محتار في الكيا

**Hosam_Optrawy** · 18-10-2009 06:52 AM

المشاركة الأصلية كتبت بواسطة y2y1500

على فكرة كل طرازات كيا وهيونداى حاجة واحدة
ووجهين لعملة واحدة
لأنهم شركة واحدة

كيا بيكانتو = هيونداى i10
كيا ريو = هيونداى اكسنت
كيا سيراتو = هيونداى الانترا
كيا سبورتاج = هيونداى سانتافى
كيا سورينتو = هيونداى توسون
كيا سيراتو كوبيه = هيونداى كوبيه
كيا اوبيروس = هيونداى أزير

[sor2]http://rapidshare.com/files/294449972/2.jpg.html[/sor2]

السيراتو الحاليه مختلفه عن الالنترا الحاليه

السيراتو الشكل القديم هى اللى تقريبا زى الالنترا دلوقتى

ونفس الموضوع مع السيراتو الكوبيه

مش زى بتاعت هيونداى

**Youssef.Awad** · 18-10-2009 02:56 PM

المشاركة الأصلية كتبت بواسطة akram2010

الهيونداى افضل من الكيا فى جودة السيارات وخامات الاجزاء . شوف تقفيل الالنترا والاجزاء تجدها افضل من السيراتو والماتركس والكارينز

الى السيد/ أكرم غبور
تحية طيبة وبعد ,,,

نحيط علم سيادتكم بأن مجموعة هيونداى تضم كيا
يعنى جميع موديلات الصانعين مولودين من بطن واحدة ومركز تصميم واحد وخطوط انتاج واحدة وبيتشحنوا على سفن واحدة برضه مملوكة لهيونداى اللى فى الاساس شركة صناعات تقيلة فى بناء السفن
فما ينفعش حضرتك تقول هيونداى احسن من كيا لأن الاتنين حاجة واحدة
يا الاتنين حلوين يا الاتنين وحشين
الا اذا كان لسعادتك رأى تانى
الاخفاق يكون فى جيل بأكمله وليس فى طراز يحمل مسميين فى الاسواق نقول الالانترا حلوة والسيراتو وحشة أو العكس.

والله ولى التوفيق ،،،

**M.Osman** · 19-10-2009 12:26 AM

وكل التقييمات العالمية بلا استثناء فيها فرق كبير في الجودة و الاداء بين هيونداي وكيا.

ساعات الكيا بتكسب الحقيقة
زي ما حصل مع الكيا Cee'd في اوروبا ..

يا باشا زي ما كل الأوكتافيا جوة الكابوت في علامة VW .. (يعني مكونات اهو)
في عندي (فيرنا) علامة هيونداي و كيا مع بعض في كذا مكان

في فرق كبير بين مازدا و فورد اه
لكن كيا و هيونداي بيعملوا variety في اسامي الموديلات بنفس الشاسيه و نفس المحرك و الموضوع كله تسويق عشان يواكب متتطلبات السوق
i30 هي الcee'd
إلانترا هي تقريباً السيراتو (بغض النظر القديمة او الجديدة .. من هنا جت الvariety اللي بتكلم عليها)
ريو هي اكسنت
i10 هي بيكانتو

وفي امثلة تانية كتير و برضه اكيد في إختلافات بين العربيات .. لكن تقريباً هم واحد ..

**tarekabosdera** · 19-10-2009 12:28 AM

المشاركة الأصلية كتبت بواسطة nadernabil

الأداء و الإعتمادية واحد....

شركة كيا مملوكة من جانب شركة هيونداي....
السيارات بتشترك في نفس المواتير و بعض أنظمة التعليق و المكونات الكهربائية و الميكانيكية

أرجو كلامك يكون مبني على حقائق...مش لأنك منحاز لهيونداي تقوم تنشر معلومات غلط!

ا

غريبة الإلانترا تفوقت على الماتريكس....لا لا لا لا ملاكش حق!

شركة كيا مملوكة لشركة هيونداي ... صح

انما سيارات كيا بتشترك في قليل جدا من المكونات من هيونداي لان لكل شركة التصميمات الخاصة والمهنسين الميكانيكيين المستقلين .

وعلى فكرة انا مش متحيز تماما لاني جبت الهيونداي عن اقتناع انها شركة عملاقة.

وياريت حضرتك تبحث اكتر وتسأل الميكانيكيين بتوع كيا وهيونداي وتتابع مستوى هيونداي فين ومستوى كيا فين وهتعرف مين اللي كلامه صح.

**tyrant** · 19-10-2009 12:49 AM

ِباب برضه محدش فادني

**sha2e** · 19-10-2009 01:40 AM

المشاركة الأصلية كتبت بواسطة tarekabosdera

مش معنى انهم جروب واحد يبقى نفس الانتاج . وفعلا جودة هيونداي اعلى بكتير من كيا والدليل على كده ان موديلات كيا بمرور الزمن مبتكنش بنفس جودة سيارات هيونداي .

.

اسمحلي اختلف مع حضرتك فى النقطه دي لأني شايف ان العكس صحيح
موديلات كيا القديمة بمرور الزمن بيظهر ان جودتها افضل بكتير من الهيونداي
على سبيل المثال كيا سيفيا وهيونداي اكسيل
الاتنين 1500 والاتنين فول اوبشن والاتنين مثلا موديل 1999 تعالي بقى نقارن اعتقد كان السعر ايامها حوالي 58 الف للاكسيل و 62 الف للسيفيا
نبدأ نقارن الان :
الثبات : السيفيا اثبت بكتير من الاكسيل
الصاج : الاثنين صاجهم ضعيف
المحرك : موتور السيفيا اقوي وانشط بكتير من موتور الاكسيل
الصيانة : العمر الافتراضي لقطع غيار السيفيا أطول من عمر قطع غيار الاكسيل
المقصورة الداخليه : فى السيفيا افضل من الاكسيل بالاضافه الى انه اوسع
اعادة البيع الان : متوسط سعر السيفيا 42 الف جنيه بينما متوسط سعر الاكسيل الـ1500 حوالى 34 الف جنيه

وشكرا

**M.ABDEEN** · 19-10-2009 10:27 AM

الكيا قديم وجديد زي الفل وذات جودة وتقفيل كويس وتوكيل ممتاز مقارنة بهيونداي

-

-

الموضوع: محتار في الكيا

LinkBack

أدوات الموضوع

عرض

-

-

-

المواضيع المتشابهه

محتار بين الكيا والرينو والهيونداي ممكن تنصحوني ؟

محتار بين الكيا والرينو والهيونداي ممكن تنصحوني ؟

محتار بين الكيا برايد و الفيات تيمبرا

انا محتار الكيا ضبط مقاس هوا الكوتش

عجبانى الكيا سيراتو جدا بس محتار!!!!

الكلمات الدلالية لهذا الموضوع

المفضلات

المفضلات

ضوابط المشاركة