سؤال عن ضمان الماروتى ارجوا المساعدة

**momopersona** · 19-10-2009 03:59 AM

يا جماعة انا معايا ماروتى موديل 2007 كنت شاريها كسر زيرو من ساعتها ماتعملهاش ولا صيانة ولا تربيط عفشة ولا حاجة الا الزيت والبنزين طبعا
العربية دلوائتى عايزة مساعدين وتربيط عفشة وتظبيط كهرباء ماشية 15000 كم
ماعيش ورق ضمان ليها هل هى ليها ضمان اساسا ولو ليها ضمان هايرضو يعملوها وهى مارحتش ولا صيانة قبل كده
العربية كانت من المصرية للسيارات
وأرجو ماتبخلوش عليا بمعلومة

**maak333** · 19-10-2009 09:24 AM

بص يا باشا
- اولا عربيتك لسه عليها ضمان لان الضمان 60000 كيلو او 3 سنوات ايهما اقرب فهي كدا لسه عليها ضمان بس لازم يكون معاك الورق بتاع الضمان....
-ثانيا الحجات اللي انت بتقول عليها ملهاش علاقة بالضمان سواء العربية عليها ضمان او لا سواء كانت موديل السنة دي او موديل قديم التوكيل هايعمللك اللي انت عاوزه طالما حاجة ملهاش علاقة بعيوب صناعة
-ثالثا ودا الاهم الحجات اللي انت عاوز تعملها اي ميكانيكي ممكن يخلصهالك اسرع واوفر ويمكن اجود من التوكيل....

**momopersona** · 19-10-2009 04:56 PM

يعنى المساعدين دى مش تبع الضمان؟؟
ازاى انا كان معايا كيا برايد كنت بغير المساعدين من غير مادفع غير المصنعية بس فى الضمان

شكرا يا باشا على الاهتمام

**A.Saad** · 19-10-2009 11:07 PM

لو العربية ماتعملهاش صيانة فى الميعاد هتطلع من الضمان
وده عن تجربة التو كنت هاشتريها سالت هيا فى الضمان ولا لا
التوكيل قاللى انه متعملهاش صيانة عندهم ولو ماشية كتير هتكون طلعت من الضمان

**tamercc** · 24-10-2009 06:10 AM

انا معايا عربيه 2008 و مالهاش ضمان ولا ورق ضمان

بس غريبه حكاية المساعدين دى...لانه اول مره اعرف ان فيه ماروتى مساعدينها تبوظ بالسرعه دى على الرغم من العربيه خفيفه جدا و مبتشكلش ضغط على المساعدين

انت بتركب فيها عدد و بتمشى بيهم كتير؟

**momopersona** · 24-10-2009 08:45 AM

ااه ماتخفش احنا اربعة اوزان شوية وأختى مابتشوفش المطبات تقريبا
لو عربية تانية كانت اتبهدلت اكتر
والعربية دى احنا بجد رغم كل الكلام ده وان احنا بنحوت بنزين 80 دى اول مرة نعمل فيهاحاجة غير الزيت بئالها 3 سنين الا شهرين

**A.Saad** · 24-10-2009 10:35 AM

اعتقد ان لازم تاخد بالك من العربية شوية
علشان تعيش معاك ان شاء الله

**momopersona** · 08-11-2009 10:01 AM

شكرا يا جماعة على الاهتمام
انا خلاص ظبطها فى بنزينة وطنية عملتلها ظبط زوايا واحتاجت زرجينة عشان كان فى عجلة مأخرة عن التانية بسبب مطب او حاجة وربط العفشة وكله تمام الفرامل اتظبطن والدريكسيون خف والسحب اتحسن لما عملت الحاجات دى
عشان العجلتين كانو بصين عكس بعض فالفرامل كانت بتزحلق جامد وبتصفر والكبالن ماكنتش مظبوطة فالسحب كان وحش والدريكسيون كان تقيل
بس هى عايزة مساعدين ان شاء الله هابئا اجيبها

-

الموضوع: سؤال عن ضمان الماروتى ارجوا المساعدة

LinkBack

أدوات الموضوع

عرض

-

-

-

المواضيع المتشابهه

برجاء المساعدة من خبراء الماروتى

أرجو المساعدة من مالكى الماروتى

سؤال لفريق نيسان .. ارجوا المساعدة

ارجو المساعدة ارجوا المساعدة

سؤال فى الصور ارجوا المساعدة

الكلمات الدلالية لهذا الموضوع

المفضلات

المفضلات

ضوابط المشاركة