الموضوع: ساعات بحس العربية ليس بها كفائة المناورة

بس العرض مش متزكرة بصراحة كان مكتوب كام
كدة اعتقد ان البروفايل على الجنط ال 15 /60 مظبوط على اساس كل ما الجنط بيكبر نمرة بيخس البروفايل خمس درجات او نمرة هو كمان
ولا مقاسك اللى هو 15/55 هو الصح بردو ...على فكرة ميهمنيش كلام مين اللى مظبوط ومن المأ:> حضرتك خبرتك تفوقنى بمراحل كبيرة
بس هى الحكاية كلها قراية العداد لأنها كدة كدة على الجنط ال 15 هتكون مختلفة بس فرق القراية اية
يعنى لو ماشى 80 تقريا يعنى 83 لو 120 تقريا 132 كدة على اساس كل ما الرعة بتزيد التفاوت فى القراية بيكبر ..مش كدة ولا نسبة التفاوت ثااابتة على اى سرعة .. انا توقعى انها كل ما السرعة بتزيد كل ما معدل التفاوت بيزيد اكتر
حضرتك شايف كدة ال120 قراية العداد يزيدوا كام كيلو مع المقاس اللى راكب 10 كيلو مثلا ولا اقل ولا اكتر من كدة بس بردو على ال130 مش ممكن تكون زايدة 15 كيلو يعنى 145 وال140 كدة هتزيد 20 كيلو يبقى 160
مش شرط يكون الفرق نفس الارقام زى 5ك .15ك . 20ك . 25ك . 30. مش شرط بقى بتزيد بال5 كيلو و بال3 ك ولا حتى بال1/2 كيلو
المهم ان العداد ممكن يجى على سرعة 160 وهيا اصلا العربية ماشية ال180 او 185 او190 مثلا ويكون صاحب العربية مش واخد بالة من الموضوع دة ويفتكر العربية مثلا بتيجى على ال160 مش عايز تسحب عن كدة لنها بالأصل ماشية ال190 ودى اكتر سرعة ممكن تجيبها العربية
فاساعتها يركبة الوسواس بقى والعربية فيها اية وكدة وهو الموضوع كلة قراية عداد بيخرف والمكنة شغالة كما قال الكتاب بس مش واخد فى الاعتبار النقطة دى
هل فعلا فرق العداد يعمل كدة او انا على الاقل فاهم الموضوع كدة ولا بخرف واية الصح لو اعتبرنا كلامى دة كلة عن القراية طلع مش صح وارد جدا

بالله عليك يا محمد ممدوح باشا ما تضايق من كم استفساراتى اللى عمال على بطال وبردو الباش مهندس سمير سامحنى بردو
بس صدقونى والله حضرتكم بالزات ثم المنتدى هو سبب انى بقى عندى خبرة فى العربيات حتى لو بقت بنسبة 1%
فا من المؤقت ان الواحد يطمع ويجى عليكم فى كترة استفساراتى
بس لولا الصقة العمياء من كلام وخبرت حضرتكم مكنش فية ولا موضوع اتعمل من اساسة
ملهوش لازمة بقى لو هتسأل على حاجة والرد فقاهة وفهلوة وخلاص
وبردة كلامى بيبقى كتير فى مواضيعى بس دة بسبب نقطة
ان ببقى عايز اعطيكم اكبر كم معلومات واستفسارات عن وضع المشكلة عشان يبقى مجال تفكيركم اوسع بالمعلومات ال اكتر مش معلومتين وحضرتك تفضلوا تجيبوها يمين وشمال والتفكير يطول لأ انا بحاول اديكم اكتر معلومات عشان كدة تلاقى موضوعى كلامة كتير

كلامك جميل يا استاذ zocor ....

امبارح ركبت جوليت 2 موتور 1300 ... مكنتش مصدق ان اللى الموتور ده بتاعها ... بسم الله ما شاء الله عليها ...

وكمان عملت BURN على الرمل وبعدها الاسفلت ... بس يعيبها انها ضعيفة فى السحب بعد 120 ...

