من الواضح كده ان الموضوع نام فعلا
لان اخر اشاعه طلعت عن الموضوع ده
انهم هينفذوه ابتداء من 1/1/2010
ومافيش اى كلام عنه حاليا
من الواضح كده ان الموضوع نام فعلا
لان اخر اشاعه طلعت عن الموضوع ده
انهم هينفذوه ابتداء من 1/1/2010
ومافيش اى كلام عنه حاليا
باشا الى انت بتحكيه ده ملوش علاقه بال 128 ولا نوبيرا انا بلاقى نفس الكلام برضه وناس ماشيه بعربيات 2010 ولو وسعولك عشات تعدى خد عندك شتيمه وواحد من كام بوم بالنترا بعد موسع زنق عليا كان حيطلعنى فوق الجزيره وانا ماشى 90اقتباس:
كفاية على علب الصفيح ..................... زادت و كترت قوي في القاهرة ......... لما الواحد قرف بصراحة
تلاقيهم ماشيين أقصى شمال هما و بتوع النقل .......... على 60 كم - س و تزمر ........ يا عم الحاج وسع ........ عايز تمشي بشويش خد اليمين ............. مفيش فايدة عامل فيها عبده العبيط ........ و لاصق في الشمال بصمغ أنجليزي ........ و يضرك تروح أخر اليمين .......و بعدين ترجع تاني شمال تلاقي أخوه الصغير ماسك الشمال برضه ................
و كمان العربيات ماشية تدخن و مفيهاش مرايات و كمان بيكسروا يمين و شمال من غير مرايات ........
لسة أمبارح واحد ب 128 متهالكة على الدائري ........... كان هايشيل وش عربيتي و هو عمال يحدف يمين علشان ينزل المهندسين .
بصراحة بقى لازم يكون فيه كشف مظبوط في المرور ............ و متابعة على الطرق على العربيات كلها مش القديم بس .
بس تجديد القديم أفضل لتوفير نفقات قطع الغيار المستوردة و توفير الطاقة ................. و راحة الأعصاب لكل من صاحب العربية و أخوانه اللي ماشيين معاه في الطريق
و أتمنى طبعا أن الأحلال يكون في السيارات المجمعة محليا فقط لا غير ........
و اللي عايز مستورد يدفع الفايدة أكنه أشترى من البنك عادي .......
و المحلي يكون عليه تخفيضات في الفايدة ..................... و تسهيل الأجراءات
بس عاوز الصراحه الناس دى هى الى ماشيه صح معلش اخر الطرق الى هنا هى 60
اولا دى لاطرق يتمشى عليها ولا هى صالحه للاستخدام ولا هى مصممه صح اساسا يبقى حضرتك عاوز تجرى كمان وفى الاخر حيجيبو الغلط عليك عشان انت الى بتجرى ومستعجل انا خلاص قرفت من كل حاجه فى البلد دى
اشكرك على زوقك وتفهمك كلامىاقتباس:
هرد عليك بكل صراحة
الأول انا مزعلتش صدقنى بس انا استغربت من الإقتباس بتاع انواع العربيات مش اكتر فمكنتش فاهم ليه بس كده ( استغراب بس )
بكل صراحة عن نفسى يعنى
تفتكر ده ممكن يحصل زى منت كاتب
ليه لأ ممكن والدليل انه حصل فعلا فى التاكسى
وتفتكر ده ممكن يبقى اختيارى
90% لازم يبقى كده وإلا هتقوم ثورة فأكيد غصب عنهم هيكون اختيارى
وتفتكر حيخلوك تركب اى عربيه انت تختارها
أكيد لأ طبعا لأن كده هيبقى طمع مهما بردة عايزين يشغلوا المصانع بتاعت التجميع المحلى وعلى رأى المثل الغاوى ينقط بطاقيتة ويشترى العربية اللى هوه عايزها
وتفتكر هما حيعملو كده عشان الناس تعيش فى رفاهيه وهما مش حيهبرو منك الهبره الى هى
