(الموضوع ده هايبقي اختياريا لانه اجباريا هايكون مخالف للدستور)
هو دة الكلام المتوقع لكن اللى حيصل الله أعلم
(لكن هما ممكن يضغطوا علي الناس بشوية حاجات كدة تخليه اجباري زي الغاء البنزين 80 و التشديد في الفحص و كشف البيئة )
ده بقة اللى أكيد
(الموضوع ده هايبقي اختياريا لانه اجباريا هايكون مخالف للدستور)
هو دة الكلام المتوقع لكن اللى حيصل الله أعلم
(لكن هما ممكن يضغطوا علي الناس بشوية حاجات كدة تخليه اجباري زي الغاء البنزين 80 و التشديد في الفحص و كشف البيئة )
ده بقة اللى أكيد
والله ربنا يستر علي البلد دي علشان خلاص الناس قربت تنفجر
علي فكرة كان في خبر لسة قاريه امبارح كان في جرنال نهضة مصر بس كان قديم شوية من تقريبا عشرة ايام
الخبر بيقول ان الحكومة بتدرس احد البدائل لمواجهة موضوع الزيادة المطردة في استهلاك البنزين كنتيجة للزيادة في عدد السيارات الجديدة اللتي تدخل الخدمة والتراخيص (حيث ان الانتاج المحلي منه لا يكفي ونلجأ للاستيراد) وده معناه خسائر في العملة الصعبة و زيادة في الدعم الموجه للبنزين
كل ده خلاهم يفكروا انهم يسحبوا البنزين 80 واستبداله ببنزين 85 مع تحريك السعر لانهم لاحظوا ان ناس كتير من اللي كانت بتحط 90 رجعت تحط 80 لرخص سعرة وده بدورة ادي الي زيادة استهلاك ال 80 المدعوم بنسبة 29%
الف مبروووووووووووووووووك :Ta_clap[1]:
والله ربنا يستر علي البلد دي علشان خلاص الناس قربت تنفجر
مش عارف موضوع ملكية خاصة دي لا اعتقد انها حجة صحيحة
الحكومة لن تجبرك علي بيع سيارتك
فقط ستمتنع عن اصدار ترخيص لسيارتك و هذا حقها و فقا لقانون يمكن ان يسن
من خلال هذا القانون سيمنع ترخيص السيارات القديمة
زي بالضبط عربية مش مرشوشة و محتاجة سمكرة
هل ينفع ترخصها ؟
و لو الحكومة رفضت ترخيصها هتشتكي و تقول دي ملكية خاصة !!
الحكومة لن تجبرك علي البيع لكن لن ترخص سيارتك و بالتالي هتجد انه لا فائدة منها سوي ادخالها في الاحلال اذا تم او ركنها تحت البيت و الصدأ يأكلها !!!
و كله كده يبقي قانوني
انا مع الفحص الدقيق للعربيات، وعدم ترخيص اي عربية متهالكة او سيئة.
بس مايبقاش فيه كوسة ولا واسطة، ودا طبعا شيئ عمرة ماهيحصل في البلد دي
لازم الكوسة في كل حاجة
المفروض يتعمل بس يكون من غير فوائد والدولة تتحمل الفوائد بتاعة البنك..(اكيد اوفرلها من المشاكل اللى بتعملها العربيات المتهالكة حاليا سواء تلوث اكتر او عطلة فى المرور) على ان تكون العربيات الجديدة صناعة محلية ولا تزيد عن 1600 سي سي
حسب ما سمعت من صديق ان الصندوق الاجتماعي للتنمية هو صاحب فكرة تكهين الملاكي وسيصدر القرار هذا العام
وللان مجرد تسريبات صفحية من الحين للاخر
ومحدش لسه عارف اي شيئ
كل التركيز حالياً على التاكسى و بعدين الميكروباص و هما بالفعل بينفزو فى التاكسى و فى بدايه العام هايبدأو فى الميكروباص و ليس هناك خبر أكيد بالنسبه للملاكى.
