي هذه السيارة بكل صدق

**PRO-DRIVE** · 11-11-2007 11:17 PM

معلش سؤال اكتر عربيه ماشيه في اللي سألتهم كانت كام كلم ؟؟

**Ahmed Anwer** · 11-11-2007 11:42 PM

و الله الموضوع محير جدا

مثلآ لو المبيعات مقياس ممكن واحد يقول بسبب أبو الفتوح الصغير و عقليته الجامدة بس يعني علي فكرة مبيعاتها مش خرافية بالنسبة لسعرها و ممكن تقارنها بمبيعات الفيرنا أو اللانوس أو حتي الأفيو ،،،، مبيعاتها مش مكسرة الدنيا برده

زميالنا اللي في المنتدي و ناس كتير نعرفهم برده اللي باعوا العربية بعد ما اشتروها

مش دليل كافي علي سوء العربية برده ،،،

لأن الناس دي إحتمال كبير يكونوا اشتروا العربية و هما خايفين من العفريت الصيني

فطلعلهم و بقي أي صوت و أي حكة و أي حاجة ........................... يكرهوا العربية و يبيعوها مش يعتبروه حاجة مقبولة

عشان اصلآ هما مقلقين منها

و كمثال يحضرني هنا واحد كان كاتب موضوع ايام كونتكت كار ،، عنوانه ( لا أحد يشتري تويوتا ) و كان بيحكي علي موقف حصله بتويوتا كورولا و إنها عومت منه و عمل حادثة جامدة و الإير باج مفتحش و كان عامل الموضوع ده تشهير بالعربية

كل الناس ردوا عليه إن ده طبيعي و ده عيب المحور و عيب الحصي و العربية مفيش زيها

تخيل لو واحد تاني حط نفس الموضوع بس علي إسبرانزا ،،،،

كان زمان الدموع بتزرف و الشتيمة مش واقفة و التحسر علي الضمير و جودة الصناعة الصينية ......................... الخ

**zezotec** · 12-11-2007 12:03 AM

الأخ إللى عايز يقارن الأسبيرانزا بالعربيات التانيه خد عندك
أبو الفتوح بيقول أنه باع من الأسبيرانز ابنوعيها فى سنه 9000 أكرر تسعه ألاف عربيه يعنى بمعدل 30 عربيه فى اليوم (بعد خصم الأجازات الرسميه والعطلات) ودة رقم كبير جدا على عربيه دة أول ظهور ليها فى السوق المصرى إللى بيتملى إشاعات فى ثانيه
غبور بيقول أنه باع 35000 عربيه ماتريكس فى 3 سنين(على فكرة أنا كنت فى كوريا الجنوبيه من حوالى سنه ولم أرى هذة الماتريكس ولا مرة طيله 5 أيام بس شفت أكسنت وسوناتا وأتوس و.............)
يعنى حوالى 38عربيه فى اليوم تفتكروا مين يكسب؟؟؟؟؟؟؟؟؟؟
واحد لسه بيبتدى وبحاجه مش معروفه قبل كدة فى السوق وحقق نسبه مبيعات حوالى 80% من أنجح توكيل فى مصر
على فكرة أول ما هوجه العربيات الصينى نزلت غبور طلع فى الأهرام (أنسرت السيارات) وقال إنه حيجمع عربيه صينى فى نفس فئه الأكسنت أسمها زيالى أحد منتجات مصنع فاو إللى جاب كام عربيه فولكس جيتا الشكل القديم منه

**Ahmed Anwer** · 12-11-2007 12:16 AM

اشمعنا بتقارنها بالماتريكس اللي هيا الفئة الأعلي من هيونداي

و مش بتقارنها بالفيرنا اللي لوحدها بايعة خمسين الف عربية طبقا لكلام الجرايد برده

او حتي بالدايو اللي بايعة 160 الف عربية لانوس و نوبيرا خلال تسع سنين

يعني برده مبيعاتها مش خرافية و إنتشارها بطئ بالنسبة لأنها الفئة الأكثر مبيعا في السوق ( فئة من 60 ل 70 ألف ) السيدان