بكل صراحة معرفش بس مش هيفرق معايا الأسباب رفاهية او عايزين يشغلوا التجميع المحلى او او او وبالنسبة لموضوع الهبرة هما على طول بيهبروا فعادى بس معتقدش هيهبروا اصل هيهبروا فى إيه المرادى ممكن يلغوا 80 ده اخرهم هههههههه
وتفتكر العربيات الجديده بعد 3 او 5 او 10 سنين حتفضل بنفس الكفائه وميتصرفش عليها وتبقى عادت ريما
مهما اتصرف ومهما حصل عمرها مهتكون زى عربية موديل قديم ولو ماشى على صيانتها ومتابعها هتبقى زى الفل انشاء الله مش كل شوية تلاقى فيها حاجة شكل
وتفتكر صيانه وقطع غيار العربيه الحديثه حتبقى زى العربيه 77
بالنسبالى انا فصدقنى انا بدفع فى قطع الغيار اكتر وأغلى من عربيات موديل 2010 (بس طبعا عشان بى ام حالة خاصة يعنى )
وتفتكر حتقدر على الاقساط وقطع الغيار والصيانه
قطع الغيار اعتقد مش هتكون موجودة فى فترت الضمان هيا الصيانة وكده كده انا بعملها فى العربية التانية
يبقى بنتكلم فى الأقساط
لو انا شايف وده اللى حاصل معايا بصراحة لما ادفع فى عربية ادد اللى اشترتوا بيها فى سنتين ؟؟؟ يبقى هقدر ادفع اقساط احسن من الأرف ده
لكن لو مش هقدر خلاص معملش احلال بسيطة
وتفتكر لو معكش تمن القسط ايه الى حيحصلك
مش محتاجة تفكير هدفع زيادة ( غرامة ولو الموضوع طول هياخدوا العربية على ما اعتقد وممكن يبقى حبس انا معرفش فى المواضيع ديه قوى بس لو مش هيبقى معايا مش هعمل الموضوع ده )
واوعى تكون زعلت منى انا والله مش قصدى غير ان فى ناس مبتبصش غير تحت رجلها
انا لما عربيتى بتعطل ومعيش تمن الصيانه برميها فى الشارع عشان معلهاش اقساط لكن لما يبقى على قسط ومعيش حقه يبقى انا الى حترمى فى السجن
ارجو متكونش زعلت منى مره تاني
ولا يهمك ومزعلتش وانا فهمت قصدك بس فى حالة انه اخيارى ديه هتبقى حاجة تفرح ومش محتاجه كلام فى الموضوع ده
تقبل تحياتى
انا اتمنى ان الكلام الى انت كاتبه ده يتطبق زى مهو او حتى جزء كبير منه وانا اول واحد حشجع القانون ده واغير عربيتى
يعنى انت تفتكر انى الى راكب عربيه قديمه مبهدلاه ومضيعه وقته عند الورش والاعطال والمصاريف الى خاربه بيت الواحد عاجبه الحال ده
طبعا لا ونفسنا نركب عربيات حلوه
بس نار البهدله ولا جنه الاقساط وخلافه
اشكرك مره تانيه على زوقك فى الحوار وتفهمك قصدى
يا توت باشا علب الصفيح حلها مش في الأحلال، حلها اللي حضرتك قولته هنا:
ولو هانتكلم على الدخان والبيئة، يبقى من باب أولى نعمل إحلال لأتوبيسات النقل العام والميكروباصات وسيارات النقل والموتوسيكلات، أعتقد انه نادراً ماتجد إحدى هذه المركبات بدون دخان بينما هي حالة نادرة أن تجد سيارة ملاكي بتدخن
دي مشكلة سواق وأسلوب سواقة، مش مشكلة موديل العربية
مش فاهم توفير لمين بالظبط؟ لو حضرتك بتتكلم على مستوى الدولة فاعتقد أن المكون الأجنبي في السيارات المجمعة محلياً تكلفته أعلى كثيراً من قطع الغيار للسيارات القديمة، بالإضافة لقطع غيار السيارات الجديدة فهي أيضاً مستوردة، أما على مستوى الأفراد فمن المؤكد أن تكلفة قطع الغيار أقل من من أقساط السيارة الجديدة وإلا كان رماها وجاب جديد من الأول..