و ربنا يستر من اللى جاى بكره
كل الكلام اللى موجود دلوقتى اشاعات زى باقى الاشاعات
قرار زى ده مش سهل انه يتاخد لانه ممكن يسبب مشاكل كتيرة للحكومه والحكومه مش ناقصه
ربنا يسترها علينا
مش عارفين ايه اللى هيحصل يالظبط
ياجماعة فى خلال الشهور القادمة حيبداو فى تنفيذ القرار دة على العربيات اللى عدى عليها 20 سنة فاكتر وحيتم فرض عدم ترخيص العربية اللى عدت عليها الفنرة دة وحيتم اخذ من الممتلك العربية بتاعتو مقابل مبلغ مالى زائد حيتم تقسيط العربية اللى عاوز يخترها بدون مقدم فاكيد مفيش احسن من كدة ومحدش يقول ملكية لان الحكومة لو عاوزة حاجة حتنفزها ومش حتغلب عندها 100 طريقة وربنا المستعان
على فكره ياجماعه فيه قرار بتدرسه الحكومه وهو
تكهين المواطنين اللي قبل موديل 1980
لان الاقبال على العيش والارز والمواد الغذائيه المدعمه زاد اوي
في حين ان مشاكل المواطنين دول زادت اوي (ضغط ,سكر ,قلب ,جلطات) وفيه ناس منهم ممكن تفرقع فى الشوارع وتسبب ازمه فهيكهنوهم احسن
حسبي الله ونعم الوكيل
فعلا الحدايه عمرها ماتحدف غير بالطوب:_Alshmokh08[1]:
بالطبع الموضوع تحت الدراسة ولازم يطبق في بداية عام 2010
لكن زي ما قلت من مصدر موثوق بيه في الصندوق الاجتماعي بمصر
ولكن ايه الي هيتم بالضبط لسه محدش يعرف
ولكن بصراحة موضوع ان يسحبو جميع العربيات الي مضى عليها 20 سنة المرسيدس والبيجو والبي ام ويقرنوها بالفيات طبعا صعب على الناس ، ويا ريت يسمحو مثلا بإعادة تصدير هذه السيارات زي ما اعرف في بلاد كثير مثل سوريا بتستورد المستعمل وخاصة المرسيدس منتشر عندهم كثير ، يا ريت يخلو الناس يبيعو سيارتهم خارج مصر ويجيبو ايصال بذلك لكن صعب الحكومة تسحب السيارات كلها مقابل 10 الاف جنية زي ما عملوا في التاكسى
ويا رب يفكرو شوية لو صغيرين بالشعب وبلاش التفكير كله ينصب على اصحاب الاعمال
(( جدير بالذكر ان غبور زادت ارباحة حوالى 400% عن العام الماضي ..... حد سمع عن هذا الرقم في العالم في ظل الازمة الاقتصادية وحالة الركود العالمي ... ))
طبعا التكهين (السيارات القديمة) في مصلحة الحديد الخرده الي فقط يملك مصنع بمصر للبلت هو عز والسيارات الجديدة مبيعتها هتزيد وطبعا هتخش جيوب العتولة بمصر وكمان الجمارك يعنى الكل مستفيد
اه نسيت اقول في شوية ناس كده حوالى 80 مليون مش هيستفيدو بس مش مشكلة المهم اصحاب المليارات يزدادو غنا
انا كلمتي عمري ماتنزل الارض ابدا :mad2: حنفي :khd: خلاص المرة دي حتنزل:B4_611:
خلوا بالكم اننا بنبص للموضوع من وجهه نظر اصحاب السيارات وسايبن وجهات الانظار التانيه
زى الميكانيكيه واصحاب الورش اللى لو الاشاعات دى اتطبقت هيتخرب بيتهم و هيبقوا عاطلين
لانى لما اجيب عربية جديده اكيد معظم اعمال المتابعه والصيانه وكمان لدخول الكمبيوتر فى العربية فكده لازم تكون فى التوكيل ومش هروح للورش علشان مش هيعرفوا يفيدونى مع الكمبيوتر
ما فيش جديد فى ملحق الجمعة ؟
فى جريده الاهرام فى ملحق السيارات برضه الصحفى احمد البري بقاله ثلاث اسابيع اى مقاله يكتبها لازم يجيب فيها سيرة احلال الملاكى
بعت له اعتراض على رأية ده من اسبوعين
وبرضه عمال يجيب سيرة الموضوع معرفش يمكن يكون شايف اننا حلينا كل مشكالنا ( انتقال الحكم - الوباء الجديد- البطاله- الجريمه - الطرق - البلطجه ) ومش فاضل الا المشكله دى بس
خلاص يا جماعة الموضوع ده كده شكله ميطمنش / علشان كده حعمل موضوع جديد بعنوان/ قل لا لتكهين الملاكي
نفى المهندس رشيد محمد رشيد، وزير التجارة والصناعة، اتجاه الحكومة لفرض ضغوط قانونية أو مالية على أصحاب السيارات «الملاكى» القديمة لدفعهم إلى الدخول فى مشروع «الإحلال» المقترح.
