engine cleaner !!!!!

**playeeer_fishooo** · 16-10-2009 08:51 PM

يا جماعه و انا بقلب ف صفحاات المنتدى لقيت واحد ف قسم المتسوبيشي بيسال ع حاجة اسمها engine cleaner &fuel cleaner مش عارف ده ايه نظامه حلو و لا ملوش تاثير و هل فعلا بينضف الرشاشات و كل حاجة ف دورة البنزين و لا ايه ؟ و هل ف حد جربه ؟ و تمنه كام ؟ و ازاي يتم استخدامه؟
و شكرا ليكم

**tompina** · 16-10-2009 10:50 PM

بص يا حاج plyeeeer fishooo
لو قصدك على المنظف اللي بيتحط في التانك مع البنزين ففيه رأيين .. الأول إنه حلو وبينضف التانك وبيحسن كفاءة المحرك وبيسلك نخاشيش البخاخات . ـ طبعا مالناش دعوة بالدعاية اللي على المنتج لأنه حتى لو كان زيت طعمية الشركة المنتجة هاتقولك عليه منقذ الموتور ـ
والرأي التاني إنه بلوة مسيحة .. يعني إيه ؟
طبعا إنت عارف إن بنزينات مصر العامرة فيها شوائب أكتر ما فيها بنزين ـ عادي يعني ـ
أهو المنظف دا بقى بيدوب الشوائب اللي في التانك وعلى مصفاة الفلتر ويروح بيها على فين ؟؟؟؟
البخاخات !
شوف إنت بقى ...
عموما الرأي التاني دا رأي واحد ميكانيكي متخصص في الإنجكشن ؛ وبالمناسبة أنا استعملت المنظف دا مرتين والمرة التانية بالذات اضطررت لفك البخاخات والنظفتها بالإسبراي عشان كانت إتسدت !

**playeeer_fishooo** · 17-10-2009 12:00 AM

بصراحة انت جبت من الاخر يا ريس
بس كان في حاجة ... مش هو بيدوب الشوائب يعبي بكده مش هيسد حاجة و لا هيروح بيها ع اي حته
و منتظر باقي الخبراء

**tompina** · 17-10-2009 04:22 AM

المشاركة الأصلية كتبت بواسطة playeeer_fishooo

مش هو بيدوب الشوائب يعبي بكده مش هيسد حاجة و لا هيروح بيها ع اي حته
و منتظر باقي الخبراء

ماهي المشكلة إن الرواسب بتبقى راقدة في التانك ومتماسمة نوعا .. والمذيب ده بيفتتها لكن من بيدوبها والفرق كده كبير جدا لأنه بكده بيخلي الرواسب شبه الرمل فبتعدي وتوصل للبخاخات ومش بتذوب لأنها ممكن تكون رمل فعلا ودا مش هايدوب بمذيب أو غيره لكن بيروح وبينزل على مصفاة البخاخات نفسها .. وعموما لو إنت عاوز تنظف البخاخات بس فدي سهلة جدا ولو عندك وقت ومفتاح 12 / 13 زاوية ، تجيب معاه منظف إسبراي بتاع الموتور هاتلاقيه بـ 18 أو 20 عند بتوع الإكسسوار .. تجيب البخاخ وترش فيه جامد من ناحية قاعدته وبعدها تخبط بيه جامد على قاعدته هاتلاقي الرواسب نزلت مكان ما خبطت وبس !
الحكاية مش هاتاخد منك نصف ساعة ولو فاضي طلع المسطرة ونظفها كمان وركب كل حاجة واتفرج على النتيجة ..