أخيراً رأيي الشخصي في موضوع الإحلال، موافق لأني هاكون صاحب مصلحة "بفرض انه اتعمل بنفس نظام التاكسي" يعني هايخدوا العربية خردة بــ5000 جنيه وينزلوا في تمن الجديدة من 10 إلى 20 ألف يبقى انا كسبان 25000 في حين ان العربية تمنها حالياً لا يزيد عن 10000جنيه
طبعاً الرأي ده من وجهة نظر مصلحتي الفردية
إنما تخيل حضرتك واحد ظروفه لا تسمح أنه يدفع قسط العربية الجديدة يبقى الوضع أيه؟ نقوله يبيعها ويركب مواصلات؟ "زي ما وزير المالية قالها على قانون الضرايب العقارية" اعتقد ده ميبقاش عدل
تمااااااام
[marq="3;right;2;alternate"]
حد سامع حاجة
[/marq]
يا جماعة انا رأيي ان موضوع الاحلال ده مجرد استسهال و بس
يعني الحكومة دلوقتي بتعدم الاف شاسيهات العربيات و فرحانييين و هما اصلا لو اقعدوا 100 سنة مش هيعرفوا يصنعوا ربع التكنولوجيا اللي هما بيرموها دي
انا رايي ان الحكومه تعمل الاحلال بس مش بالطريقة دي
هما ممكن يخدوا العربيات القديمة و يصلحوها يعني ماتور جديد عفشة جديده صالون جديد و كل ده مش هيتكلف 20 الف و يبقي في مصنع تبع الدوله طبعا يعمل الكلام ده و تبقي المصانع دي زي توكيلات كده للعربيات القديمة دي (ده طبعا بعد التعديل او اعادة اصدارها)
و يكون في خطة انتاجية معينة يعني كل عربية يتغيرلها حجاتها بحاجات عربية تانية و يكون الكلام ده ثابت لكل موديل عربية
و كل واحد لو عايز ياخد عربيته القديمه ياخدها (بعد التعديل ) و طبعا هيدفع المصاريف دي علي اقساط و هتبقي قليلة (بالنسبة لو اخد عربية جديده ) و لو عايز ياخد عربية جديده عادي و العربية القديمة دي تتباع في السوق
و كده هيشتغل مهندسييين و فنييين كتيير جدا و في نفس الوقت المصنع ده ممكن يبقي نواه لمصنع عربيات مصري في المستقبل
أو يعني في الاحلامممم
وبعدين انا مش فاهم بصراحة الناس بتفكر إزاى يعنى ... انا لما بقول ياريت ينفذوه هوة حد طايل أصلا انهم ينفذوه
1- ده اختيارى يعنى عربيتك عجباك اشبع بيها :) خليهالك يعنى مش هتغيرها غصب عنك
2- هيخدوا عربيتك القديمة اللى كل يومين بتصرف عليها ومطهقاك فى عشتك و يخلوك تقسط من غير فايدة او بفايدة بسيطة قوى ولمدة طويلة يعنى هتلاقى انك لو حسبت انهم خدوا منك عربيتك ب 5000 تلاف و عملوا موضوع التخفيض فى الفايدة والحاجات ديه هتلاقى توتال ان عربيتك اللى مش عارف تبيعها جايبالك 30 ولا 35 الف على الكلام ده
غير ان بالتقريب اللى بتدفعة عليها تصليح وقرف هتدفعوا فى القسط وفى انك راكب عربية نضيفة مريحاك وبعدين فى الأخر انتة حر تغير او متغيرش ديه حاجة ترجعلك واختيارى
وعايزنى مشجعش انة يطبق !!! طب اقنعنى على اساس إيه ده لو اطبق انا هشترى عربية قديمة تانية ملهاش لازمة عشان الموضوع ده مخصوص
الموضوع مش محتاج تفكير اصلا :36_1_34[1]:
متفق مع كلامك :satelite:
يعنى معلش ياجماعة الناس اللى معاها بى ام ومرسيدس وعربيات عالية سواء مواتير او اداء واتعود على ركوبة ماينفعش ينزل عنها
بعد مايركب المانى يجى يركب كورى لأ وكمان تجميع محلى يعنى سوء تجميع بالعبيط وبعد كدة التوكيل يشتغل