وقال رشيد فى تصريح خاص لـ«المصرى اليوم»: «إن تطبيق مشروع إحلال الملاكى سيتم بشكل (اختيارى) على عكس (التاكسى)، دون ممارسة أى ضغوط على أصحاب السيارات القديمة».
وأوضح «أن إحلال الملاكى الذى ورد فى استراتيجية دعم صناعة السيارات، التى أقرتها الوزارة، سيختلف فى آليات تنفيذه عن نظام إحلال التاكسى، والذى يتم بالتعاون بين وزارة المالية وعدد من البنوك وشركات السيارات.
يأتى هذا فى الوقت الذى كشف فيه المهندس صلاح الحضرى، أمين عام رابطة مصنعى السيارات، عن تقدم مصنعى السيارات بمقترحات إلى لجنة مشتركة من وزارات الصناعة والمالية والبيئة، لتطبيق مشروع إحلال «الملاكى»، تتضمن تطبيق إعفاءات جمركية وضريبية على السيارات التى تدخل فى المشروع، ومنح الراغبين فى الإحلال تسهيلات بنكية أكبر فى تقسيط قيمة السيارات الجديدة.
وأشار الحضرى إلى أن من بين المقترحات زيادة رسوم تراخيص السيارات القديمة التى يرفض أصحابها استبدالها بسيارة جديدة، مضيفاً أن هذه المقترحات لاتزال قيد بحث من الجهات المعنية.
ورأى أن الدولة هى المستفيد الأكبر من مشروع إحلال الملاكى، باعتبار نسبة كبيرة من هذه السيارات تستخدم كميات كبيرة من بنزين ٨٠ المدعوم حكومياً، بما يصل إلى نحو ضعف المستخدم فى السيارات الجديدة، فضلاً عن أن المشروع يحل مشكلتى البيئة والمرور. وأشار إلى أنه لا توجد فى دول العالم سيارات مضى على وجودها ٣٠ و٤٠ عاماً كما هو الحال فى مصر، لافتاً إلى أن أقدم سيارة فى دول الاتحاد الأوروبى لا يتخطى عمرها ٥ سنوات.
وحسب إحصاءات وزارة البيئة، فإن ١١٪ من إجمالى السيارات التى تسير فى شوارع القاهرة عمرها أكثر من ٣٥ عاماً، وإن ٢١٪ من السيارات تتراوح أعمارها بين ٢٥ و٣٠ عاماً، حيث يبلغ عدد السيارات المرخصة على مستوى الجمهورية ٤.٣ مليون سيارة.
ومن جانبه، أكد مصدر مسؤول فى وزارة التجارة والصناعة، أنه يتم حالياً دراسة تجارب بعض الدول التى طبقت نظام إحلال الملاكى، مثل اليونان وألمانيا لتحديد النظام الأكثر تناسباً مع السوق المصرية، لافتاً إلى أنه جار بحث حزمة من الحوافز لتشجيع أصحاب السيارات القديمة على استبدالها بجديدة.
وأوضح أن من بين الحوافز المطروحة خفض الضرائب على التراخيص والطرق، حال التخلص من المركبات القديمة وشراء سيارات جديدة وصديقة للبيئة خلال فترة زمنية محددة، فيما طالب محسن طلائع، الخبير فى مجال السيارات، بزيادة فترات السداد بالنسبة للراغبين فى دخول المشروع، لتصل إلى ١٠ سنوات، مع تقليل الفائدة من قبل البنوك. وحذر طلائع من فشل المشروع إذا تم تطبيقه بنفس فكرة «التاكسى»، خاصة أن السيارات الأجرة تدر عائداً على أصحابها يخصص جزء منها لسداد الأقساط على خلاف «الملاكى».
