هوندا سيفيك 92-95 ولا بي ام e30 ولا حاجه تانيه?

**speed4speed** · 18-10-2009 01:39 PM

e30 & civic
فى اختلافات كثيره جدا
الدفع و الجر : سيفك جر امامى و ال بى ام دفع خلفى ( دفع خلفى افضل بكثير )
الموتور : سيفك موتوره حامى و البى ام ميتركبش الا 6 سليندر ( دا راى شخصى )
العفشه و الثبات :السيفك ثابته بس البى ام اثبت بكثييييير و صيانة العفشه اقل بكثير من السيفك
اتساع الصالون : السيفك صالونها واسع مع مقارنه بال e30
المتانه و القوه : سيفك قويه بس مش فى قوة e30 ( قوة صاج و تتحمل القياده العنيفه والبهدله)
انا شخصيا افضل بى ام

**SAMEH_FOUAD** · 19-10-2009 02:51 AM

ياباشا هو لو عايز يجيب عربية ويسقط مواتير ويعدل يبقى كنت قولتلة اشترى sir هوندا وعيش حياتك واجرى براحتك مع اى عربية تعجبك هتبهدلها فى كل النقلات
بس المشكلة دلوقتى انة تقريبا عايز يجيب عربية على فابريكتها يعنى مش عايز لعب وتعديلات
فشوف اختياراتك
يعنى لو عايز عربية من غير تعديلات يبقى الترتيب هيبقى كدة :
1:هوندا سيفيك :130 حصان ,2 كامة,Si 1600
2:بى ام دبليو :92 حصان 1600
3:لانسر كريستالة :1300 سى سى كربراتير 89 حصان او 92 مش فاكر
دة من غير تعديلات :هتعدل انت وفلوسك واللى تقدر تدفعة كلة منزل مواتير وهمية وجبارة بس الاحسن الهوندا سعات قليلة وهورس باور وعزم عالى جدا بيوصل ل185 حصان من 1600 بس
عشان تلاقى القوة دية فى الانسر او البى ام هاتدفع جامد فى كل حاجة بنزين وضرايب
والمتانة كلهم كويسن جدا بس اكيد الافضل الالمانى

**SAMEH_FOUAD** · 19-10-2009 03:27 PM

كل دة بيحصل لكن مع الهوندا لأ
لان b16b بيتحط على الداينو بيخرج 185
b16a بيتحط على الداينو بييجب 175 فعلى بالفلتر من غير الفلتر بيجيب 170
والانسر لاتقارن بالهوندا .الهوندا اشد بكتير وبمراحل ,حتى المتانة والشكل والتجهيزات
بس المشكلة انة الاخ عامل الموضوع دة عشان يختار عربية فياريت يكون الاراء فى اطار الموضوع
وبعدين الاتنين جامدين وخصوصا الميراج بس صدقنى لايعلى على الهوندا كفاية ان فى السيارة الاستوك يعنى من غير التعديلات وموديل 95 وتكنولوجيتها احسن من موديل 2000 بتاع الانسر وكمان اغلى منها ,دة غير انة دة 1300 ودة 1600 انجيكشن مش كربراتير ,يعنى مش كل اللى هايجيب عربية هايؤروح شايل الماتور وحاطط ماتور تانى ,لا انا بتكلم دلوقتى عن الاستوك ودة اللى بيخليك تشترى العربية وعارف حاجاتها اية مش لسة هاتدور دة غير ان مع تسقيط الماتور التوكيل مابيرضاش ياخدها ,لو مثلا حبيت تعمل الصيانة فى التوكيل دة غير قرف التسقيط ومشاكلة
فانت لو هاتقارن عربية قارن بالاستوك مش تقولة غير المواتير

**Kazzaz** · 20-10-2009 02:02 AM

طيب يا شباب سوال اخير .. لي صحابي بيقلولي اني مافكرش في القديم و اجيبلي فيرنا او اي حاجه و ان الجديد له طعم تاني و انه اكيد افضل من القديم .. فهل كلامهم صح ؟ و هل الفيرنا فيها حاجه مش موجوده في السيفك ؟

**twincam** · 20-10-2009 03:02 AM

المشاركة الأصلية كتبت بواسطة semsem kane

كل دة بيحصل لكن مع الهوندا لأ
لان b16b بيتحط على الداينو بيخرج 185
b16a بيتحط على الداينو بييجب 175 فعلى بالفلتر من غير الفلتر بيجيب 170
والانسر لاتقارن بالهوندا .الهوندا اشد بكتير وبمراحل ,حتى المتانة والشكل والتجهيزات
بس المشكلة انة الاخ عامل الموضوع دة عشان يختار عربية فياريت يكون الاراء فى اطار الموضوع
وبعدين الاتنين جامدين وخصوصا الميراج بس صدقنى لايعلى على الهوندا كفاية ان فى السيارة الاستوك يعنى من غير التعديلات وموديل 95 وتكنولوجيتها احسن من موديل 2000 بتاع الانسر وكمان اغلى منها ,دة غير انة دة 1300 ودة 1600 انجيكشن مش كربراتير ,يعنى مش كل اللى هايجيب عربية هايؤروح شايل الماتور وحاطط ماتور تانى ,لا انا بتكلم دلوقتى عن الاستوك ودة اللى بيخليك تشترى العربية وعارف حاجاتها اية مش لسة هاتدور دة غير ان مع تسقيط الماتور التوكيل مابيرضاش ياخدها ,لو مثلا حبيت تعمل الصيانة فى التوكيل دة غير قرف التسقيط ومشاكلة
فانت لو هاتقارن عربية قارن بالاستوك مش تقولة غير المواتير

