سحب البيتلز

**ahmed2y** · 03-11-2009 06:53 PM

السلامو عاليكم يا استاذ
alhathik

راجع على البطارية لو محصلش حاجة يبقى شربون المارش لان كان عندى نفس العيب ولسة مصلحة

**ahit** · 04-11-2009 03:15 PM

السلام عليكم ورحمة الله وبركاته

ممكن يكون سلك المارش مفصول أو مقطوع طالما مفيش لقط خالص لكن لو فيه لقط لكن ضعيف يبقى البطاريه

**fidodido7up2** · 04-11-2009 03:30 PM

السلام عليكم ورحمة الله وبركاته
يارب الجميع يكون بخير
تحياتى لى استاز احمد حسن وهاشم اللى دايما بيهتم بموضعنا حتى بعد تغيير العربية و الله حاجة فوق الوصف
بالنسبة لموضوع السحب بتاع العربية اخر الاخبار انى حطيت بنزين 92 بالصدفة كنت مجبر
والنتيجة محستهاش غير تانى يوم
سحب العربية بقى كويس وبتعدى المية مرتاح وبزيادة كمان انا بقيت محتارر جدا .... عايز الخص المشكلة بتعتها ومش عارف رايكم اية.؟ كدة خلاص مركزش فى الكربرتير وبرضة مقدرش احط 92 على طول

**ahit** · 04-11-2009 04:12 PM

المشاركة الأصلية كتبت بواسطة fidodido7up2

السلام عليكم ورحمة الله وبركاته
يارب الجميع يكون بخير
تحياتى لى استاز احمد حسن وهاشم اللى دايما بيهتم بموضعنا حتى بعد تغيير العربية و الله حاجة فوق الوصف
بالنسبة لموضوع السحب بتاع العربية اخر الاخبار انى حطيت بنزين 92 بالصدفة كنت مجبر
والنتيجة محستهاش غير تانى يوم
سحب العربية بقى كويس وبتعدى المية مرتاح وبزيادة كمان انا بقيت محتارر جدا .... عايز الخص المشكلة بتعتها ومش عارف رايكم اية.؟ كدة خلاص مركزش فى الكربرتير وبرضة مقدرش احط 92 على طول

و عليكم السلام و رحمة الله و بركاته

بصراحه شكل عربيتك اللى فى الصوره الشخصيه بتاعتك مش غريبه عليا !!!!!!!!!!!
هو حضرتك إسمك محمد أمير اللى قابلته عند الأسطى محمد على الميكانيكى ؟؟؟؟؟؟؟؟؟!!!!!!!!!!

على العموم طبعاً بنزين 90 و 92 و 95 هايفرق معاك كتيييييييييييييييرررررررر رررر فى سحب و آداء البيتل و عن تجربه لأنى كنت بستخدم بنزين 90 لأنه الأوكتان بتاعه كويس و نضيف و مافيهوش مشاكل كتيرزى البنزين 80 اللى مليان شوائب و تراب و ميه و بيسد بيكات الكربراتير و بتحتاج تنضف الكربراتير كل فتره !!!!!!!!!!!!!!!

فكده قدام حضرتك حل من الأربعه :
1- حضرتك تستخدم بنزين 90 أو 92 على طول.
2- حضرتك تغير كل بيكات الكربراتير اللى عندك ببيكات جديده و تراجع على الأكس و الباب و تفضل تستخدم بنزين 80.
3- حضرتك تشترى كربراتير إستيراد نضيف و تفضل مستخدم بنزين 80.
4- حضرتك تجيب كربراتير جديد و فى الحاله دى من الأفضل و الضرورى إستخدام بنزين 90 عشان ماتكونش رميت فلوس الكربراتير الجديد فى الشارع !!!!!!!!!!!

**ابوهاشم** · 04-11-2009 06:11 PM

حرام ترمى فلوسك فى الارض
بنزين 92 كتير جدا على البيتل
اولا ضياع للفلوس اللى ممكن توفرها
مع ال80 اللى بيشتغل زى الفل مع البيتل
وثانيا ال92 حامى على الموتور والصبابات
صدقنى افضل حل زى ماقولتلك فى الاول
انك تروح لميكانيكى كاربراتير يحللك المشكله دى
وبعدين احنا مش محتاجين سرعة ال100 اساسا
لانها مالهاش لازمه هنا
بس المشكله لو فى تأثير فى عزم الموتور
ويكون فى تاثير واضح عند تحميل العربيه
وزى ماقالك اخونا احمد حسن لك الاختيار
وحسب مقدرتك الماليه طبعا

