دخان بعد 3000 r.p.m على السلانسية

**samirayad** · 16-10-2009 05:02 PM

2- هى ايه اعراض تلف الرشاشات ؟؟؟

بالنسبه للبوجيهات
لما يحصل خلل فى أى مصدر من التلاته
نغمة الحريق حتبوظ
وده السبب اللى بيخللى المكنه تدربك فى بعض الأحيان مع أستعمال 3 شمعه

نيجىء بأه للرشاشات

1- صعوبه فى الدواره
2- أستهلاك بنزين عالى
3- ريحة بنزين مع العادم (من عند نهاية الشكمان )
4- رعشه للمكنه على السلانسيه ( مع ضعف مقاومة الرشاش )
وهكذا

**maka** · 16-10-2009 05:17 PM

المشاركة الأصلية كتبت بواسطة samirayad

هى بتوزع شراره أكتر
بس أيه اللى بيحصل
ولسه الفكره دى جايه فى ذهنى دلوقتى
الفولت اللى رايح وحيكسر العزل الكهربى بتاع الهواء الموجود خلال ثغرات البوجيه ( لأنهم تلاته )
حيتوزع على تلت أقطاب سالبه مثلا ( فى حالة التلاته شمعه )
يعنى كل مركز شراره من التلاته حيبقى ضعيف فى القوه بما يعادل تلت قوة الشمعه الواحده
يعنى حنقسمه على تلاته
أذا هناك 3 بؤر حريق واخده تلت قوة الشراره اللى كان عاملاها شمعه واحده (قسمة العدل ) طبعا

تخيل بأه
واحد من التلاته عطل أو أتنين
حيبقى فيه تضارب فى نغمة الحريق فى أتجاهات مختلفه

أنا كنت كاتب الجزئيه بتاعة الرشاشات
بس مش عارف أيه اللى حصل
عموما حكتبها تانى علشان وقت التصحيح

المشاركة الأصلية كتبت بواسطة samirayad

بالنسبه للبوجيهات
لما يحصل خلل فى أى مصدر من التلاته
نغمة الحريق حتبوظ
وده السبب اللى بيخللى المكنه تدربك فى بعض الأحيان مع أستعمال 3 شمعه

نيجىء بأه للرشاشات

1- صعوبه فى الدواره
2- أستهلاك بنزين عالى
3- ريحة بنزين مع العادم (من عند نهاية الشكمان )
4- رعشه للمكنه على السلانسيه ( مع ضعف مقاومة الرشاش )
وهكذا

الكبير كبير والله

شكرا يا باشا على الشرح الرائع و المعلومات الحلوة بتاعت الرشاشات

بس بالنسبة لل 3 شمعة اكيد توزيع الشرارة هيزيد من كفاءة الحرق و لو بنسبة بسيطة

بس برده لما فكرت حسيت ان التوزيع ده مش هيفرق كتيير

ومشكلة الدربكة دى اول مرة افكر فيها بس اكيد هتتعب المكنة

وشكرا يا باشا