على فكرة ياباشا عنوان الموضوع كان واضح
الراجل بيقول هوندا ولا بي ام ولا حاجة تانية؟
اقرا العنوان كويس ياباشا فنا مخرجتش عن الاطار ولا حاجة حضرتك بس مكنتش مركز
وبعدين ياباشا انا كلامي ده عن تجربة
الهوندا جامدة جدا طبعا مفيش كلام بس قطع غيارها غالية اوي وبتصرف كتير ده غير الحاجات اللي بتظهر فيها كل شوية
بص ياباشتا هوندا يعني كل شوية صرف عليها واي ركيب هوندا يقولك كده
على سبيل المثال جوز الكبالن في الهوندا ب1700 جنيه
جوز الكبالن في الانسر اللي صعب اوي اوي يبوظو ب550 جنيه
والعربيات زي المزيكا وكل واحد ودماغو بس صدقني
انا ركبت الاتنين كتير
بجد الانسر الموديل ده ممتازة جدا من حيث كل حاجة
انا اتحداك تطلعلي فيها عيب واحد

**twincam** · 20-10-2009 03:22 AM

سيفيك 92 عربية قديمة ومتعبة اوي وهتوجعلك دماغك
انا نقلت رايي وحضرتك حر وربنا يباركلك يارب
ومفيش حاجة مريحة في حوار الصرف والاعطال زي الكورولا ال98 مثلا والانسر ال98 والانسر افضل كمان لرخص قطع غيارها وطول فترته وجمال العربية
هوندا لاء وبالذات الموديل ده

**SAMEH_FOUAD** · 20-10-2009 09:34 PM

شوف ياباشا انا معايا هوندا بس sir وصاحبى معاة كريستالة 99 وهو عارف مستوى الفرق بين الاتنين دية كفاية ان يكون صاحب العربية ومالكها معترف بحاجة زى دية دة غير رائى اصحابى بردة واكيد ركبوا الاتنين
يعنى مش هاقدر اقولك ان اللانسر وحشة بالعكس جميلة جدا جدا وسيارة محترمة جدا وفعلا معاك انها بتستحمل جامد اوى وقطع غيارها رخيصة
وعن الهوندا لان معروف ياباشا ان اغلى قطع غيار فى اليابانى السوبارو وبعديها الهوندا وبعد كدة التويوتا والانسر ارخص قطع غيار فى اليابانى
*بس مع احترامى لكل دة الهوندا ركوبة تانية خالص بداية من شكل التابلوة للتجهيزات فى العفشة او الماتور المتطور كتير عن الانسر ,والشكل الخارجى الرياضى جدا
وبعدين متهيالى ان الاخ صاحب الموضوع عايز عربية stock وعايز بردة يجرى ويحس انة راكب عربية سريعة ,ودة متوافر فى الهوندا
لان الماتور الex 1500 كربراتير بيجيب سرعة 205 /210 والانسر اخرها بالعافية 170
*ثانى حاجة :الهوندا اعطالها قليلة جدا وانا معايا هوندا وعارف انا بقول اية الحاجة بتتعمل مرة واحدة بس وبتعمر جامد جدا جدا جدا عن اى عربية
ثالثا كبالن الهوندا ex:سعرها 450 للاتنين والsi 550 اليابانى ونظيف جدا جدا وصعب بردة انة يبوظ يمكن اكتر من الانسر ,دة غير انك حاول كدة تدور على هوندا فى الطريق عطلانة مش هتلاقى نادرا جدا جدا
بالنسبة للفيرنا :السيارة دية مشاكلها بتظهر بمجرد مرور سنة او اقل من شرائها جديدة ,الهوندا اشد طبعا واوسع واشيك ,ويابانى من الاول للاخر
وهاقولك حاجة :يأخ totelgen اركب العربيتين وشوف انت هاتستريح لمين وماتفكرش بقى ان الهوندا كانت حلمك او كدة لا اركب العربيتين وشوف وحاول تجيبها si لو استقريت عليها هاتحس بفرق كبير جدا ودية نصيحة منى الاتوماتيك بتاعها حكاية وفية نظام عدم تغير النقلة يعنى دوس واجرى على نقلة واحدة بس لحد مايجيبلك اخر العداد 220 كيلو العربية بتجيب السرعة دية فعلى والsir بتجيب 260/270