أقوى موتور بعد التعديل

**m_o_sakr** · 19-10-2009 12:29 PM

كنت بتكلم مع أصحابى فى موضوع تعديل العربيات و المحركات و كنا مختلفين هل التعديلات تؤثر على عمر الموتور بالسلب ولا ملهاش تأثير كبير؟
و هل موضوع التعديل مستاهل ولا مش مستاهل الفلوس الى بتدفع فيه؟
و لو الموتور معمول من سبايك الألومنيوم ينفع يتعدل ولا مينفعش؟
و سؤال كمان محدش عرف يجاوب عليه إجابه قاطعه : إيه الى ممكن تعدله فى موتور عربيتك من غير ميخرج العربيه بره الضمان؟؟؟

و طبعاً الكلام كتير و موصلناش لنتيجه, قلت لازم أحط الموضوع فى أيد الخبراء و هما يقولو المفيد و الخلاصه,,,,

**MMamdouh** · 19-10-2009 01:41 PM

المشاركة الأصلية كتبت بواسطة m_o_sakr

كنت بتكلم مع أصحابى فى موضوع تعديل العربيات و المحركات و كنا مختلفين هل التعديلات تؤثر على عمر الموتور بالسلب ولا ملهاش تأثير كبير؟

التاثير الاكبر بيبقى من طريقة استعمالك للموتور و العربية بشكل عام و كمان مراعاه الصيانة الدورية.. يضاف ليها طبيعة التعديلات و دقة عملية الtuning اللى بتتعمل بعد التعديل

يعنى لو واحد مركب فلتر و شكمان و كابلات سبليت فاير و بيراعى عربيتة حتعيش اكتر من عربية ستوك صاحبها بيهمل صيانتها

انا اعرف عربية نوبيرا فى بولندا راكب عليها تربو و العربية ماشية بيه 20 الف كيلو لحد دلوقتى و بدون اى مشاكل

و هل موضوع التعديل مستاهل ولا مش مستاهل الفلوس الى بتدفع فيه؟

اكيد طبعا يستاهل

و لو الموتور معمول من سبايك الألومنيوم ينفع يتعدل ولا مينفعش؟

ايه التعديلات اللى انت شايف او شاكك انها متنفعش للموتور اللى البلوك بتاعة الومنيوم؟؟

و سؤال كمان محدش عرف يجاوب عليه إجابه قاطعه : إيه الى ممكن تعدله فى موتور عربيتك من غير ميخرج العربيه بره الضمان؟؟؟

اى تعديل على التصميم الاصلى للعربية حيخرجك برة الضمان

MMamdouh

**kasten** · 29-11-2009 07:47 PM

مشكوووووور والله يعطيك الف عافيه

**محمد فريد** · 30-11-2009 08:51 PM

والفلتر الاسبور المخروطى يخرج من الضمان
واى حاجة كده ظاهرة انها متغيره
متهيألى البوجيهات مش هتبان - السلوك هى اللى هتبان
وشوفوا انت ايه كمان وقولولى

**sameh127** · 24-12-2009 04:02 PM

الفلتر لأ مابيتكلمش فيه
الوكيل بيبص علي التقايل اللى يقدر يتكلم و يقولك انا مااضمنلكش العربية بالشكل ده علشان دي مش طالعة من المصنع كده و غيرت كيان العربية و انا بضمن قطعتي فقط
زي ما تركب جيربوكس بدل الأصل او تغير المكنة او تركب تيربو او تركب مساعدين تانية بره او تغير اسلوب توجيه العربية او تركب كرتة تحكم رياضية للمحرك فكل قراياتها حتختلف عن القراءات الموجودة عنده على السكانر لما يوصله بالكرتة.

**محمد فريد** · 24-12-2009 04:11 PM

كل شئ جايز

**hosar** · 23-02-2010 02:59 PM

متابع بأهتمام

**H_A_T_Em** · 23-02-2010 04:16 PM

كل واحد و دماغه طبعا يا باشا يعني في ناس ملهاش في التعديل خالص و ممكن تشوف انه مفيش داعي للتعديل و تحب قوي تركب العربيه ستوك وتقولك انا ملعبش فيها و في ناس تانيه طبعا زي حالتنا التعديل ده بيعني ليهم كتير و و انه بيستاه كل اللي بيدفع فيه بس في المعقول و التعديل دايما بيكون للاحسن طبعا يعني مثال بسيط جدا فلتر الهواء السبور ده احسن من الستوك بكتير و مش بيحتاج يتغير و بيريح الموتور و يخسن السحب ده غير ان هبيديك صوت رياضي جميل

**الغزالى** · 23-02-2010 04:58 PM

المشاركة الأصلية كتبت بواسطة sameh127

التيربو و سوبر تشارجر و العفشة الرياضية يخرجك من الضمان

معلش ياباشا طلب برة الموضوع
هوا حضرتك فعلا معاك
كوردوباوفيها مكنة ال vr6
وهل انت مركبها ولا هيا ستوك كدة من المصنع
وكمان النوبيرا السوبرتشارجر لو صور ليها هيا والكرودوبا
يبئى كدة كتر خير حضرتك اوى