الموضوع: عربيتك علي rpm 4 بتجيب كام ؟

المشاركة الأصلية كتبت بواسطة semsem kane

ياجماعة كل عربية متغيرة عن العربية الاخرى والاختلاف دة بيكون نتيجة للاتى :

1- مقاس الكاوتش

2- اقصى عدد لفات للمحرك

3- العزم الكلى اللى بيخرج للعربية عند عدد لفات كام

4- نقلات الفتيس سوءا اتوماتيك اواتو ( 5 سرعات ولا 4 سرعات - cvt - اتوماتيك عادى )

كل دة بيأثر يعنى او واحد اخر عدد لفاتة 6500 لفة طبيعى انة يكون عندة ال rpm على 3 وسرعتة 120 مثلا غير واحد تانى مثلا هتلاقى اقصى عدد لفاتة 7000 لفة هتلاقى الرقم زايد شوية لنفس السرعة

هية بتتقاس كدة

وعشان اوضحلكوا اكتر طبعا كل واحد عارف ال SiR طيب ان العربية دية على سرعة 100 كم بيكون جايب 3000 اربى ام اللى ممكن اى حد فيكوا يكون جايبها على 2500 اربى ام

بس انا عندى الريد زون بيبدأ من بعد 8500 لفة يعنى ازيد من اى عربية ب1500 الى 2500 لفة فى اى عربية وهاتلى اى عربية فى مصر تقدر تجيب السرعة القصوى بتاعة ال SiR الا السيارات التيربو ذات المحركات ال2000 سى سى

فمحدش ياخد نفسة مقياس ويقول لأ دية عربيتى فيها مشكلة ولازم احلها عشان غيرى جاب بعربية تانية ومحرك تانى سرعة اعلى واربى ام اقل

طبعا انا مع الرأي ده 200%

انا عندي 100 كم = 3400 rpm
120 كم = 4100 rpm

حد حيقولي ياااااه ايه الموتور التعبان ده حقوله ده يعتبر 48% من اجمالي قدرة المحرك (8500)
اذا كان 8500 = 100%
يكون 4100=48%
يعني المحرك يبذل 48% من قدرته عشان يجيب 120

اي محرك تاني اخره 6500 مثلا حيجيب 120 كم علي 3000 rpm يعني 46 % من قدرة المحرك
بنفس الحسبة
يعني المحرك يبذل 46% من قدرته عشان يجيب 120

ايه ده ما هي هي اهي امال ايه وجع الدماغ ده
وجع الدماغ ده عشان لو الاتنين ماشين 120 جمب بعض و الاتنين جابوا اخر الدواسة مع بعض طبعا اللي rpm بتاعه اعلي حيجمع سرعة و حيجيب العزم بتاعه اسرع
و ده بيرجع لتركيبة صندوق التروس بنقلات اقصر لكن رينج rpm اعلى بتسمح بتجميع سرعة في وقت اقل

اسف يا جماعة لو توهتوا مني لكن الموضوع كبير و انا بحاول انجز

الخامس على اربى ام اربعه--140

المشاركة الأصلية كتبت بواسطة yoko

معلش بس موضوع النسب ده مش مظبوط لإن فيه عربيات (خصوصا التربو) بتطلع 50 من القوه بتاعتها عن 2000 rpm والعربيه الليمت بتاعها 6000 وأكتر
والمواتير العاديه بتجيب 50% من الباور عند 4000 ار بي إم وبرده الليمت 6000 تقريبا
الsir بيجيب برده نص قوته بعد نص الrpm بحبه حلوين (عشان العزم المتأخر)
أما الrpm الأعلى على نفس السلرعة لما يكبسوا هو الي هيطلع برده غلط الي عزمة أعلى عند الrpm الي هو عليه هو الي هيطلع
يعني لو عربيتين على 120
وواحده على 4000 وعزمة في النقطه دي 130 ن.م
والتاني عند 3000 وعزمة عند النقطة دي 150 ن.م
الي على 3000 هو الي هيطلع (لو فرضا بقيت العوامل ثابته من وزن العربيه ومقاومتها للهواء)

واضح ان اي حاجة في اي حاجة غلط في حين ان التجارب العملية بتثبت غير كدا تماما
و اذا كان عالتيربو مع ان محدش جاب سيرته بعد اذن اخونا فورميلاتور. البرافو ال 150 حصان التيربو مبتطلعش من sir في الطلعة من الثبات رغم العزم البدري و 50% من قوة الموتور عند 2000 rpm و الكلام دا و غير انها مبتطلعش في نهاية الغيار التاني و اول التالت بتكون خلف ال Sir تماما

(دا مجرد مثال بيبين التجربة و ليس المقصود منه الاستعراض ) الشئ باشئ يذكر

المشاركة الأصلية كتبت بواسطة yoko

انا مش بتكلم على التربو أو غيره انا بتكلم على الكلام العلمي والحسابات
دلوقتي على موضوع الsir والبرافو ال150
الجري كله على الrpm العالي صح!
البرافو عزمها 206 نيوتن عند 1750 وبعد كده بينزل لحد 140 عند 5 الاف rpm يعني هو بيجري عند عزم من 150 ل140
لكن الsir بيجري عند أعلى نقطة عزم ليه فهيطلع فهمت وجهت نظري؟
وانا قولت في حاله تثبيت بقيت العوامل لكن هنا العربيه وزنها وشكلها والجير مختلفين
لكن لو إنت والبرافو ماشيين عادي ومدين نقلات بدري وهو عند 2000 rpm مثلا
وإنت عند 3000 rpm وكبستوا مع بعد (من غير تسقيط) هتلاقي البرافو فرق لحد ما العزم عنده يقل وعندك يزيد تبدتي تحصله وتطلع منه
مجربنهاش دي بس كلام منطقي عشان التيربو حيجيب عزم بدري
بس برضه الكلام كله كان على العربيات ال na
أنا مثلا ركبت برافو 120 متونه الecu بتاعها إنها تحافظ على العزم في الrpm العالي أكتر من ال120 العاديه بقت تثبت مع الsir
يعني عزمها عند 5000 بقى قرب ال160 ن.م بدل ال140

اشكرك على حسن الرد و التوضيح