الموضوع: ممكن حد يقولى اتصرف ازاى فى الموقف دة قبل ما اعمل مصيبة

المشاركة الأصلية كتبت بواسطة MOSHAKS

يجماعه اغلبكم فرض سؤ النيه محدش عارف ايه الموضوع وده مين ولا عايز ايه
انا هئولكم على موقف شخصى واستحملونى شوية
كنت راكب مترو الانفاق من عام تقريبا وبعدين فى احدى المحطات طلعت شابه جامعية وشايله الكتب بتاعتها وباين عليها مستعجله بس ملحئتش عربة السيدات فركبت اول عربية قبلتها وكان المترو كالعاده متنيل على عينه مليان المهم كانت ادامى وبعد محطتين طلع 2شباب شكلهم استغفر الله العظيم واحد لابس حظاظه وسلسله والتانى فاتح القميص لنص بطنه والى يعنى كده بئا صايع وهما شكلهم سحالى شكلهم 18 سنه
وبعدبن اعدوا يتمحكوا ويرخموا عليها لدرجه انه ان واحد فيهم شد كتاب منها وبيئولها ورينى كده هى بصراحه اعدت تشتمه بس طبعا شتيمتها بنت ناس فمتنفعش معالعالم ديه وناس كبيره جنبها بئولو يبابا عيب كده اعتبرها اخت ومش عارف ايه وكان الرد بتاعهم انتو مال اهليكم كل واحد يخليه فى حاله طبعا انا ببسط الكلام البذئ اللى ئالوه طبعا كل واحد خاف ليتهزئ سكت وعمل عبيط المهم ئولتها لو سمحتى تعالى مكانى (لانى كنت فى زاويه من الباب) راحت بصراحه جايه وانا روحت مكانها وئولته انا بئا معيش كتب تشدها قالى نعم
ئولته خير هو البعيد اطرش المهم اعدو يتودودوا وواحد فيهم عايز يعدينى وييجى ناحيتها روحت مصدرله كوعى فى بطنه ئالى وسع ئولته مالك بتتمحك ليه ئالو سع كوعك ئولته جالى شد عضل
المهم شدينا فى الكلام وراح بيمسكنى من رقبتى ويئولى مالك يبو دم خفيف ئولته مفيش ياعم حئك عليا وراح المترو فتح فى المحطه اللى بعدها وقبل ميئفل المترو كنت مديلو بالشلوط كعورته رصيف المحطه وعملته باااااااااااااى كان المترو قفل وروحت لافف للتانى ونزلت فيه طلطيش ووشى كان محمر بئا وباين عليا الغضب وئولته انا فضتلك بئا وهطلك تيتك يابن الييييييييييييييت وهو بيئولى والله اسف دحنا بنهرج معاك وانا مش ساكت بالدماغ والائفا والناس تهدى فيا
وئولته والله يبن التيت لتنزل بمزاجى المحطه اللى انا اخترهالك ونزلته سعد زغلول مع انه كان رايح كوبرى القبه
وجت البنت اتأسفتلى ومعلش انا اسفه جدا من الموقف والبهدله ديه
وكل يوم بيحصل بلاوى واتعرفت عليها وطلعت جارة لجدتى
واخدت رقم مووبايلها وكده محدش يفهم غلط
فى نفس اليوم بالليل واحده راحت لمامتها فى البيت وئالتلها انا شوفت بنتك مع واحد فى المترو وعمالين يضحكوا واتوصت بصراحة بالكلام
والبنت ياعينى خدت علقة موووووووووووت وراحت المستشفى
وكلمتنى وئالتلى اللى حصل واخدت تليفون ابوها وكلمته وفين وفين لما خلانى اقابله وشرحتله اللى حصل بالتفصيل والحمد لله افتنع مقتنعتش
وصالح بنته بعد مكان تقريبا اتبرى منها ومكنش عايز يخليها تكمل تعلمها وحبسها فى البيت
وكل ده علشان الموضوع اتفهم غلط وحد نقل الموضوع من وجهة نظره

على فكره خطوبتى على البنت اللى بئولكو عليها ديه على شهر 8 كده على متخلص امتحانات ان شاء الله وتنجح بتقدير
اوعى تفتكروا انها تدبيسه لا والله بس بجد
صدفة خير من الف ميعاد
وطبعا الكل معزوم

علشان كده بقول يجماعه لا متستعجلوش وكلمها هى شخصيا فى الحوار ده وشوف ايه القصه مش يمكن الواد جده ناوى خير ويمكن انه بيلعب بيها ومحتاجه نصيحتك متستعجلش فى الحكم وخد وادى معاها واقنعها
ان الله حليم ستار متبهدلهاش وتخليها تسقط من نظر اهلها وانها مش حمل المسئولية ساعة الغضب الانسان بيبئا اعمى ومتتوقعش رد فعله
اتقى شر الحليم اذا غضب.
معلش طولت عليكم

معلش البنت اللى حكت الموقف هى اللى اتسببت فى المشكلة... و انا متاكد ان ابو خطيبتك عارف و متاكد تماما انك راجل و حتصون بنتة... معلش هى كانت علقة جامدة بس محدش يعرف البنت قالت ايه لكن على الاقل نقدر نتخيل اللى اتقال

MMamdouh