الموضوع: حد يقولي i30 ولا سيراتو ولا لانسر 2009

المشاركة الأصلية كتبت بواسطة Ignition-Kid

شوف حضرتك , مع احترامى ليك

ال Two Stroke engine احنا درسناه فعلا ( فى سنه اولى كليه ) ,درسناه اه بس مش بالتفصيل الممل يعنى علشان مابقاش كداب ( مع انى مش باعترف بيه اصلا وشايف انه بدائى وملوث للبيئه وصعب الكنترول عليه)

واكيد اكيد يعنى درسنا تصميم محركات, ازاى يعنى اكون فى هندسه سيارات وماادرس تصميم الحاجه اللى هاشتغل فيها بقيه عمرى !!!!!!!

عايز اقولك حاجه ( ومش هاحلف علشان مش بحب الحلفان وموضوع انك تصدقنى او لا ديه حاجه بتاعتك )

انا لسه كنت باخد كورس فى عن ال Engine Diagnostic وكان معانا ناس من سنه رابعه ميكانيكا باور ( هندسه شبرا ) وكانت معلوماتهم بسيطه جدا جدا جدا عن Internal combustion engine بل وتكاد معدومه, انا كنت مذهول بصراحه وحصل ان المهندس اللى كان بيشرح اضطر انه يوقف ال Course لغايه مايشرحلهم ال Basics علشان يقدروا يكملوا الكورس معانا .

وعلى العكس انا اعرف ناس كتير معايا فى هندسه سيارات و مايعرفوش اى حاجه عن اى حاجه بجد !!

انا مش بقول ان كل بتوع باور كده ولا كل بتوع سيارات كده , انا بقول ان الموضوع انت عايز تفهم ولا لا وبتحب اللى بتدرسه ولا لأ !!

لأن الواحد لو اعتمد على الكليه بمعيدينها بدكاترتها وبس هايطلع فى الاخر ....... اى كلام

وبالنسبه لموضوع مشروع التخرج انا كمثال مشروع التخرج بتاعى فى ال Turbo-Charging the internal combustion engine وعايز اقولك ان الدكتور المشرف على المشروع دكتور هندسه انتاج !!!!!!!!!!!!!

والعلم فعلا مالوش كبير ومش معنى انى فى هندسه انى اكون فاهم كل حاجه, فيه ناس هنا بجد ماشاء الله لاعمرهم درسوا هندسه ولا حاجه بس معلوماتهم خياليه وناس فاهمه ويمكن كمان احسن من ناس فى هندسه !

ياريت تكون فهمتنى , واسف على الاطاله

كلامك صح و اتفق معاك..

انا كنت اقصد تصميم المحركات من ناحية الكفاءة الحجمية و كل العوامل اللى بتأثر فيها.. اما المحركات ثنائية الاشواط فهى بتستخدم فى تطبيقات معينه و صناعات ثقيلة و كانت بتستخدم زمان اكتر.

انا بقول من ناحية كليتى ان كورس محركات الاحتراق الداخلى كويس جداااا لانه على سنتين و يسبقهم مادة احتراق مستمر تعرفك على مبادىء الاحتراق.. لكن سيارات لما بتكلم مع ناس فيها بحس كأنهم مش دارسين اى حاجه او يمكن ده يرجع للشخص نفسه ثم الكلية و استاذ المادة.

على العموم انا من اكتر المواد اللى بحبها و بحب التفكير و القرأة فيها هى المحركات و مش بمل من دراستها و بحب تطبيقها جداااا... و فعلا كان معايا الناس فى المشروع مش عارفين حتى Basics و حاجات عاديه عن العزم و القدرة و مين بيخرج على سرعات قليلة و مين على سرعات عاليه و لا يعرفوا يفرقوا بين منحنى اداء بنزين و ديزل بأتفه طريقة عن طريق السرعة المحدودة للمكنة!!!
فى المشروع كنت فى جروب من 6 اشخاص محدش بيعمل اى حاجه غير لما انا اجى و لو مشكلة انا اللى بدور و اسأل و اقرأ و محدش بيفكر يقرأ حرف او يراجع على مبادىء قديمة درسها و دى اكتر حاجه بتخنقنى.. عايز اقولك اى كنت بعيد كلامى ليهم اكتر من مره فى اساسيات المفروض يكونوا عارفينها

و انا فى الخدمة يا باشا لو حبيت تستفسر منى عن اى حاجه فى القياسات و التجارب العملية و انا هكون مبسوط و هستفيد كمان من موضوع التيربو ده
بالتوفيق و امتياز ان شاء الله