ضروري لكل العربيات الكربراتير

**dr_timo** · 15-10-2009 04:48 PM

كنت من فترة جبت منظف الكربراتير وهوة في منه كزا نوع وكلهم زي بعض وكنت راكنه عندي بقاله كتير جيت امبارح لقيت العربية بتبطل لوحدها قلت يمكن باردة سخنتها كتير وخرجت بيها ومشيت كتير يمكن تسخن او تسلك ولا حياة لمن تنادي واخيرا افتكرت منظف الكربراتير وماشاء الله استخدمته من هنا والكربراتير فاق والار بي ام علي في مكانه وكله بقي تمام نصيحة اي حد عنده عربيته كاربيراتير يجيب هذا المنتج بعشرة جنية تقريبا ويخليه في العربية لاي ظرف بلاش انه ينظف بيه الكربراتير كل فترة بس خليه للطواريء لا ربما لا قدر الله الموضوع دة حصل معاك برة بعيد عن البيت او ميكايكي دة هيسعفك واستخدامه سهل وشكرا

**ahmed_2009** · 15-10-2009 04:54 PM

هل ممكن استخدمه للاونو
ازاى استعمله

**dr_timo** · 15-10-2009 05:28 PM

لاي عربية كربراتير ياحمد باشا وطريقة استخدامه موجودة كتير عالنت لو كتبت كيفية تنظيف الكربراتير وبحثت بس هوة الموضوع مش مستاهل بحث انت هتفك العمة بتاعة الكربراتير اللي فيها فلتر الهوا وتبخ بختين جوا الكربراتير وبختين علي البيكات اللي هية زي المسامير الالاووظ كدة وتدور العربية وتدوس بنزين شوية وبعدين تخليها سلانسية عادي وتزل تبخ بختين خفاف كدة جوة الكربراتير من فوق عادي زي معملتا ابل كدة وهية مش دايرة وبعدين تقفل العمة وتمشي عادي وكله هيبقي تمام ا شاء الله

**aymansaad** · 15-10-2009 05:33 PM

افضل نوع ؟ وسعره كام؟

**dr_timo** · 15-10-2009 05:37 PM

مفيش افضل نوع كل واحد جرب نوع شكر فيه هوة بتبقي نفس المادالاساسية مع اختلاف الاسماء التجارية زي كتير من الادوي اللي بتشترك في نفس مادة الاساس وبتختلف الاسماء باختلاف الشركات وسعره مابين عشر وخمستاشر وعشرين حسب حجم العبوة

**ahmed_2009** · 15-10-2009 06:02 PM

شكرا ليك يا د/تيمو ع المعلومات الهايلة

**misoalex** · 15-10-2009 06:14 PM

يا جماعه انا شفت المكانيكى بتاعى بيستخدم زيت خروع اكتر من مره وبيحطه فى الكربراتير
ولما سألته قالى ده عشان ينضف الكربراتير
بس بيطلع كميه دخان من الجكمان فظيعه ويفضل يزود لحد مالدخان يروح
طبعا انا مفكرتش اجربزيت الخروع ده
بس هل منظف الكاربراتير ده بيطلع دخان كده فى ساعتها اصلى انا ممكن لو شفت الدخان الى طالع ده افتكر انى بوظت حاجه فى العربيه

**bishoy02010** · 15-10-2009 06:29 PM

شكرا على النصيحة :)

**dr_timo** · 15-10-2009 06:36 PM

العفو ياباشا وبالنسبة للدخان فمبصتش عالشكمان بيطلع اية بالظبط بس عامة انا لا انصح لا بزيت زتون ولا بزيت خروع الميكانيكية بيفتكسو لك دة المنتج دة امريكي وانا بثق في الامريكان اوي الحقيقة لكن زيت الخروع مهو طلبيعي هيطلع دخان اسود من الشكمان مهو الطبيعي بتاعه بيخلي الانسان يجيله اسهال فالدخان الاسود دة الاسهال بتاع العربيات ههههههه