عضوية مؤقته بنيسان

**Samir Elshahawy** · 20-10-2009 10:57 AM

المشاركة الأصلية كتبت بواسطة khela

بصوا ياجماعة انا الى مخوفنى من الياريس قعدتها مكان القيادة باحس انى غاطس فيها مهما رفعت الكرسى ومش شايف الطريق كويس ..يعنى باحس ان بانوراما القيادة غريب ومش مريح وآمن خصوصا مع شوارعنا الزحمة والعربيات لازقة فى بعض فيها فياريت الناس الى بتقود الياريس تقولنا رايها فى النقطة دى هل دة احساس حقيقى وطبيعى وهل دة بيبقى فى الاول بس ولا بيفضل مستمر وياريت المقارنتها مع الصنى تكون فى النقطة دى لان باقى المزايا والعيوب لكل سيارة فيهم قريت عنها فى المنتدى والناس تقريبا مجتمعة على مزايا و عيوب كل واحدة............وشكرا

بالعكس الرؤية في الياريس أفضل بكتير و الكرسي بتاعها بيعلي بالاضافة لأرتفاع العربية عن الارض مقارنة بالصني بيعطيك أحساس أنك شايف الطريق كويس لكن المشكلة أن الكبوت صغير و مش باين زي الصني أو أي عربية تانية و دي المشكلة اللي واجهتني في الاول لكن بعد كده اتعودت عليها و لما قارنت بينها و بين الصني في النقطة دي وجدت اني بأرتاح أكثر في الياريس (دي وجهة نظري ) يمكن لأن الياريس مناسبة لي أكثر من الصني لكن أعتقد أن ده مش عيب في الصني بالنسبة لواحد طويل شوية

**khela** · 24-10-2009 08:39 PM

se_coralsea باشا
اية اخبار عربيتك اتصلحت ولا لسة واية اخر اخبارك مع الصنى ولو بتشترى عربية من جديد دلوقت تاخد انهى فيهم

**ahmad--ezzat** · 24-10-2009 08:53 PM

شكرا على التقييم....لو جربت بقا الصنى 2010 هتحبها عن ال 2005 عشان احدث شويه وكمان ال 2005 عدها عليه عمر برضه

**Samir Elshahawy** · 24-10-2009 11:33 PM

المشاركة الأصلية كتبت بواسطة khela

se_coralsea باشا
اية اخبار عربيتك اتصلحت ولا لسة واية اخر اخبارك مع الصنى ولو بتشترى عربية من جديد دلوقت تاخد انهى فيهم

- المفروض أستلمها الاسبوع ده بس نظرا لأني مسافر فأن شاء الله أستلمها لما أرجع الاسبوع القادم

- اما بالنسبة للصني فالحمد لله بالرغم من انها قديمة شوية و حالتها تعبانة بالمقارنة بالياريس ألا أنها جيدة جدا و بدأت أخد عليها خصوصا بعد تاني سفرية بها النهاردة للعين السخنة حيث واجهت هواء شديد لم أصادفه من قبل و مع ذلك كنت ماشي بيها 140 كم/ساعة و كانت ثابته جدا لو بالياريس ماكنتش هأقدر أجيب 100 كم/ساعة , بس الياريس أستهلاكها للبنزين أقل بكتير و كمان سحبها حلو مقارنة بالنيسان صني

- عموما لو ها أشتري ها أشتري الياريس برضه لأني بأرتاح فيها أكثر و ده هأشرحه بعدين لما أرجع ان شاء الله من السفر

شكرا على التقييم....لو جربت بقا الصنى 2010 هتحبها عن ال 2005 عشان احدث شويه وكمان ال 2005 عدها عليه عمر برضه

علي العفو ياباشا و انا تقيمي ييجي أيه جنب تقيم الخبراء الكبار اللي في نايل موتورز
عموما زي ماقولت بالرغم من ان العربية موديل قديم و حالتها مش زي الجديدة لكن ادائها جيد جدا و يمكن فعلا لو جربت موديل 2010 أقتنع بيها كفاية أني حاسس أني راكب عربية أمريكاني اللي هي 6 متر

و مرة أخري تقبلوا تحياتي
م/ سمير الشهاوي