الموضوع: مشاكل تافهة بس مكرهانى فى العربية

المشاركة الأصلية كتبت بواسطة personaowner

برسونا 2009 مانوال
انا يا جماعة بحاول اتعايش مع العربية بس مش عارف العربية اداءها جميل بس فيها مشاكل بسيطة بس رخمة
1- خبطة فى الدريكسيون: فى المطبات اللى مع ملف بحس انى راكب عربية موديل 70 وطبعا دى اهم حاجة لانها من اساسيات العربية دى علبة دريكسيون بايظة كل ماقول للتوكيل يقولولى عملناها ويمشونى والائيها زى ما هى
2- تزييق فى قفل الكنبة والشنطة: بيلفولى شكرتون حوليها وحولين مفصلات الشنطة وده طبعا ماينفعش لانه بيتئاكل ويرجع يزيق تانى وبعدين انا مش شارى عربية جديدة عشان الائى مشاكل زى دى
3- تكييف ضعيف جدا : داخل المدينة

انا خلاص زهئت من المشاكل ديه ومش هاينفع استحملها يا ريت حد يساعدنى ويئولى اعمل ايه
طبعا عز العرب بيئولولى دى عيوب صناعة من بروتون ماليزيا بس طب انا زمبى ايه ان عز العرب جايبلنا عربيات بايظة
يتحملها هو مش احنا ولا انا كلامى غلط ولا ايه عايز رأيكو اعمل ايه عشان ااخد حقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟:h_angry[1]:[/font]

السلام عليكم
مش عارف بس حاسس إن حضرتك بتبالغ شوية لإنك إنت نفسك بتقول إن المشاكل بسيطة وهي فعلا بسيطة ومافيش حاجة من اللي ذكرتهم تعيب العربية نفسها في حاجة وبعدين دي مش عيوب صناعة حضرتك دي مشاكل تقفيل ومش بتظهر في كل العربيات والكلام ده لو دورت في المنتدى هتلاقيه إتقال قبل كده 100 مرة :
1- مشكلة الصوت في الملفات اللي بيطلع من الدريكسيون مش عيب في العلبة المشكلة في خرطوم الباور إنه مش زي اللي في الجين تو وفي التوكيل لو غيروا لك خرطوم الباور وركبوا بتاع الجين هتتحل المشكلة
2-صوت الكنبة ده مش عندي بس سمعت عنه من كذا حد
3- بردو التكييف عندي كويس وبأضطرأوطيه بعد ما بشغله بشوية , حاول تظبط مخارج الهوا من البكرة اللي تحت خالص وتشغل أول بكرة فوق على علامة المروحة اللي فيها , جرب كده ولو لسة ضعيف يبقى لازم يشووفوا شحن الفريون في التوكيل

المشاركة الأصلية كتبت بواسطة Mayyam

أستاذ أحمد هو التكييف إيه ظروفه؟



يعني هل هو تلاجة ولا لأ؟



وايه حكاية جوه البلد تعبان وبره كويس ؟

الحقيقة إني ماعنديش مشكلة مع التكييف لا جوا البلد ولا برا هو واحد في كل اللأحوال , أنا كل اللي عملته إني قريت الكتالوج كويس وبظبط بكرة الهوا اللي هي أخر واحدة تحت بتاعة مخارج الهوا والبكرة اللي في النص أجيبها شمال خالص على 18 وأشغلها عشان تدوير الهوا واللي فوق أخليها على علامة المروحة اللي هو التشغيل المثالي زي الكتالوج ما بيقول , وحقيقي بعد شوية بضطر أوطي ولو حد راكب معايا بيطلب مني أوطي التكييف , أنا بس مش عارف هو تلاجة دي يعني المفروض إن التكييف يجمدني مثلا ولا إيه , وبعدين لو بتقارنه بالياباني في فرق أكيد لصالح الياباني بس بالتجربة مع الكوري مافيش أي فرق خالص
تحياتي

المشاركة الأصلية كتبت بواسطة as01241

الحقيقة إني ماعنديش مشكلة مع التكييف لا جوا البلد ولا برا هو واحد في كل اللأحوال , أنا كل اللي عملته إني قريت الكتالوج كويس وبظبط بكرة الهوا اللي هي أخر واحدة تحت بتاعة مخارج الهوا والبكرة اللي في النص أجيبها شمال خالص على 18 وأشغلها عشان تدوير الهوا واللي فوق أخليها على علامة المروحة اللي هو التشغيل المثالي زي الكتالوج ما بيقول , وحقيقي بعد شوية بضطر أوطي ولو حد راكب معايا بيطلب مني أوطي التكييف , أنا بس مش عارف هو تلاجة دي يعني المفروض إن التكييف يجمدني مثلا ولا إيه , وبعدين لو بتقارنه بالياباني في فرق أكيد لصالح الياباني بس بالتجربة مع الكوري مافيش أي فرق خالص
تحياتي

تمام كده

المشاركة الأصلية كتبت بواسطة as01241

1- مشكلة الصوت في الملفات اللي بيطلع من الدريكسيون مش عيب في العلبة المشكلة في خرطوم الباور إنه مش زي اللي في الجين تو وفي التوكيل لو غيروا لك خرطوم الباور وركبوا بتاع الجين هتتحل المشكلة

الكلام ده انت متأكد منه عن تجربة شخصية يعنى ولا ايه ؟
عشان بجد دى لو اتحلت انا هاحب العربية دى اوى ومش عايز اروح اقولهم يستغربوا كلامى يعنى
لو انت عملته قولى روحت لمين ورضى يعملهولك هناك معلشى وياسلام لو بيانات عربيتك عشان يسدقونى لاحسن التوكيل ده ماينفعش معاه غير كده
لكن لو الكلام ده انت سمعته من حد يبئا انا بالنسبالى اكنك ولا رديت عليا عشان مش بيسدئو فى التوكيل وهم مقتنعين انه كلوك سبرينج او علبة دريكسيون
وانا هاشوف مشكلة التكييف دى بره ان شاء الله
وقفل الكنبة هافكو خالص وهالزقها واخليها مابتقفلش وتفتح
حتة ان انا مبالغ دى اصل هى حسب طبيعة اللى راكب ممكن واحد يبئى ماشى بعربية بتشخشخ وبالنسباله عادى طالما ماشية خلاص وفى واحد مابيطقش يسمع تكة فى اى حتة
وانا مشكلتى انى كنت راكب ألمانى قبل كده