الموضوع: قريبا جدا قانون استبدال السيارات الملاكي التي مر عليها 20 عام فقط

المشاركة الأصلية كتبت بواسطة hashem1999

من الواضح كده ان الموضوع نام فعلا
لان اخر اشاعه طلعت عن الموضوع ده
انهم هينفذوه ابتداء من 1/1/2010
ومافيش اى كلام عنه حاليا

يا باشا لازم ينام احنا دخلين على فترة انتخابات و قلق و هما عاوزين يهدواء الناس على الاخر

و فى المقابل هيستفردوا ببتوع الميكروباص اللى محدش بيحبهم اصلا

كفاية على علب الصفيح ..................... زادت و كترت قوي في القاهرة ......... لما الواحد قرف بصراحة
تلاقيهم ماشيين أقصى شمال هما و بتوع النقل .......... على 60 كم - س و تزمر ........ يا عم الحاج وسع ........ عايز تمشي بشويش خد اليمين ............. مفيش فايدة عامل فيها عبده العبيط ........ و لاصق في الشمال بصمغ أنجليزي ........ و يضرك تروح أخر اليمين .......و بعدين ترجع تاني شمال تلاقي أخوه الصغير ماسك الشمال برضه ................
و كمان العربيات ماشية تدخن و مفيهاش مرايات و كمان بيكسروا يمين و شمال من غير مرايات ........
لسة أمبارح واحد ب 128 متهالكة على الدائري ........... كان هايشيل وش عربيتي و هو عمال يحدف يمين علشان ينزل المهندسين .


بصراحة بقى لازم يكون فيه كشف مظبوط في المرور ............ و متابعة على الطرق على العربيات كلها مش القديم بس .
بس تجديد القديم أفضل لتوفير نفقات قطع الغيار المستوردة و توفير الطاقة ................. و راحة الأعصاب لكل من صاحب العربية و أخوانه اللي ماشيين معاه في الطريق
و أتمنى طبعا أن الأحلال يكون في السيارات المجمعة محليا فقط لا غير ........

و اللي عايز مستورد يدفع الفايدة أكنه أشترى من البنك عادي .......

و المحلي يكون عليه تخفيضات في الفايدة ..................... و تسهيل الأجراءات

باشا الى انت بتحكيه ده ملوش علاقه بال 128 ولا نوبيرا انا بلاقى نفس الكلام برضه وناس ماشيه بعربيات 2010 ولو وسعولك عشات تعدى خد عندك شتيمه وواحد من كام بوم بالنترا بعد موسع زنق عليا كان حيطلعنى فوق الجزيره وانا ماشى 90
بس عاوز الصراحه الناس دى هى الى ماشيه صح معلش اخر الطرق الى هنا هى 60
اولا دى لاطرق يتمشى عليها ولا هى صالحه للاستخدام ولا هى مصممه صح اساسا يبقى حضرتك عاوز تجرى كمان وفى الاخر حيجيبو الغلط عليك عشان انت الى بتجرى ومستعجل انا خلاص قرفت من كل حاجه فى البلد دى

هرد عليك بكل صراحة

الأول انا مزعلتش صدقنى بس انا استغربت من الإقتباس بتاع انواع العربيات مش اكتر فمكنتش فاهم ليه بس كده ( استغراب بس )

بكل صراحة عن نفسى يعنى

تفتكر ده ممكن يحصل زى منت كاتب

ليه لأ ممكن والدليل انه حصل فعلا فى التاكسى

وتفتكر ده ممكن يبقى اختيارى

90% لازم يبقى كده وإلا هتقوم ثورة فأكيد غصب عنهم هيكون اختيارى

وتفتكر حيخلوك تركب اى عربيه انت تختارها

أكيد لأ طبعا لأن كده هيبقى طمع مهما بردة عايزين يشغلوا المصانع بتاعت التجميع المحلى وعلى رأى المثل الغاوى ينقط بطاقيتة ويشترى العربية اللى هوه عايزها

وتفتكر هما حيعملو كده عشان الناس تعيش فى رفاهيه وهما مش حيهبرو منك الهبره الى هى

بكل صراحة معرفش بس مش هيفرق معايا الأسباب رفاهية او عايزين يشغلوا التجميع المحلى او او او وبالنسبة لموضوع الهبرة هما على طول بيهبروا فعادى بس معتقدش هيهبروا اصل هيهبروا فى إيه المرادى ممكن يلغوا 80 ده اخرهم هههههههه

وتفتكر العربيات الجديده بعد 3 او 5 او 10 سنين حتفضل بنفس الكفائه وميتصرفش عليها وتبقى عادت ريما

مهما اتصرف ومهما حصل عمرها مهتكون زى عربية موديل قديم ولو ماشى على صيانتها ومتابعها هتبقى زى الفل انشاء الله مش كل شوية تلاقى فيها حاجة شكل

وتفتكر صيانه وقطع غيار العربيه الحديثه حتبقى زى العربيه 77


بالنسبالى انا فصدقنى انا بدفع فى قطع الغيار اكتر وأغلى من عربيات موديل 2010 (بس طبعا عشان بى ام حالة خاصة يعنى )

وتفتكر حتقدر على الاقساط وقطع الغيار والصيانه

قطع الغيار اعتقد مش هتكون موجودة فى فترت الضمان هيا الصيانة وكده كده انا بعملها فى العربية التانية

يبقى بنتكلم فى الأقساط
لو انا شايف وده اللى حاصل معايا بصراحة لما ادفع فى عربية ادد اللى اشترتوا بيها فى سنتين ؟؟؟ يبقى هقدر ادفع اقساط احسن من الأرف ده

لكن لو مش هقدر خلاص معملش احلال بسيطة

وتفتكر لو معكش تمن القسط ايه الى حيحصلك

مش محتاجة تفكير هدفع زيادة ( غرامة ولو الموضوع طول هياخدوا العربية على ما اعتقد وممكن يبقى حبس انا معرفش فى المواضيع ديه قوى بس لو مش هيبقى معايا مش هعمل الموضوع ده )

واوعى تكون زعلت منى انا والله مش قصدى غير ان فى ناس مبتبصش غير تحت رجلها
انا لما عربيتى بتعطل ومعيش تمن الصيانه برميها فى الشارع عشان معلهاش اقساط لكن لما يبقى على قسط ومعيش حقه يبقى انا الى حترمى فى السجن
ارجو متكونش زعلت منى مره تاني

ولا يهمك ومزعلتش وانا فهمت قصدك بس فى حالة انه اخيارى ديه هتبقى حاجة تفرح ومش محتاجه كلام فى الموضوع ده

تقبل تحياتى

اشكرك على زوقك وتفهمك كلامى
انا اتمنى ان الكلام الى انت كاتبه ده يتطبق زى مهو او حتى جزء كبير منه وانا اول واحد حشجع القانون ده واغير عربيتى
يعنى انت تفتكر انى الى راكب عربيه قديمه مبهدلاه ومضيعه وقته عند الورش والاعطال والمصاريف الى خاربه بيت الواحد عاجبه الحال ده
طبعا لا ونفسنا نركب عربيات حلوه
بس نار البهدله ولا جنه الاقساط وخلافه
اشكرك مره تانيه على زوقك فى الحوار وتفهمك قصدى

المشاركة الأصلية كتبت بواسطة misoalex

اشكرك على زوقك وتفهمك كلامى
انا اتمنى ان الكلام الى انت كاتبه ده يتطبق زى مهو او حتى جزء كبير منه وانا اول واحد حشجع القانون ده واغير عربيتى
يعنى انت تفتكر انى الى راكب عربيه قديمه مبهدلاه ومضيعه وقته عند الورش والاعطال والمصاريف الى خاربه بيت الواحد عاجبه الحال ده
طبعا لا ونفسنا نركب عربيات حلوه
بس نار البهدله ولا جنه الاقساط وخلافه
اشكرك مره تانيه على زوقك فى الحوار وتفهمك قصدى

المشاركة الأصلية كتبت بواسطة tutankhamoun

كفاية على علب الصفيح ..................... زادت و كترت قوي في القاهرة ......... لما الواحد قرف بصراحة

المشاركة الأصلية كتبت بواسطة tutankhamoun

و كمان العربيات ماشية تدخن و مفيهاش مرايات و كمان بيكسروا يمين و شمال من غير مرايات ........

