الفيرنا ومميزاتها وعيوبها

**emadmody2010** · 12-11-2007 09:48 PM

ياريت حد يقولي مميزات الفيرنا وعيوبها و
خلينا في العادية مش الفيفا

وهل هي واسعة ولا لا

وهل في منها اتوماتيك

وهي احسن ولا الانوس

**Ahmed Anwer** · 12-11-2007 10:15 PM

الوسع :
وسع معقول و شنطة كبيرة

اتوماتيك :

في منها أتوماتيك ال 1600 و ال 1500

احسن من اللانوس :

في وجهة نظري الشخصية علي الأقل 1600 cc احسن

من ناحية موتور أقوي و سحب أفضل ( نفس موتور الماتريكس و الإلنترا القديمة و الكوبيه )، موديل احدث ، صاج اقوي ، عفشة أنعم ،، اثبت علي السرعات العالية لو مضبوطة

العيب الأساسي :

الزوايا و الترصيص

سببه الأساسي الجنوط و الكاوتش المصري

عيب قابل للحل بسهولة ما بين ضبط زوايا و ترصيص او بحد أقصي تغيير الجنوط و الكاوتش

غير كده مفيش عيوب عامة متكررة

و عموما ده تقييمي الشامل ليها في اللينك ده

http://www.nilemotors.net/Forum/view...er=asc&start=0

غير كده عالميا هيا واخدة جوائز ممتازة اهمها المركز الثاني في الإعتمادية في فئتها في تقييم JDPOWER فئة SUB-COMPACT
بعد الياريس و قبل الريو و ده اختبار واقعي بيتم للعربية بعد ثلاث سنين من الإستخدام
http://www.jdpower.com/corporate/new...spx?ID=2006133

نصيحة أخيرة اللانوس و الفيرنا عصر و انتهي

لو مش فارق معاك عيوب الأفيو السحب الضعيف و استهلاك البنزين العالي و عدم الثبات و الإنتشار و قطع الغيار اللي لسه في البداية

تبقي أفضل عشان احدث و اشيك و توكيلها افضل غير ان كتاريخ عمر مواتير دايوو افضل من عمر مواتير هيونداي قياسا علي اللانوس و الإكسنت و الله اعلم بالنسبة لموتور الفيرنا 1600

**running_man** · 13-11-2007 02:48 AM

عيوب الأفيو السحب الضعيف

-1
مش ضعيف خالص و أقدر أقوللك أحسن من الفيرنا ال 1500

استهلاك البنزين العالي

+1
دى ماشى

عدم الثبات

ثابتة جدا رغم شكلها العالى الكنز و أثبت من الفيرنا- بالذات- بمراحل
الفيرنا عومت بيا قبل كدة مرتين فى ملفات فى منتهى السهولة

**ahmed karm** · 13-11-2007 08:31 AM

من عيوب الفيرنا انخفاضها وده بيجعلها تحك في المطابات وخصوصاً لو في حد قاعد ورا وبالمقارنة ب أفيو تعتبر الأفيو أحسن بغير و شايف السحب بتعها ممتاز .

**Ahmed Anwer** · 13-11-2007 01:36 PM

ثابتة جدا رغم شكلها العالى الكنز و أثبت من الفيرنا- بالذات- بمراحل
الفيرنا عومت بيا قبل كدة مرتين فى ملفات فى منتهى السهولة

اللانوس عن تجربة مينصحش ابدا انك تزود بيها عن 100 ، 120 بالكتير

و كذلك الأفيو ناس كتير اصحابها في المنتدي و في contact cars ذكروا نفس الكلام و اكدوه

الفيرنا ثابتة جدا لو مضبوطة بإختصار نوعية الكاوتش اللي بتيجي بيه مش قد كده

عموما العربيات دي كلها Sub-compact ده الطبيعي بتاعها مش عربيات سرعة و غرز

سحب الأفيو بصراحة مش عن تجربة ليها ،، قياسا علي اللانوس

عموما الفكرة ان مش واحدة بوجاتي و التانية سيات 131 ،، الإثنين قريبين جدا من بعض

و لو لاحظت انا في الآخر نصحت السائل انه يجيب أفيو لأن أنا شخصيا كنت هاجيبها لو كانت نازلة اتوماتيك ساعتها

لأن انا شاف الأفيو شكلها احلي و تابلوها تحفة بجد و متميزة عن الفيرنا المرطرة و توكيلها محترم

و ان كان انتشار الفيرنا ميزة وقتية حاليا ،، اكيد الأفيو هتبقي في نفس الإنتشار و توفر قطع الغيار ،،، مسألة وقت مش اكتر هيستمتع فيه بالتميز لفترة

**شريف شعبان السيد** · 13-11-2007 05:58 PM

الفرنا على فكرة مش منتشرة بس فى مصر منتشرة كمان هنا فى الخليج وثابته وجودها انا كنت من اشد المعجبين بالعربية ده بس ظهر عيب الماتور 1500 انه بيهرب زيت فصرفت نظر واتجهت الى الماتريكس