ممكن حد يقولى اتصرف ازاى فى الموقف دة قبل ما اعمل مصيبة

**Hacker5** · 17-10-2009 07:59 PM

السلام عليكم ورحمة الله وبركاته

عايز اى اخ او اخت يقولى اتصرف ازاى و اقول ايه فى الموقف دة

دلوقتى انا ليا صديق و اكتر من اخ نعرف بعض من 8 سنين و صداقتنا قوية جدا و عشرة 8 سنين بدون مشاكل خالص و الحمد لله
و دخلت بيته و دخل بيتى و اهله ناس محترمين جدا و هو عنده اختين و متربين كويس جدا و مقفول عليهم
امبارح بالصدفة بركن العربية فى شارع احمد عرابى و انا باصص فى مراية الصالون لقيت واحدة منهم ماشية مع واحد بتاع 18 سنة شكله يقرف استغفر الله العظيم شكله زى الشباب اللى بيروحوا يقفوا قدام مدرسة البنات عشان يعلقله واحدة
بالظبط عامل زى سواقين الميكروباصات او التكاتك
طبعا هاتقولوا يمكن واحد قريبهم
لا طبعا انا عارف عيلتهم كلها نفر نفر
و هيا شافتنى على فكرة و حطت وشها فى الارض
و انا مش متعود انى اشوف حاجة غلط قدامى و اسكت و انا من صغرى
و الكلية برضو علمتنى نفس الشىء (كلية الحقوق)
فا انا دلوقتى اعمل ايه ؟

1- انفض و اعمل نفسى ماشوفتش حاجة و ماقولش لاخوها
2- ابلغ اخوها او والدتها
3- ابعتله رسالة من رقم موبايل مايعرفوش اقوله على الموضوع ؟

ياريت تقولوا ايه الصح

انا بجد فقدت الثقة انى الاقى واحدة متربية او مؤدبة ارتبط بيها

**amrico** · 17-10-2009 08:04 PM

حاول متخسرش صاحبك
وخد من صاحبك الجوانب اللي متضايقكش
عرفت عن اخته حاجة وحشة، افصله عن عيلته خالص ومتروحلوش البيت.
البنت صعب اوي تكلمها او تقول اخوها حاجة زي كدا
بس برضه انت ادرى بصاحبك لو كان ممكن يقبل منك الكلام ده ولا لأ

**MoToRiZeR** · 17-10-2009 08:06 PM

i don't think so
بلاش تتكلم في حاجة كدة .

**Hacker5** · 17-10-2009 08:09 PM

ماشى يا جماعة
اخوها هو اللى صعبان عليا فى الليلة دى كلها
اخوها طيب جدا
طيب لدرجة العبط

**الطنطاوي** · 17-10-2009 08:13 PM

بداية لازم تكون عارف ردة فعل زميلك ايه

يعني لو هايأخذ الأمر بغوشمية وعافية بلاش وشوف حد تاني زي والدتها أو أختها أو والدها

أهم حاجة اللي تقولة تكون عارف أنه حكيم ويعرف ينصح البنت

وأنت بتقول لصاحبك عنها فهمه إنك بتقوله علشان خايف عليها زي اختك

بس لازم الأمر يوصل لأهلها علشان يتصرفوا ويأخدوا بالهم قبل فوات الأوان

وربنا يحفظها ويهديها ويجازيك خير

**gebreel** · 17-10-2009 08:19 PM

لازم اهلها يعرفو ده شئ مش محتاج سؤال
بما ان صاحبك ممكن يتصرف بغوشومية و انت عارف العيلة نفر نفر حاول تشوف اي بنت من العيلة تكون تثق فيها و البنت تعرفها كويس و تقلها على اللي حصل علشان توصلهولها او توصلو لمامت صاحبك لكن لازم الاهل يعرفو قبل ما اي حاجة تحصل
بس انا من رايي ممكن تكون البنت حبت تجرب حوار الصوحبية ده علشان ميتقالش عليها انها مش مصاحبة و الكلام الفاضي ده و لما تعرف انها هتتكشف و ممكن يحصل ما لا يحدث عقباه ترجع و تسيبها من الهبل ده
بس ماتسكوتش

**A.Saad** · 17-10-2009 08:24 PM

انت ممكن تقوله بطريقة سياسية
يعنى تقوله انا فيه حد من العائلة عندكم شكله كذا شفته مع اختك ده يبقى مين قريب من بعيد ولا حاجة
هوة كدة ليه فرصة انه يطلع من المشكلة قدامك ويكون شكله كويس ويقول انه واحد قريبه من بعيد مثلا وياخد اجراء مع اخته برده

وبعدين
نصيحة
ما تسيبش صاحبك طيب كدة ووعيه شوية مش فى الموضوع ده
لا فى الحياة كلها
امال ايه فايدة الاصحاب

**الغزالى** · 17-10-2009 08:33 PM

طيب ما ممكن حل تانى بس الله اعلم ها ينفع ولا لاء لو انت ليك علاقو كويسة باخواتة بوتكلمهم عادى يعنى كلمها انت وفهمها بس من غير لما حد من اخوتها يعرف لو ماقتنعتش انت يا عتها تشوف انهى اعقل واحد عندوهم ومش هايعمل مشاكل وتقولو عشان يتصرف

-

الموضوع: ممكن حد يقولى اتصرف ازاى فى الموقف دة قبل ما اعمل مصيبة

LinkBack

أدوات الموضوع

عرض

ممكن حد يقولى اتصرف ازاى فى الموقف دة قبل ما اعمل مصيبة - انشر الموضوع فى :

-

-

-

-

-

-

-

المواضيع المتشابهه

ممكن حد يقولى ازاى المع العربيه

انا اعمل ايه يعنى دلوقتى....حد يدلنى اتصرف ازاى؟؟؟؟

ممكن حد يقولى اعمل ايه ؟؟؟؟

حد يقولى اعمل اية فى السقف او يقولى اعمل اية فى الكلاب

حد يقولى الموقف دة يعصب ولا لا ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة