مشكلة في كاربيراتير فيليشيا 96

**menamakram2003** · 11-11-2007 11:45 PM

انا ليسا جايب فيليشيا 96 بس فيها مشكلة إنها بتنتش جامد خصوصاً على الأول والتاني وديتها لمينكانيكى قالي إنها كاربيراتير ولازم يتغير وواحد تاني قالي إنها مشكلة بوجيهات فغبرتها بس مفيش تغيير كبير وناس قالولي دي كهرباء كاربيراتير فهل مالهاش حل غير تغيير الكاربيراتير ولا ممكن تكون المشكلة أبسط ؟؟؟

**mifs** · 14-02-2008 11:08 AM

خد الرقم ده بتاع رمضان الميكانيكي متخصص اسكودا وكان شغال في التوكيل وجنبه محل قطع غيار
واعتقد انه مش عيب كاربيراتير 0121227101
وربنا معاك

**dado_256** · 26-04-2008 03:28 AM

ممكن تكون البوجيهات بيجى عليها زيت

**heshamhasib** · 28-04-2008 01:12 AM

بنسبه كبيره الكربيراتير عايز نظافه عند حد بيفهم

**fady** · 28-04-2008 01:18 AM

mamdouh 0125407002
heis very good for the carberatair

**amir** · 18-05-2008 12:44 AM

المشاركة الأصلية كتبت بواسطة menamakram2003

انا ليسا جايب فيليشيا 96 بس فيها مشكلة إنها بتنتش جامد خصوصاً على الأول والتاني وديتها لمينكانيكى قالي إنها كاربيراتير ولازم يتغير وواحد تاني قالي إنها مشكلة بوجيهات فغبرتها بس مفيش تغيير كبير وناس قالولي دي كهرباء كاربيراتير فهل مالهاش حل غير تغيير الكاربيراتير ولا ممكن تكون المشكلة أبسط ؟؟؟

الف مبروك و تتحل إن شاء الله, الموضوع ده لسه حاصل معايا اول امبارح غالبا انت محتاج سلوك بوجيهات جديده تمنها اصلي 80 صيني 50
لكن الميكانيكي قاللك تغير الكاربيراتير؟@@@@@@@@@@@
سيبك منه و خليك مع الميكانيكي اللي بتعامل معاه اسمه علي الزفتاوي قدام الوفاء و الامل طريق العاشر نمرته:0124264832

**botros** · 03-06-2008 12:30 AM

انا مش ميكانيكى و لا عندى عربيه اصلا لسه . بس قريت كتير فى العربيات .

متهيالى ممكن يكون النتش ده سببه اعلبه التروس خصوصا ان العربيه مستعمله .

لو الكربراتير او البوجيهات كانت هتعمل نفس الموضوع فى الخمس نقلات . لان عدد لفات الموتور تقريبا بييتدرج فى الخمس نقلات . فلو الكربراتير او البوجيه بيعمل مشكله عند عدد لفات معين هتحصل فى الخمس نقلات .

لكن تروس الاول و التانى بتستخدم كتير عن التالت و الرابع .

متهيالى عشان تحدد العيب من التروس و لا لا . تجرب ترجع بيها للخلف و تشوف هتنتش و الا لا ؟

و يا ريت يا باشا لو الموضوع اتحل تبلغنا كان ايه المشكله بالضبط ؟
و تجرب و هيا مموره تدوس بنزين هل الموتور بيقطع و الا لا ؟

لو الموتور ما قطعش و نتش و انت بترجع لوراء او ممور العربيه يبقى المشكله علبه تروس .