الموضوع: النيو اكسنت-مميزاتها ومشاكلها (ياريت المساعدة)

المشاركة الأصلية كتبت بواسطة qupeed

منورنا ياباشا والله...
1)بالنسبة 1400 و 1600 تمام كده استقرينا علي 1600.
2)موضوع الباور ده حضرتك بتقول من اول 2008 طيب انا ممكن اجيب حاجة تكون 2007 يبقي ايه العمل وهل فعلا في مشكلة فيه وفي واحد صاحبي معاه واحدة 2009 بيقولي الباور بتاعها كهربا بس هو مااشتكاش من حاجة؟
3)سعر المستعمل من العربيات دي في حدود كام سواء كانت 2007 او 2008؟

الباور الكهرباء مافيهوش مشكلة معايا بس ممكن تحس بصوت نقرة في المزلقنات مثلا وده شئ عادي لكن لا يعيبه أي شئ اخر
ويستحسن أي عربية تجيبها تروح تكشف عليها في التوكيل بالجهاز وخصوصا الباور

أما سعر المستعمل 2007 بيتراوح تقريبا ما بين 62000 و 66000 وده لو حالتها كويسة.
وأنا أنصحك بال 2007 لأنها أحسن موديل نزل مصر

المشاركة الأصلية كتبت بواسطة qupeed

الف شكر ياجميل علي سرعة الرد...وفعلا من اول 2008 بقي الباور زيت انا اتأكدت منها.
يعني الباور ده بيفصل معاك بعد 100 وتمام وماحصلتش انه علق او اي حاجة؟
وليه بقي 2007 احسن موديل نزل مصر؟يعني فيه فروق معينة ممكن أعرفها؟
معلش ياباشا لو كنت بتقل عليك بس انت ماشاء الله شكلك فاهم وانا شايف ان الباور الكهربا تكنولوجيا جديدة كويسة لو ملهاش مشاكل يعني مميزاتها:
1)بتوفر عزم اكتر للعربية حوالي 3 او 4 حصان الي كانوا بيروحوا قبل كده للطلمبة الزيت.
2)مفيش زيت باور ولا تغيير ولا وجع دماغ.
3)مفيد جدااا في الزحمة والركن وعلي السرعات بيتقل معاك عكس الزيت بيفضل زي ماهو.
ده مجرد رأيي المتواضع قابل للصواب او الخطأ...وشكرا

الباور مابيفصلش ولا حاجة بس هو بناءا على المقاومة اللي بيحس بيها بيخففلك الدريكسيون لغاية حد معين والمقاومة دي بتقل كل ما العربية بتجري فبالتالي هو بيوصلك خفية الدريكسيون لنفس المستوى أكن العربية واقفة (ده بكل بساطة) فانت تحس انه بيتقل بس في الحقيقة ان أداء واستجابة الباور بتتغير على حسب سرعة السيارة وده بيساعد على ثبات امكانية التحكم في السيارة في السرعات المختلفة.

وطبعا زي ما انت قولت

1)بتوفر عزم اكتر للعربية حوالي 3 او 4 حصان الي كانوا بيروحوا قبل كده للطلمبة الزيت.
2)مفيش زيت باور ولا تغيير ولا وجع دماغ.

الله ينور عليك
أنت شكلك مهندس بالفطرة.

المشاركة الأصلية كتبت بواسطة qupeed

ربنا يخليك ياباشا انا مهندس اه بس برمجة
المهم ماقولتليش بقي ليه 2007 احسن موديل نزل مصر؟

أحسن في التقفيل والخامات وخاصة ال 1400 علشان سوق أوروبية