**mo3tazelgamal** · 12-11-2007 07:18 AM

يا أ/أحمد ما تنساش أن المجتمع المصرى بيمشى على حسب الموجه إللى ماشيه بمعنى أن فيه ناس كتيرة ممكن تكون ناويه تجيب العربيه بس خايفه منها لأنها جديدة ولأنها صينى (وما أدراك ما سمعه الصينى) ولأنها تمنها قليل أوى على الأوبشنز إللى فيها ودة مسبب لهم نوع من القلق
إللى أنا شايف أنه بيزول مع الوقت
وأعتقد أن العربيه لو أنتشارها بطئ زى ما حضرتك بتقول ما كانش دة يبقى حال الماتريكس إللى معروفه بقالها كذا سنه ومن أسم شركه كبيرة فى السوق المصرى وتوكيل بيعرف يسوق العربيه كويس أوى
يا جماعه أحنا السوق بتاعنا سوق متقلب ممكن أوى عربيه تكون ناجحه برة ومقطعه الدنيا وأول ما تيجى مصر تفشل أو على الأقل يتقال عليها زى ما أتقال على
البيجو 504و128 أيام السبيعينات
الاداواليابانى أيام التمانينات
اللانوس والهيونداى فى التسعينات
.
.
.
.
.
.
وغيرة كتير أوى
فاكرين يا جماعه إعلان غبور ما تشتريش عربيه غرقانه فى البحر(عربيات دخلت عن غير طريق التوكيل)بيقول أن إعصار تسونامى إللى شال بلاد من مكانها غرق أكتر من مركب شايله عربيات هيونداى وأن فيه ناس معدومه الضمير (يا عينى على الضمير) جابوا العربيات دى ونزلوا البلد علشان الشعب المسكين (إهى إهى) يشترها وبعدين يدبس فيها
فيه حد بيفهم ممكن يصدق إعلان زى دة!!!!!!!!!!!!!!!!!!!!!!!!!!!!!!

**tutankhamoun** · 12-11-2007 09:08 AM

السوق المصري .............. سوق إشاعات ............. و الإسبرانزا مش وحشة قوي زي ما الناس بتضخم و لكن تحتاج إلى عناية أعلى نظرا لقة جودة الخامات بالمقارنة بسيارات أخرى و لكنها في النهاية ليست سيئة بل على العكس سيارو جيدة

**novocaine** · 12-11-2007 09:57 AM

المصريين للأسف باحس ان الخقد بيحركهم في حوار العربيات
أنا مرة ركبت تاكسي في وسط البلد مع أهلي يمكن في سنة 2000 و السواق قال لأبويا عالدايوو دي عربية زبالة وان المصنع قافل و انه شافه بعينه مقفول!!!!!!!!!!!!!!!!! :?

**Islam_galal** · 12-11-2007 10:48 AM

السيارة بعد عام من الانتاج تقدر تقول انها نجحت و لكن هذا التقييم لا يكون كامل و دقيق الا بمرور ثلاث سنوات

**eng / AhmeD** · 12-11-2007 12:57 PM

الاسبيرانزا
او الصيني عموما اللي متجمع في مصر
بيبقي زي البطيخة يتطلع حمرا او قرعة
و ممنك تكون الاسبيرانزا حلة في بلدها
الله اعلم هنا بيخلوا العربيات عاملة ازاي
خد الفيرنا مثلا
ما هي منتشرة جدا و رغم كده مش خالية من العيوب خالص

الموضوع: سألت ناس كتير في الشوارع عن الاسبرانزا وده كان رأيهم هو

LinkBack

أدوات الموضوع

عرض

-

-

-

-

المواضيع المتشابهه

سألت اوماترا

اتمنى ان يعطينى الاعضاء الكرام رأيهم فى الموتور الجديد للجولف

ممكن أصحاب الميجان يقولوا رأيهم لازم اخود القرار بسرعة

سألت حكيم ؟

بعد إذنكم أهل الخبرة يعطونا رأيهم في الدايو سليو

الكلمات الدلالية لهذا الموضوع

المفضلات

المفضلات

ضوابط المشاركة