المشاركة الأصلية كتبت بواسطة zocor742

بس هى الحكاية كلها قراية العداد لأنها كدة كدة على الجنط ال 15 هتكون مختلفة بس فرق القراية اية
يعنى لو ماشى 80 تقريا يعنى 83 لو 120 تقريا 132 كدة على اساس كل ما الرعة بتزيد التفاوت فى القراية بيكبر ..مش كدة ولا نسبة التفاوت ثااابتة على اى سرعة .. انا توقعى انها كل ما السرعة بتزيد كل ما معدل التفاوت بيزيد اكتر
حضرتك شايف كدة ال120 قراية العداد يزيدوا كام كيلو مع المقاس اللى راكب 10 كيلو مثلا ولا اقل ولا اكتر من كدة بس بردو على ال130 مش ممكن تكون زايدة 15 كيلو يعنى 145 وال140 كدة هتزيد 20 كيلو يبقى 160
مش شرط يكون الفرق نفس الارقام زى 5ك .15ك . 20ك . 25ك . 30. مش شرط بقى بتزيد بال5 كيلو و بال3 ك ولا حتى بال1/2 كيلو
المهم ان العداد ممكن يجى على سرعة 160 وهيا اصلا العربية ماشية ال180 او 185 او190 مثلا ويكون صاحب العربية مش واخد بالة من الموضوع دة ويفتكر العربية مثلا بتيجى على ال160 مش عايز تسحب عن كدة لنها بالأصل ماشية ال190 ودى اكتر سرعة ممكن تجيبها العربية
فاساعتها يركبة الوسواس بقى والعربية فيها اية وكدة وهو الموضوع كلة قراية عداد بيخرف والمكنة شغالة كما قال الكتاب بس مش واخد فى الاعتبار النقطة دى
هل فعلا فرق العداد يعمل كدة او انا على الاقل فاهم الموضوع كدة ولا بخرف واية الصح لو اعتبرنا كلامى دة كلة عن القراية طلع مش صح وارد جدا

اية راى حضرتك ياسيادة المستشار فى الكلام دة
هل عندى فروق فى قراية العداد ..... خصوصا ان سرعتى المعتادة ال120 ل 130 بحث انهم اكتر من كدة بكتير ومرة كنت مسافر القاهرة على الصحراوى على 100 عشان الرادار ومكنتش مستعجل ومعايا الحاجة واخويا فاماشى على مهلى الرادار صورنى على 113 ك مع انى متأكد انى معدت ال100 .... حتى ساعتها قولت دول اشتغلونى عشان يخدو الغرامة وكدة
ومرة كنا طالعين العجمى على طريق الدولى ب3 عربيات كنا فى الصيف وبنصيف مع العيلة وقولنا نمشى 100 ل120 وكل اللى راكبين العربيتين التانيين بيأكدو انى مكنتش ماشى زيهم منزلاتش على ال100 اساسا
اية تفسير حضرتك عشان بردو ابقى واخد بالى من الموضوع دة عشان كدة النقطة دى مهمة جدا بالنسبالى على الاقل اقدر اتعامل مع الرادار

الله يبارك لحضرتك
هما دول الكلمتين الى كنت عايز اسمعهم من حضرتك
لكى يطمأن قلبى وارتاح ..... واقدر اتعايش مع قرايات العداد اقلها مع الرادارات
وبكدة ياسيادة المستشار كل ما السرعة بتزيد اكيد معدل التفاوت بيزيد مع السرعة سواء بالزيادة والنقصان مش كدة
ولا المعدل ثابت على جميع السرعات؟؟؟
اللى مطلوب منى كدة انى اجيب المقاسات بتاعت الجنط ال15 الصحيحة للعربية لما اجى احسبها بالمقاسات ال 15 اللى عندى
ولا احسبها على مقاسات الجنوط اللى المفروض نزلة بيها العربية اللى هيا مقاسات ال14 ...... عشان اخد افضل تقدير لنسبة التفاوت اللى موجودة عندى؟؟؟
محمد باشا كمل جميلك ووضحلى النقتطين دوول عشان اقدر احسبها من الموقع الخاص بالحسابات دى
واقدر اجيب ادق نسبة تفاوت للقراءات
-هل النسبة ثابتة على جميع السرعات ام مختلفة؟؟
-عند حساب معدل التفاوت هل بتتحسب بمقاسات جنوط العربية الاساسية اللى هيا ال14 , ولا مقاس الجنط الى راكب عندى ال15 اللى هو 15/55/195 واحسب الفرق بينها وبين 15/60/195 .... محتاج ادق معدل تفاوت للقراية؟؟؟؟

ولك منى كامل الشكر والاحترام لشخصك الكريم.......

اوك كدة فهمت الفولة ياريس
واقدر اتعامل مع الموضوع بتقبل عادى
والله يا باشا مش عرفين من غيرك كنا هنبقى فى حيرة عاملة ازاى... وهنكونصيدة للصنايعية يلعبوا بينا
ربنا يباركلنا فيك وفى بقية الاعضاء الافاضل
وهو دة المتوقع مش شخص كريم الاخلاق مثلك ربنا يديم المعروف بين اسرة الدايو على طول الخط