مقارنة شفروليه اوبترا و بروتون برسونا

**momopersona** · 16-10-2009 02:36 AM

كلامك صح بس جرب البرسونا وأعتقد هاتحبها اوى مش عارف ليه
كان فى واحد فى قسم البروتون بيقول ان هى ادمان
بتحس بالقوة والفخامة ومتعة سحبها و ثباتها ووسائل امانها بتريحك نفسيا وانت سايق

**moudy88** · 16-10-2009 04:23 PM

المشاركة الأصلية كتبت بواسطة momopersona

الكماليات :

برسونا: باور - تكييف - زجاج كهربا امامى وخلفى - راديو سى دى mp3- سنتر لوك بريموت - 2 ايرباج - مرايات كهرباء - فرامل Abs - باركنج سنسورز - فوج لايت - طاره ملتى فنكشن - جنوط سبور 15 - احكم فى اتجاه الفانوس ونور التابلوه

اوبترا : باور - تكييف - زجاج كهربا امامى وخلفى - راديو سى دى mp3- سنتر لوك - 2 ايرباج - مرايات كهرباء - باركنج سنسورز - فوج لايت - جنوط سبور 15

السعر :(كاملة اوتوماتيك)
برسونا: 90 ألف جنيه تقريبا
اوبترا : 94 ألف جنيه تقريبا

العيوب الشائعة :
برسونا : سوء تقفيل الكماليات وصوت قفل الكنبة الخلفية و خبطة فى الدركسيون
اوبترا : استهلاك البنزين عالى ومشاكل تقفيل بسيطة و تزييق فى الدركسيون

بصراحه انا كنت من اكتر المعجبين بالاوبترا ..بس بعد المقارنه دي ..انا شكلي هغير راي ..وشايف ان البيرسونا احسن (مع اني لسه مجربتهاش )
اولا فرق في الكماليات : سي دي - باركينج سينسور - فرامل abs -و 2 ايرباج - والطاره المالتي فانكشن
وكل ده والسعر اقل ب4000 جنيه
وشكلها جميل جدا والتابلوه روعه في التصميم

**momopersona** · 16-10-2009 05:09 PM

كل الفرق بين البرسونا والاوبترا هو احمد حلمى ومنى زكى
لولا الاعلان ماكنتش انتشرت زى البرسونا
و والله عندى 2 صحابى معاهم اوبترا لما بيركبو البرسونا معايا بتعجبهم اكتر

**Hosam_Optrawy** · 17-10-2009 10:17 AM

المشاركة الأصلية كتبت بواسطة momopersona

كل الفرق بين البرسونا والاوبترا هو احمد حلمى ومنى زكى
لولا الاعلان ماكنتش انتشرت زى البرسونا
و والله عندى 2 صحابى معاهم اوبترا لما بيركبو البرسونا معايا بتعجبهم اكتر

مع احترامى ليك

الاوبترا عملت مبيعات خرافيه من 2005 لحد النهارده مش عشان اعلان طلع من سنه ولا اتنين

الاوبترا عربيه ممتازه وبتجمع بين مميزات كتير اوى تهم المشترى عشان كدا انتشرت