خلاص كلها أيام وشركة جينيرال موتورز وفورد هتفلس ...
عرض للطباعة
خلاص كلها أيام وشركة جينيرال موتورز وفورد هتفلس ...
معلومة ليك ياباشا ان فورد محققة اعلي مبيعات ليها السنة دي في السوق الاوروبي وامريكا وهي حاليا الاولي في امريكا ولا تعاني من اي مشاكل اقتصادية
المصدر :ملحق السيارات بتاع الاهرام من حوالي شهر او شهر ونص
بجد المفروض الفورد تعدي بالموديلات الجديدة
انا شايف إن الفوكس الجديدة وهمية وأحسن من معظم العربيات اللي في الفئة بتاعتها
والفيستا كمان خرافة وأحسن من الإبيزا الجديدة بمراحل مع إني طول عمري بحب الإبيزا جداً وأول عربية ليا كانت إبيزا وكانت فعلاً أحسن هاتش باك وقتها لكن الجديدة شفتها في المعرض معجبتنيش خالص ولا هي ولا الجراند بونتو كمان
بس لازم دعاية لأن في ناس متعرفش العربية أصلا واللي يعرفوها خايفيين من قطع الغيار مع إنها أرخص فعلا من بعض أسعار قطع الغيار الكوري!
يا مسهل نفسي الفورد تضرب العربيات الكورى بـ(الجنط)
أنا حاجز فييستا 2010 بس ماكانش عندي مانع أغير بحاجة أفضل في نفس السعر. لاقيتلك أبيزا قالك 1600 و دي إس جي و مدمرة بقى. قلت بس ننزل المعرض نشوف. نزلت ياسيدي و قعدت جوا العربية و اتفزعت. تابلوه فقير ببشاعة، و دركسيون شكله مايسرش صراحة، مش بتاع عربية ب 120 خالص.
قالك كورسا، رحت يا سيدي لاقيتلك عربية شكلها تعباااااااان مادفعشي فيها 70 ألف لاقيتلك واحد بيقولي 140. ايه يا معلم انت مجنون ولا ايه....
و الله لو فكري استذكى شوية و رخص الفييستا حبتين هاتبيع حلو جدا لأنها بجد أكتر عربية محترمة في الفئة دي، عالأقل لحاد ما فولكس يتكرموا عالشعب المصري و ينزلاو البولو.