جددت رخصة العربية النهاردة!

**MohamedGafar** · 19-10-2009 12:55 PM

هي الحروف بس؟ محدش علق على لونها (اللبني) اللى سابوا ألوان الدنيا كلها وبلونا باللبني ده! طب تخيلوا لونها عامل إزاي على عربيتي اللى لونها نبيتي!

مش عارف بس كل مأبص على العربية من قدام أو من ورا نفسي بتتسد والله! ماكانوا يعملوها فضي واللا يسيبوها أبيض زي بقية بلاد ربنا! لكن لأ لازم نفتكسسسس!!!!!!!!!!

تحياتي..

**N.a.j.d** · 19-10-2009 04:11 PM

معلش يا باشا الحكومه عايزه كده

**haitham gazaly** · 19-10-2009 11:57 PM

مش المهم اللون
اللون مش مهم خالص زى الحروف دى شتيمة

**tananybasha** · 20-10-2009 12:11 AM

ياباشا اللون ده اللى لقوه ناقص فى المخازن فعملوا عليه مزاد و حد كسب توريده و تم الدهان بيه
هى دى مصر يا عبله
و بسسب الشتايم اعرف كذا واحد يا اما باع عربيته يا اما رمى اللوحه فى النيل و راح دفع تمن لوحات جديده

**N.a.j.d** · 20-10-2009 11:54 AM

ارضي بالنصيب

**hanykd** · 20-10-2009 04:17 PM

السلام عليكم ورحمة الله
أنا شفت نمر عجب وبعدين المشكلة إن لو لا قدر الله حصلت حادثة قدامك
عمرك ما حتعرف تحفظ نمرة العربية
يعنى حاتركز فى ايه من ال 3 حاجات اللى فيها
اللون ولا الرقم ولا الحروف
أنا كذا مرة أحاول أركز فيهم بس مش بقدر
طب تخيلوا إحنا فى العمارة عندنا 8 عربيات كلهم حروفهم س ر ب والإختلاف فى الأرقام مش كتير
وفى واحد تانى عربيته نمرتها س ج ق

ما فيش أغرب من كدة

أخوكم فى الله هانى

**Mostafa.Ismail** · 20-10-2009 04:35 PM

السلام عليكم ورحمه الله,

انا عندى سؤال بخصوص تجديد الرخصة بعد نقل الملكية انا اشتريت سيارة اوبل استرا 2004 اتوماتيك 1600cc فى شهر فبراير الماضى ودة كان كالتالى:

1- صاحب السيارة الاصلى واللى اسمه موجود فى رخصة السيارة باع السيارة بتوكيل عام (بيع للنفس و للغير) لشخص تانى.
2- وانا اشتريت السيارة من الشخص التانى دة بنفس الطريقه (توكيل عام بالبيع للنفس او للغير) ورحنا الشهر العقارى وسجلناة.
3- رخصة السيارة باسم المالك الاصلى وهتنتهى فى يناير 2010 + فحص
4- لوحات السيارة "ملاكى اسكندرية"
5- محلى اقامتى ورخصتى مصدرة من مرور فيصل "وطبعا مش محتاجين اقولكم هو اية :)"
6- معلوماتى عن السيارات "صفر" دة غير انى بكره شغل الورق والعقود والحكومة ومرور فيصل.

السؤال: اية المفروض انى اعملة علشان اجدد رخصه السيارة وتكونى باسمى؟

**MohamedGafar** · 20-10-2009 07:53 PM

المشاركة الأصلية كتبت بواسطة mostafaismail

السلام عليكم ورحمه الله,

انا عندى سؤال بخصوص تجديد الرخصة بعد نقل الملكية انا اشتريت سيارة اوبل استرا 2004 اتوماتيك 1600cc فى شهر فبراير الماضى ودة كان كالتالى:

1- صاحب السيارة الاصلى واللى اسمه موجود فى رخصة السيارة باع السيارة بتوكيل عام (بيع للنفس و للغير) لشخص تانى.
2- وانا اشتريت السيارة من الشخص التانى دة بنفس الطريقه (توكيل عام بالبيع للنفس او للغير) ورحنا الشهر العقارى وسجلناة.
3- رخصة السيارة باسم المالك الاصلى وهتنتهى فى يناير 2010 + فحص
4- لوحات السيارة "ملاكى اسكندرية"
5- محلى اقامتى ورخصتى مصدرة من مرور فيصل "وطبعا مش محتاجين اقولكم هو اية :)"
6- معلوماتى عن السيارات "صفر" دة غير انى بكره شغل الورق والعقود والحكومة ومرور فيصل.

السؤال: اية المفروض انى اعملة علشان اجدد رخصه السيارة وتكونى باسمى؟

ياسيدي اللى حتعمله إنك تروح مرور فيصل - اللى إنت تابع له - ومعاك شهادة المخالفات ورخصة العربية والعقد المسجل فى الشهر العقارى وحتسلم النمر اللى راكبه على العربية هناك وحتعمل فحص وتستلم نمر جديدة وتبقي العربية بإسمك ، وخللى بالك ان لازم الرخصة بتاعة العربية تكون سارية وماتنتظرش إنك تجدد بعد ما تنتهي وإلا حتضطر تطلع شهادة بيانات من مرور إسكندرية! برضه شهادة المخالفات مدتها شهر فلو إنتهت لازم تطلع واحدة جديدة من اسكندرية وعيش بعد كده فى مرور فيصل!

تحياتي.

**N.a.j.d** · 20-10-2009 10:38 PM

الله ينور يا باشا

-

الموضوع: جددت رخصة العربية النهاردة!

LinkBack

أدوات الموضوع

عرض

-

-

-

-

-

-

-

المواضيع المتشابهه

الحمد لله جددت رخصة العربية سنة و شكرا لمرور حدائق القبة

جددت رخصة السواقه الحمد لله كنت ناعى همها جدا

اخيرا جددت رخصة عربيتي

جددت رخصة القيادة اخيرا يا رجالة

جددت الترخيص بتاع العربية

الكلمات الدلالية لهذا الموضوع

المفضلات

المفضلات

ضوابط المشاركة