منقول من المصرى اليوم بتاريخ ١٠/ ١١/ ٢٠٠٩
شكرا على الموضوع ويارب يتنفذ بخير وبشروط محترمة ومفيش مانع يكون فيه بيزنس للكبار بس فى المعقول وعلى فكرة فيه كلام على الرواس (ميتسوبيشى)
صعب والله على فئة من الشعب لا يستطيع تحمل أقساط الحديث وممشى حاله بالبعكوكة اللى معاه
كلام محترم .. من وزير محترم جدا .
انا مع احلال الملاكي
و انا كمان متوقع كده ...الراجل ده حاز على احترام كل المصرين من مواقفه ...هو الى انشأء جهاز حمايه المستهلك , و فرض رأيه و سمح باستيراد حديد التسليح و ضرب محتكرى الحديد فى مقتل .
رأيه فى موضوع احلال الملاكى ... رأيى محترم جدا و مفهوش اجحاف بالمواطن العادى .... فكره الاحلال الى طرحها هى الى سائده فى اوروبا و امريكا ... بمعنى ان الموضوع اختيارى مع تقديم اعفائات و تسهيلات ... بس طبعا فى اوروبا كانت مطبقه على كل العربيات من كل الماركات من غير التحديد على عربيتين تلاته محلية الصنع زى عندنا , و الى حصل فى المانيا على سبيل المثال ان معظم صانعى السيارات غير الامانيه مبيعاتهم ارتفعت فى المانيا " فيات .. هيونداى .. رينو و غيرهم " على عكس السيارت الفارهة " اودى , ميرسيدس . BMW " مبيعاتهم انخفضت " .
بس اجمالا اقتراح الوزير رشيد محمد :S_thum1[1]: .
جاري عضو مجلس الشوري بيأكد الاحلال للملاكي اول العام الجديد ايه معلوماتكم عن الكلام ده
هو كداب ومش عارف حاجة
مفيش موضوع احلال خاااااالص حاليا
منين احلال
ومنين العربيات القديمة بتفحص وتركب لوح جديدة
ياجدعان مفيش احلال والله
ما التاكسى القديم اللى هيتكهن بيعلق نمر جديدة و بيرخص عادى
انا بعتقد ان التكهين هيكون اختيارى فى الاول ده لو اطبق على اول السنه
يعنى يا جماعة لسه بنقول في تكهين ولا لا بالنسبة للملاكي
الموضوع ان الفكرة موجودة وبالفعل لازم تطبق اول 2010
ولكن المشكلة هي اللائحة التنفيذية لهذا القرار يعنى ازاي هيطبق
الي مخليني مصدق الموضوع ده جدا
اولاً : ان الحكومة تملى يهمها صالح رجال الاعمال وليس صالح الشعب ...
ثانياً : اني سمعت الكلام ده من اشخاص مهمين بالصندوق الاجتماعي للتنمية بمصر ان المشروع موجود ولكن لم يتم حتى الان الاعلان عنه رسميا لانه لم تتحدد بعد لائحته التنفيذية.
ومن الممكن ان الذي يؤجل تطبيقة هو الزحام الشديد على الوكلاء بمصر لمشروع تكهين التاكسي لسه الغلابة اصحاب التوكيلات بمصر بيجمعو في الفلوس من جيوب المصريين اما العملية تخسع معاهم شوية هيبتدو وبالتأكيد رفع اصواتهم للشكوي .. واكيد سعتها الحكومة الجميلة بتعتنا ستلبي النداء فورا وتمشي موضوع احلال الملاكي ...
وعشانا وغدانا عليك يا رب
مع تحياتي للجميع
والله يا باشا انت كلامك صح وربنا يتولانا برحمتهactivehero2006
بالعقل كده: موضوع الاحلال هيحصل هيحصل لانه فعلا مينفعش تفضل عربيات عمرها 40 و 50 سنة ماشية فى الشارع بالهباب الخارج من شكماناتها و الاعطال اللى بتسد الشوارع..... لكن لو حاولوا يعملوه اجبارى هيعمل قلق جامد بين الناس...... الحل هو الترغيب و ليس الترهيب..... يعنى يخليك تغير بتقسيط على مدة كبيرة توصل مثلا ل 10 سنين و تخفيض جزء من السعر فى شكل دعم او اى حوافز اخرى تغرى اصحاب السيارات القديمة بالتغيير..... هو ده الاتجاه الحالى