مابل

**HaNcocK** · 23-10-2009 09:22 PM

" السلام عليكم ورحمه الله وبركاته "

يا شباب الموضوع مش مستاهل كل ده والله,

وانا عن نفسى بقدر العربيات الصينى جدا وبأتوقع انها اكيد هتنافس الشركات الكبيره فى السنوات القليله القادمه نظرا لعروضها القويه,

وايضا بحترم اللشركات الكبيره لانها الاصل فى صناعه وابتكار العربيات , وده ميمنعشى ان العربيات الصينى دلوقتى ماشيه على الطريق الى هيؤهلها لتصبح منافس قوى للشركات الاخرى.

واكبر مثال على كده العربيات الكورى لما نزلت الكل كان بيتخوف منها تمام زى العربيات الصينى دلوقتى,

على العموم انا رايح بعد بكره اشوف العربيه مابل أسباير وهسأل عن كل حاجه وهقولكم عن رأى المتواضع فيها وبكده هتعم الفائده على قارئ الموضوع.

وأسف جدا على الاطاله.

**nab!l** · 24-10-2009 12:44 AM

المشاركة الأصلية كتبت بواسطة foxarc

كلام متناقض مع ردك الاول
انا اقصد ياريت نركز علي الايجابيات و السلبيات و نسيبنا من الكلام اللي يوجع الدماغ زي ابعد عن الصيني و غنيله اركب جنط احسن و علي فكرة انا اعرف يعني ايه اودي كويس لاني عندي اوبل و باقدر الالماني جدا

لا تعليق

**doctor_cool** · 26-10-2009 01:25 AM

السلام عليكم

أنا روحت النهارده اتفرجت عليها في أبو غالي

العربية بسم الله ما شاء الله واسعة بشكل غريب و الشنطة بتاعتها مهولة

و شكل العربية مش وحش خالص ، شكلها مقبول جدا

الكنبة الخلفية واسعة جداً

الكشافات بتاعتها حلوة أوي و خصوصا الخلفية

الكماليات بتاعتها أقل من اسبيرانزا في بعض الحاجات ، زي إنه مافيش فتح الشنطة و التانك من الداخل ، مافيش تحكم في زاوية إضائة الكشفات الأمامية ، مافيِش وحدة رفع زجاج مع القفل بالريموت

أسوأ شيئ فيها إن التابلوه بتاعها مش شكله حلو ، أقصد أكتر إن الخامات المستخدمة فيه ، رديئة إلى حد ما ، بما في ذلك مفاتيح الإضائة و المساحات

و بالمناسبة هي مساحة واحدة أمامية

العربية تقفيل الصين

أنا بصراحة محتار

أشتريها و للا أشتري اسبيرانزا 113

هو بس التابلوه بتاعها لو كان نضيف شوية عن كده ، مش كنت ترددت لحظة ، وخصوصاً إن الوسع بتاعها هيفيدني كتير و كمان الشنطة ، كل المشكلة اللي مضايقاني هي ردائة التابلوه

**Superdriver** · 06-11-2009 05:47 PM

المشاركة الأصلية كتبت بواسطة doctor_cool

السلام عليكم

هو بس التابلوه بتاعها لو كان نضيف شوية عن كده ، مش كنت ترددت لحظة ، وخصوصاً إن الوسع بتاعها هيفيدني كتير و كمان الشنطة ، كل المشكلة اللي مضايقاني هي ردائة التابلوه

لا أعتقد إن المستوى المتوسط لجودة خامات و تشطيب التابلوه وحده سبب كافي يخليك تصرف نظر عنها .. العربية تتقيم ككل .. شكل و جسم و عفشة و موتور و فرش و كماليات و تابلوه و إمكانيات و سعر و وكيل ..

**MaZaGAngeE** · 18-01-2010 10:13 AM

لو ممكن حد يرفعلنا صور للعربية

**Superdriver** · 21-01-2010 01:36 AM

المشاركة الأصلية كتبت بواسطة MaZaGAngeE

لو ممكن حد يرفعلنا صور للعربية

**shiko85** · 27-01-2010 09:29 PM

[rmade]http://www.nilemotors.net/Nile/attachments/forum52/8499d1264030577-capture8.jpg[/rmade]
مش دا الداش بورد بتاع ال Citroen Xsara
[rmade]http://www.resmoto.com/a_car/citroen/opisy/xsara/xsara_97-00/citroen_xsara_07.jpg[/rmade]