يا توت باشا علب الصفيح حلها مش في الأحلال، حلها اللي حضرتك قولته هنا:

المشاركة الأصلية كتبت بواسطة tutankhamoun

بصراحة بقى لازم يكون فيه كشف مظبوط في المرور ............ و متابعة على الطرق على العربيات كلها مش القديم بس .

ولو هانتكلم على الدخان والبيئة، يبقى من باب أولى نعمل إحلال لأتوبيسات النقل العام والميكروباصات وسيارات النقل والموتوسيكلات، أعتقد انه نادراً ماتجد إحدى هذه المركبات بدون دخان بينما هي حالة نادرة أن تجد سيارة ملاكي بتدخن

المشاركة الأصلية كتبت بواسطة tutankhamoun

تلاقيهم ماشيين أقصى شمال هما و بتوع النقل .......... على 60 كم - س و تزمر ........ يا عم الحاج وسع ........ عايز تمشي بشويش خد اليمين ............. مفيش فايدة عامل فيها عبده العبيط ........ و لاصق في الشمال بصمغ أنجليزي ........ و يضرك تروح أخر اليمين .......و بعدين ترجع تاني شمال تلاقي أخوه الصغير ماسك الشمال برضه ................

دي مشكلة سواق وأسلوب سواقة، مش مشكلة موديل العربية

المشاركة الأصلية كتبت بواسطة tutankhamoun

بس تجديد القديم أفضل لتوفير نفقات قطع الغيار المستوردة و توفير الطاقة

مش فاهم توفير لمين بالظبط؟ لو حضرتك بتتكلم على مستوى الدولة فاعتقد أن المكون الأجنبي في السيارات المجمعة محلياً تكلفته أعلى كثيراً من قطع الغيار للسيارات القديمة، بالإضافة لقطع غيار السيارات الجديدة فهي أيضاً مستوردة، أما على مستوى الأفراد فمن المؤكد أن تكلفة قطع الغيار أقل من من أقساط السيارة الجديدة وإلا كان رماها وجاب جديد من الأول..



أخيراً رأيي الشخصي في موضوع الإحلال، موافق لأني هاكون صاحب مصلحة "بفرض انه اتعمل بنفس نظام التاكسي" يعني هايخدوا العربية خردة بــ5000 جنيه وينزلوا في تمن الجديدة من 10 إلى 20 ألف يبقى انا كسبان 25000 في حين ان العربية تمنها حالياً لا يزيد عن 10000جنيه

طبعاً الرأي ده من وجهة نظر مصلحتي الفردية

إنما تخيل حضرتك واحد ظروفه لا تسمح أنه يدفع قسط العربية الجديدة يبقى الوضع أيه؟ نقوله يبيعها ويركب مواصلات؟ "زي ما وزير المالية قالها على قانون الضرايب العقارية" اعتقد ده ميبقاش عدل

المشاركة الأصلية كتبت بواسطة mostafa_9128

انا قريت علي النت لو هيبقي في احلال للملاكي هيبقي للملكي لاكتر من 40 سنة
و اصلا لو هيعملوا احلال انا عن نفسي مش هعمل العبط ده علشان اصلا الحكومة مش عبيطة يعني مش هيدوك عربية جديده مثلا برخص التراب انت هتلاقي خو....بير طالعالك من كل حتة ده انت في مصر غير كده هيخدوا منك عربيتك برخص التراب
اصل في مثل بيقلك الحداية مش بتحدف كتاكيت

كلام في الصميم يا ريس

تمااااااام

[marq="3;right;2;alternate"]
حد سامع حاجة
[/marq]