الموضوع: وضع اللمسات النهائية لقانون استبدال سيارات الملاكي القديمة باخرى جديدة

و الله أنا شايف إن دي ملكية شخصية و مش من حق حد يعتدي عليها.
يعني التاكسي موضوع تاني لإنه مشروع تجاري و تنطبق عليه و تحكمه مقاييس تانية خالص غير العربيات الملاكي.
كل اللي الحكومة من حقها تعمله زي البلاد المتحضرة إنها تعمل فحص جيد (بما يرضي الله بدون العشرين جنيه بتاعت البشمهندس) و في الحالة دي إيه اللي يمنع إن عربيات موديل الخمسينات حتى تمشي لو صالحة.
و لو إتكلمنا عن البيئة ممكن جداً تتعمل ضرائب أعلى شوية على العربيات اللي مستوى العادم بتاعها مثلاً اعلى من قيمة معينة و ده يشجع الناس تحول لغاز مثلاً .
و بعدين في عربيات ليها روح كده و أصحابها بيرتبطوا بيها فعلاً يعني فيه ناس أعرفها ممكن تركب أحدث عربيات لكن بتحب تركب البيتل لحد إنهارده و مش ممكن تغيرها.

في أمريكا لما فكروا في موضوع إستبدال السيارات فده كان إختياري علشان يساعدوا الناس بعد إرتفاع أسعار البنزين و علشان ينشطوا حركة البيع لأكبر صناعة عندهم و بالتالي ينعشوا الإقتصاد المنهار فعملوا برنامج Cash for Clunkers و بيتعمل فيه تسليم أو Trade-In للسيارات الكبيرةاللي بتستهلك بنزين كتير و إستلام Replacement لسيارات زيرو مع حوافز سعرية رهيبة من الحكومة الأمريكية بدأت بمليار دولار للمرحلة الأولى للبرنامج.
بالمناسبة أعلى سيارات Trade In هي بالترتيب:
1- فورد إكسبلورر 4x4
2- فورد F-150
3- جيب جراند شيروكي
4- فورد إكسبلورر 4x2
5- دودج كارافان
و أعلى سيارات Replacement جديدة كانت:
1- تويوتا كورولا
2- هوندا سيفيك
3- تويوتا كامري
4- فورد فوكاس
5- هيونداي إلنترا
الخلاصة إن الموضوع مش إجباري و غرضه مساعدة الناس أولاً و وسيلته التحفيز و الإقناع.

لو الحكومة فعلا عايزة تكهن العربيات القديمة تقسط عربيات بدون فوائد علي عشر سنين و حتشوفوا الناس بنفسها بتولع في عربيتها القديمة و لا حتي حيجروا ورا الـ 5000 جنية بتوع الإعدام

لأن وقتها حتبقي عربية زي الفيرنا أو اللانوس أو البونتو أو السيينا قسطها 500 جنية في الشهر، و دة مبقاش مبلغ رهيب قوي يعني

و الماروتي حيبقي قسطها 250 جنية

و أبقوا قابلوني لو شوفتوا اي عربية موديل قبل سنة 80 أصلا

المشاركة الأصلية كتبت بواسطة mbakery

وفرو عربيات جديدة مناسبة وبسعر مناسب يعني من الأخر يوفروا عربيات جديدة بنفس قيمة العربيات المستعملة وديه معادلة صعبة جداً
وعليكم السلام ورحمة الله وبركاته

مش فاهمك يعني

المشاركة الأصلية كتبت بواسطة i_Am_Legend

الموضوع دة لو اتعمل انا اول واحد هاغير عربيتى بس بشرط......انهم يخدو العربية بتاعتى ال127..........واخد بدلها اى عربية جديدة لانوس او اسبيرانزا مثلا او بيكانتو او لوجان او اى عربية صغيرة والقسط بالكتيرررررررررررررررررر ما يقلش عن 300 ومايزدش عن 400 او 450 مثلا...........

غير كدة شكرااااااااااااااا عربيتى زى الفل ........ومش محتاج منها اكتر من كدة ..............هى بتعمل كل حاجة انا عايزها........واما بتعيا بتخف ب اسبرينا.........

مش زى العربيات الجديدة ندبح لو حصل فيها حاجة .........

السيارات الداخلة في الاحلال اذا حصل

فقط السيارات المصنعة في مصر او بمعني اصح مجمعة في مصر

لادا

اسبيرنزا 113

اسبيرنزا 516

فيرنا

لانوس

افيو المصرية


اللوجان و البيكانتو مش في البيعة

مشروع احلال الملاكي ممكن ينفع................ لو الجمارك على السيارات = صفر !!
مهو يا يشيلوا الجمارك يا يلغوا المشروع
انما مشروع احلال اجباري وجمارك عاليه اجباري!!!!!!!!!!!

ياجماعه رجاء فكروا شوية بموضوعيه
على فكرة انا صاحب المداخله اضايقت فى الاول لكن لما شغلت مخى شويه اهتديت للاتى مش عارف صح ولا خطا
خلاصه تفكيرى ان الموضوع ده ليس له اساس من الصحه هيسألنى الاخوه الاعضاء ازاى ده منشور فى جريدة وانت ناقله من موقع مصراوى هقولكم الهدف من نشره خلال التوقيت ده بالذات
عندما تفكر الحكومه انها تمهد لنقل الحكم الى جمال مبارك وهى تعلم ان الشعب مش عايزة مش كرها فى جمال مبارك قد ماهو كره لتوريث الحكم
فعلشان تشغل الشعب عن طبخ او سلق القوانين لنقل الحكم بدون شوشرة تبدا فالاتى 0
زياده فى الاسعار واغلب الزيادات بتيجى فى الاشياء الاساسية التى يحتاجها 90 فى المائه من الشعب سكر رز وخلافه 0
اعلان عن وضع اللمسات النهائية لمشروع احلال سيارات الملاكى التى يقتنيها غالبيه المصرين
وللاسف يمكرون ويمكر الله والله خير الماكرين صدق الله العظيم
يجى الاستاذ هيكل ويقلب الترابيزة على راسهم ويجعلهم ينسون موضوع الاحلال لان الاستاذ هيكل وضع سيناريو لجعل المصرين يركزون اكثر على موضوع خلافه السيد الرئيس
وبعيد عن كل هذا
هى المشكله مشكله احلال وخلاص لا ده فيه قطاع كبير جدا وورش مفتوحه وبيسترزق منها اسر كثيرة جدا من سيارتنا اللى عايزين يجعلونا نحيلها للمعاش وفى الوقت نفسه عند صاحبها افضل واكثر متانه من الجديد الورق
يعنى لما نجدد هل الورش هتشتغل بكامل طاقتها زى الاول بالتاكيد هيقل الايرادات لدى اصحاب الورش وهيتأثر قطاع كبير جدا بهذا التغير رغم انهم لا يمكلون سيارات اصلا ولكنها دايرة محدش يقدر عليها
خلاصه قولى عندما الحكومه تريد تمرير شىء ما تتوجس منه خيفه من الشعب تحاول تلهيه بشىء ما وبعدها ترجع الامور لمجاريها هكذا اتعودنا منهم
اتمنى ان يكون تفكيرى يتوافق مع حدن من الاعضاء
شكرا لحسن متابعتكم موضوعى