المشاركة الأصلية كتبت بواسطة tutankhamoun
و نرجع للعربيات
السوناتا مش في فئة الكورولا
السوناتا أكبر منها حجما و سعة محرك يبقى السعر هنا أو فرقه عامل مهم في تحديد أنا هاشتري أيه مش هاقارن أيه بأيه
مثلا
الناس اللي بتروح تشتري العربية الميني
هل هو قارنها بعربية زي الكورلا ؟؟؟؟؟؟؟
طبعا لاءة
دي حالة خاصة ....... اللي راكب الميني واحد صاحب مزاج ....... راح يشتري عربية صوغنطوطة و عارف أن الكورولا أو الإلنترا أكبر منها حجما و لكن عمره ما فكر يقارنهم ببعض علشان أصلا ما ينفعش يتقارنه ببعض علشان دي حاجة و دول حاجة تانية خالص .
أنا مثلا نفسي في فيات 500 ........... و عارف أن ثمنهامبالغ فيها و متسواش السعر ده ........... بس ممكن أشتريها و لكني معترف أنها غالية على الفاضي .
بس ليه أنا ممكن أشتريها و أفضلها على عربية زي الكورولا أو الصني أو الإلنترا ؟؟؟؟
علشان دي حاجة مختلفة ........... دي حاجة مزاج .............
مش السعر هو اللي يخليني أٌقارن
لأنه بالعقل و المنطق لو بنقارن بالسعر
محدش هايشتري الفيات 500 أو الميني ..................... لأن زي ما قلت دي عربية مختلفة و صاحبها صاحب مزاج و عايز يمتع نفسه ..... و هو عارف تمام المعرفة أنها لا تقارن أصلا بالعربيات الكبيرة ..........
يبقى في النهاية أنا أٌول أيه لنفسي :
عندي 3 عربيات في نفس الفئة الحجمية و فئة المحرك
واحدة ب 150 ألف
و التانية 105 ألف
و الثالثة 105 ألف تقريبا
طيب لو الثلاثة جودتهم معقولة أو لنفرض أن أم 150 ألف جودتها أعلى ولكن الأثنين الآخرين جودتهم حلوة
طيب أيه اللي يخليني أدفع 40 ألف لحلوح زيادة في عربية و حتى مش مميزة مثلا زي البي أم ؟؟؟
و ما أعتقدش أن فرق الجودة يستاهل كل فرق الفلوس ده اللي بيدخل جيب التوكيل بدون وجه حق إلا أنه بيستغل الأسم الكويس للماركة علشان يعمل أرباح خيالية .....
دي وجهة نظر و أنا من أتباعها .
وجهة النظر التانية بتقول
أيوة أنا عايز أريح دماغي و أشتري ماركة و أنا عارف أنها مش هاتعتطل مني و أعطالها قليلة و بالتالي فرق الفلوس يستاهل و أنا هاشتري دماغي .................................... و دي وجهة نظر الناس اللي بتبص للأسم أكتر من المنتج نفسه .................
أرجوا أن تتفهم وجهة نظر الآخرين أمثالي ........... و أختلاف الرأي أبدا لا يُفسد لود قضية . :satelite: