الحقونى ياجماعة...... ارجوا الدخول

**louding** · 15-10-2009 11:01 AM

السلام عليكم

انا معايا عربية ابترا 207 اتوماتك فول ابوشن والعربية زيرو بمعنى زيرو لانى اشترتها وسافرت علطول ولسه راجع من اسبوع تقريبا المهم عملت بيها حادثة امبارح فى وشها وبعد المعاينة وجبت سمكرى يشوفها قال انها عايزة كبوت غطاء بس وشبكة وريادتير وسربرتينه بتاعة التكييف وشنب انا مش عارف حضرتكم بتسموه ايه بس هو الحديد اللى فيه واير الكبوت وماسك الريادتير واكصدام امامى الفيبر بس الشاسيه سليم
فكلمت التوكيل ملقتش موجود غير الشبكة ب400 جنيه والسربتينه 2250 جنيه البقاقى مش موجود
فياريت لو حد يعرف اجيب الحاجه منين والاسعار ايه ابقى شاكر جدا لانى مسافر بعد اسبوع ومفيش وقت خالص
وانا اسف على الاطالة

ملاحظة الحمد لله نظرا للحادثة الابترا عربية جامدة والامان بتاعها جامد على انها فعلا حادثة موت ففعلا انا مندمتش على شراء العربية دى

**Evo** · 15-10-2009 11:52 AM

إنزل الحرفيين هتلاقي كل دة في ساعة واحده وبأقل من نص أسعار التوكيل

**abou-yahia** · 15-10-2009 12:04 PM

من خبرتي الكبوت جديد تايواني 900 جنيه وفيه منه صيني بس خفيف
والشنب بحوالي 45 جنيه لاكن بقيه الحاجه موش عارف بس ممكن تنزل التوفيقيه حتلاقي كل حاجه

**louding** · 15-10-2009 05:56 PM

متشكرين ياشباب انا فعلا لسه راجع من القاهرة لانى من دمياط والسمكرى ودانى للحرفيين وجيبت كل حاجه باسعار روعة تقريبا كله
وزودنا عليه صدر مروحة شمال كل دا بحوالى 3000 جنيه وكل تيوانى ماعدا ااكصدام جبناه تيلاندى لان التيونى ناشف ممكن يتكسر اما التانى طرى وبياخد وبيدى قريب للاصلى
شكرا ليكوا ياجماعة