لازم يبقى اختيارى لو اجبارى هايبقى حرام بجد
(مع اعتذارى لملاك الكورى )بس حرام فعلا والموضوع دلوقتى مابقاش موضوع مين اقوى ومين احسن بقى امين اجدد فى الموديل ,مع انى بشوف الجديد عطلان كتير جدا وبتبقى سيارات ملاكى
والغريبة انى شوفت سيارة تويوتا كورولا 2009 عطلانة على الطريق وعربية نص نقل جراها بحبل بدون اى حوادث ,تخيل بقى الكورى تجميع محلى هيبقى عامل ازاى
الموضوع وقف علشان مش من حقه ينزع ملكية خاصة ... أما في التاكسي هو كان بيقولك ممكن تبدلها أو ممكن تبعها ملاكي .... مفيش نزع ملكية ....حاجة دستورية كده ممكن أي أخ لينا محامي يفهمهلنا..... المهم إنهم واقفه المشروع ...وبيفكروا يعملوه optional.... اللي عايز ok اللي مش عايز يظبط عربيته ويرخصها عادي
لو تسمحولي اضيف رايي المتواضع. في كذا نقطة بنتكلم فيها هنا:
1 - فكرة الاحلال من عدمه
2 - كيفية تنفيذ الاحلال
الاحلال ممكن عمله وانا مش مع الراي اللي بيقول ميقدروش ومظاهرات وكده مش عشان احنا هنعمل مظاهرات لا عشان انا شايف ان الدوله من حقها تسن القوانين اللازمه لحماية المجتمع والناس والبيئة.
ممكن بمنتهي اليساطه لو مكنش القرار صريح بمنع تسيير السيارات القديمه ان القرار يطلع في صورة ضرائب وتراخيص بقيمه تجبرك علي ان تتخلي عن السيارة ولا تركبها وساعتها لن تساوي شئ.
عدد السيارات المتوقعه ان تصبح تحت وطأة الاحلال اذا مر علي سنة الصنع 30 او 40 سنه يقدر بكذا مليون سياره واذا افترضنا العدد مثلا 5 مليون عربية ومتوسط سعر السيارات سيكون 60 او 70 الف فلا اظن ان هناك بنك سيجازف باموال تقدر قيمتها 300 او 400 مليار جنيه لان لو الناس كلها ما دفعتش هنبقي كارثة ماليه تانيه لا قدر الله.
كما ان العدد هذا سوف يكون شبه معجز لشركات السيارات ان تقوم حتي بتقفيله ناهيك عن تجميعه في فترة مقبوله وطبعا بفترض انها تم استيرادها وموجوده في المخازن وده طبعا شئ تاني خالص.
يعني احنا هنلاقي نفسنا في احسن الاحوال منتظرين علي الاقل سبع تمن شهور علي ما تستلم اذا استلمت. وطبعا مع كمية النتاج الكبيرة دي لو حصلت اكيد هيكون في نسبة سيارات معيوبة كبية عن المعدل الطبيعي عشان ضغط الانتاج في اسرع وقت لتجنب فضب وثورة المستفيدين.
عشان كده انا شايف ان الدوله ممكن بنسبة كبيرة تمنع الترخيص وسير المركبات دي مع اعطاء مهله مثلا سنه او اتنين لتوفيق الوضع وبس وتسيبنا احنا مننا للبنوك اذا حبت انها تدخل المشروع والمالك هو اللي يتصرف في بيع السيارة في اي مكان او يقطعها او اي شيء.
لكن ان الدوله تعمل نفس فكرة التاكسي فانا مستبعد ده بنسبة كيرة جدا للاسباب السابق من وجهة نظري.
خلينا ننتظر ونشوف اخر الاخبار ايه
يا جدعان مفيش إحلال ولا يحزنون ده كنا بنقول كده علشان اللى عنده عربيه قديمه سعرها يرتفع مش أكتر والدليل أهوه الناس كانوا بيقولوا الإحلال أول السنه وبتاع وادى شهر واحد خلص وولا الهوى شفتوا بقى وبعدين إن إتعمل حتى بس بعد فترة لسه مش دلوقتى العربيات الجديده مش هيدوهالكوا ب 3 جنيه لا هتبقى سعرها غالى مش زى ما انتوا متوقعين بردوه