الموضوع: عضو جديد معاكم في عصابه الاوبل

السلام عليكم ورحمه الله وبركاته
ازيكم ياشباب عاملين ايه
اولا يسعدني اني انضم للعصابه بتاعتكم
انا روحت شفت العربيه اللي كنت عامل موضوع عنها قبل كده وكشفت عليها في التوكيل وربنا وفقني واشتريتها وشكرا لكل من ساهم في الموضوع السابق العربيه مواصفاتها كالاتي
فيكترا موديل 97 معدله 2000 الاكصدامات الجديده راشه بره نضافه وفابريكا دواخل والاساسايات سليمه بدون اي اعمال سمكره (تقرير التوكيل )
موتور 2000 سي سي eco tec +الغفشه بتاعته كامله +الفرامل بتاعته كامله +السيرفو +الطرمبه بتوع الموتور الجديد


فتيس اوتوماتك
نظام القياده الرياضى (Sport mode)
نظام القياده على ارض زلقة (mode *)
عدادات ال cdx
عامله 125000 كم
تكييف – باور - سنتر

فرامل ديسكات امامى وخلفى + ABS

4 زجاج كهربا اوتوماتك (يفتح او يقفل بلمسه وحده) بخاصيه التوقف لو اعترضه اى شئ

وحده رفع زجاج مع السنتر للاربع ابواب
مرايات كهرباء
فحه سقف كهرباء
فوانيس اسبور امامي وخلفي
ساخان للزجاج الخلفى

فوانيس شابورة امامى وخلفى

امكانية التحكم فى ارتفاع النور الامامى ب5 مستويات من الداخل وكذلك قوة اضاءة التبلوه

مخدع امامى وخلفى

عازل حرارى (لباد) تحت غطاء الكابوت
بطاريه جديده 70 امبير من اسبوع
فرش جلد
جنوط اسبور 16
كاسيت بايونير
سماعات بايونير خلفي

طبعا العربيه محتاجه الاتي (بناء علي كشف التوكيل )
1-حساس abs خلفي
2- شاشه المعلومات فيها سطر ناقص (هصلحهازي المواضيع المثبته )
3-طقم قواعد موتور
4- مساعدين امامي
5-جلب خلفيه
6-تحتاج صاجه حمايه للشكمان

انا خدتها علي 54000 ايه رأيكم في السعر وايه رايكم في العربيه نفسها
وان شاء الله هعملكم موضوع عن تجربتي مع التوكيل (اخوان مقار )بالتفصيل وفي انتظار الاراء وياريت اللي يعرف اسعار الحاجات اللي محتاجاها العربيه يقولي عليها