سحب البيتلز

**fidodido7up2** · 29-10-2009 12:22 AM

لا جديد يا هاشم الموضوع متعلق لغاية لما افضلها . شكرا على سوالك ياباشا يارب تكون بخير

**fidodido7up2** · 31-10-2009 03:10 AM

السلام عليكم
طبعا انا كونت خلاص شلت موضوع السحب من دماغى لحد ما العربية الفرامل بتعتها بقت خفيفة قوى وكان لازم اروح لمكانيكى وكان فى واحد قابلتة باصدفة كدة وكان شكرلى فى واحد اسمة وائل مكانيكى بيتلز عند الحى بتاع عين شمس الجديد فقولت اجرب وهو بالمرة اشوف موضوع السحب دة اللى اكتر المكانيكية اللى روحتلهم محدش فدنى فية خالص . المهم روحتلة ولقيتة شخصية محترمة جداا وحللى مشكلة الفرامل وغيرت فرامل اليد كمان جبت سلكين المانى تقريبا ب 70 جنية . وبعدين قولتلة على موضوع السحب دة راح قالى تعالة نجرب وطلع بية على الطريق السريع المؤدى للمطار وفعلا مشى مسافة كبيرة وحاول يقرص على الغيار وفعلا العربية كانت مبتعديش 80 /90 بالعافية ورجعنا الورشة وفضل يظبت شوية حجات فى الكهربة وطلعنا نجرب تانى وبرضة كانت نفس النتيجة وراح قايلى كدة مفيش غير الكربرتير لان كلة كدة سليم وماتورك كويس ورجعنا الورشة وغير الكربرتير بواحد تانى من عربية عندة موديل ستينات وطلعنا نجرب وكانت النتيجة مختلفة تماما سحب كويس وسرعة تمام وراح قايلى كدة العيب فى الكربرتير حاول تغيرة فى اقرب فرصصة وقالى تقريبا جديد ب900 واستراد ب350 والاسعار دى مش ثابتة . بس وكدة الحمد للة حددت اية المشكلة .

**ابوهاشم** · 31-10-2009 04:07 AM

طيب هو قالك على طول انه لازم يتغير
يعنى مش ممكن اصلاح ليه
على العموم منطقة شبرا فيها ميكانيكية كربراتير كتير
تخصصهم اصلاح كربراتير بس
واقصى اصلاح تكلفته تقريبا 80 جنيه
حاول تروح لحد منهم يمكن يكون فى امل فى الاصلاح
افضل بكتير من التغيير واوفر

**fidodido7up2** · 31-10-2009 05:11 AM

انا فعلاا فكرت فى الموضوع دة وكنت كمان سمعتك بتتكلم عن حاجة اسمها اكس وباب قبل كدة . ونبهتة للموضوع دة قالى دى حاجة تانية وقالى مفيش حل غير التغير ....
مش عارف وااللة يا استاذ هاشم
محتاج نصيحة او فكرة اعملها ؟

**ozy2026** · 31-10-2009 06:08 AM

لو العربيه بتستهلك بنزين كتير يبقى تروح لواحد بتاع كربراتير يظبطهولك
او تغيره بس لو هتغير يبقى تجيب جديد وتريح دماغك من الأستيراد ووجع الدماغ وكمان لو مش بتفكر تبيع
بس الأول روح لواحد بتاع كربراتير نضيف وخليه يظبطهولك ويشوف اذا كان محتاج اكس وباب ولا لأ بس خد بالك علشان اغلبيتهم حرااااميه

**fidodido7up2** · 31-10-2009 04:57 PM

شكرا على اهتمامك انا العربية بتستهلك من200الى 220 فى الصفيحة ودة بعد ما سالت طلع معدل كويس . بس لو ليك تجارب مع الاستراد ياريت تقولى

**ahmed2y** · 31-10-2009 10:23 PM

باشا مدام الموضوع كد روح لمحمد على انا بعد تجربتى معاة هو استاذ فى تظبيط المواتير غير كدة بيستسهل وبيكسل لكن لان الموتور قدامة وشغلة سريع وانا بعد تجربتى معاة فى طقم سرفيس فك الكربراتير والاسبراتير ونظفهم وغير الابلاتين والكوندنسر وظبط التاكيهات وغيرت البوجيهات بجد فرقت العربية معايا خالص نعومة وسحب ممتاز بس خالية هو الى يشتغل مش عمرو ابنة وربنا معاك ولو عايز اى حاجة انا تحت امرك وربنا معاك

**alhathik** · 03-11-2009 03:19 PM

إزي حضرتك يا استاذ هاشم انا عندي مشكله العربية بقالها يومين مبتدورش خالص افتح الكونتكت اللمض تنور بس التكه التالته ولا كان في حاجه مفيش صوت خالص فانا راكنها وبركب مواصلات حد يفيدني

**alhathik** · 03-11-2009 03:27 PM

ممكن تقولنل عنوانه بالضبط ايه

**ابوهاشم** · 03-11-2009 06:50 PM

المشاركة الأصلية كتبت بواسطة alhathik

إزي حضرتك يا استاذ هاشم انا عندي مشكله العربية بقالها يومين مبتدورش خالص افتح الكونتكت اللمض تنور بس التكه التالته ولا كان في حاجه مفيش صوت خالص فانا راكنها وبركب مواصلات حد يفيدني

الله يسلمك ياباشا
انت عندك تقريبا اما البطاريه نايمه وعاوزه شحن
او المارش مش شغال او مش واصل
ياريت تراجع الكهربائى