**fidodido7up2** · 05-11-2009 02:39 AM

السلام عليكم ورحمة الله وبركاتة
تحياتى احمد و هاشم باشا
احمد باشا مظبوط محمد أمير اتقابلنا عند محمد على بحييك على قوة الملاحظة ياباشا بس انتة تواجدك قل شوية لعل المانع خير
اخبارك اية يارب تكون بخير
انا شايف ان الحل رقم 2 دة كويس بالنسبالى بس تفتكر البيكات دى لما هتتغير هتكون احسن ما تتنضف ويتجاب جديد وياترى سعرهم كام؟
وبرد برضة على هاشم باشا انا هجرب موضوع البيكات دة لو مجبش نتيجة مع البنزين ال 80 هبتدى اركز فى موضوع الكربرتير واتمنى انك ترشحلى واحد كويس اتعامل معاة
وبالنسبة للسرعة و الله انا مش غاوى جرى بس طريق شغلى بيحكم علية علطول على الدائرى دايما وكمان ممكن اتغاضى على الموضوع دة ...بس بتفرق كتير لما بكون محمل فى العربية حد معايا بيبقى الموضوع مملل جدا
وطبعا موافقك فى موضوع تكلفة 80 مناسب لية لانى بعمل 2000 كيلوا فى الشهر على الاقل فا اتمنى انى احل المشكلة دى واستمر مع 80 وشكرا على اهتمامكم جداااااااا
واتمنى تنسقوا مقابلة قريب لو حتى على الضيق كدة فى اقرب فرصة

[info]يرجى تحرى الدقه عند كتابه لفظ الجلاله
مشرف الأوروبى 2[/info]

**ahit** · 05-11-2009 12:58 PM

السلام عليكم و رحمة الله و بركاته

محمد باشا أمير
واحشنى يا راجل و فينك من زمان ماسمعتش صوتك؟
معلش أنا فعلاً مقصر شويه فى المشاركات لأن والدى تعبان جداً و الظروف عندى ملغبطه خالص من فتره و ربنا يشفى أمراض المسلمين.

بالنسبه للحل رقم 2 فاممكن تنظف البيكات بإسبراى تنظيف الكربراتير و بعدين تجرب السحب لو مانفعش يبقى تشوف الراجل بتاع الكربراتيرات اللى هاشم إتعامل معاه و تروحله يكشفلك على الكربراتير كله و يغيرلك الجوانات و البيكات المطلوبه و كله بالمصنعيه فى حدود 70 جنيه تقريباً.

و فيه حل خامس

إنك ممكن تبدل الكربراتير بتاعك بواحد تانى كويس و تدفع فرق مش هايعدى ال 150 جنيه بالكتير جداً إن شاء الله.

و إبقى طمنا عملت إيه

**gomangy** · 05-11-2009 01:01 PM

ربنا يشفيلك السيد الوالد وربنا يطمنك عليه

**ahit** · 05-11-2009 01:42 PM

المشاركة الأصلية كتبت بواسطة gomangy

ربنا يشفيلك السيد الوالد وربنا يطمنك عليه

يارب

ربنا يجازيك خير

**ahmed2y** · 05-11-2009 02:11 PM

روح لمحمد على واعمل الاتى طقم سرفيس عبارة عن فك وتنظيف ومراجعة على الكربراتير + فك وتنظيبف ومراجعة على الاسبراتير وتغير الابلاتين والكوندسر + ظبط تاكيهات + تغير البوجيهات وهات بوجيهات ngk اليابانى سن قصير الدبانة العالية بيقولو عاليها كدة وبلاش البوسنة الى هيقولك عاليها العملية كلها هتتكلف حوالى 100 تقريبا منهم 40 مصنعية ودى كانت تجربتى الشخصية لانى بخاف انصح حد بحاجة ويعملها ميكونش ليها رد فعل كويس معاة ويزعل و بعد ما كنت قرفت من العربية بس الحمد لله بعد الى عملتة دة بقى موتور تانى خالص وهتمشى معاك ببنزين 80 زى الفل وسلامى لاحمد باشا حسن واستاذ هاشم

الموضوع: سحب البيتلز

LinkBack

أدوات الموضوع

عرض

-

-

-

-

-

-

-

-

المواضيع المتشابهه

للخبراء فى البيتلز( تعديل البيتلز)

يا رجالة البيتلز هى البيتلز ادفع فيها 20 الف جنية

البيتلز

صوت فى البيتلز

حد شاف البيتلز دي قبل كدة

الكلمات الدلالية لهذا الموضوع

المفضلات

المفضلات

ضوابط المشاركة