المشاركة الأصلية كتبت بواسطة kareemhisham
هقولك .. احنا نمسك النقط واحدة واحدة
1-طبعا الكورولا تتفوق بفرق ملحوظ .. بما ان موتورها dual VVT-i فهو 1600 بينتج 122 حصان .. الالنترا قوتها متقاربة بردو بس تكنولوجيا اقدم فبالتالى فاستهلاك البنزين فى الكورولا افضل و دى حاجة معروفة عن تويوتا عامة
2-معروف عن الالنترا ان ثباتها مش قد كدة نظرا لخفة وزنها .. و بصراحة مجربتش الصنى بس اكيد ثبات الكورولا افضل نظرا للتصميم الايرودينامك اكثر و قربها من الارض
3-abs , ebd , bas ,ديسكات امامية و خلفية و 9 وسائد هوائية فى الفئة الاعلى و 2 فى الفئة الاقل .. اظن النقطة دى مفروغ منها :)
4-الكماليات حدث ولا حرج فى الكورولا .. الصنى معقول و مرضى .. الالنترا انساها خالص :)
5-نظرا لانها احدى السيارات الاكثر مبيعا فى مصر على مر سنوات عديدة .. فدايما هتلاقى قطع الغيار متوفرة فى كل حتة و بكل الاسعار .. الحاجات دى بردو هتلاقيها فى الصنى و الالنترا بس الكورولا تتفوق
6-طبعا تويوتا ايجيبت معروف بسمعته الطيبة و انه واحد من افضل التوكيلات فى مصر وحتى و لو كان حصل مع حد موقف بايخ معاه فدة طبيعى جدا .. و مهما كان فهو افضل من غبور و توكيل نيسان اسمع من الاعضاء هنا انه مش قد كدة
7-كسعر فالكورولا بتدى افضل قيمة مقابل سعر و دة رأى اجمع عليه ناس كتير و اعادة البيع " فكفاية اسم كورولا فى السوق " .. الصنى برده كقيمة مقابل سعر ممتازة و سعر اعادة بيعها اظن معقول .. الالنترا كقيمة مقابل سعر فهى سيئة جدا انما كاعادة بيع فهى سوقها كويس بما انها بايعة جامد اوى
اظن كدة ابقا غطيت النقاط كلها و وضحت وجهت نظرى