عفشة ناعمة جوة البلد و ناشفة عالسريع ؟!

**Moe86** · 23-10-2009 05:57 PM

المشاركة الأصلية كتبت بواسطة Ahmed A.Maksoud

غالباً اللى مخليك حاسس أن العربية عالية هو مقاس الكاوتش اللى أنت حاطه......أنت المقاس الأصلى عندك كام ؟؟؟؟

الكونى هتبقى ناشفة ( أنا مركبها ) بس أنا عارف من قبل كده أنها ناشفة..........

أعتقد أن المساعدين الهيدروليك اللى بيتكلم عليهم ahmedmagdyahmed قصده بيهم مساعدين بيعلو و يوطو كهرباء و أنت قاعد جوة العربية............الكونى مش كده......الكونى بينشفوا و يطرو ( مش يعلو و يوطو ) و مانيوال كمان مش كهرباء

و أعتقد كمان اللى هو يقصدهم مش هتلاقيهم فى مصر بسهولة و هيكونو مكلفين قوى.

العربية اشترتها فيها Firestone 165/70 R14 من سنتين
بتنزل الأيام دى بكاوتش 185/60 R14 (مش متأكد قوى من البروفيل دة)

اللى ركبتة فيها 195/50 R15 يعنى مازودتش كتير عن مقاسها , أصلا با فكر أجيب 195/45 R16
أصحابى عندهم مازدا 3 و لانسر EX و كدة قالولى العربية "بترزع" عندك كدة لية فى المطبات ؟! يعنى أول ما ركبوا خدوا بالهم على طول

هما الكونى FSD فعلا بيبوظوا لو اتعملوا على أريح حاجة فيهم على طول ؟

عندى سؤال محرج شوية, لو عفشة المازدا أو عربية تانية مثلا عاجبانى ينفع أركبها ؟ لو كل عربية ستانرد مافيش حاجة مشتركة مع البونتو ؟

أنا عايز أخد قرار فى الموضوع دة

**Eslam.Elrefaey** · 23-10-2009 06:08 PM

على فكرة مش لازم العفشة بس الى تطرى عفشة العربية عندك جنوط 15 كويس مش ناشف ومش طرى الكاوتش بقى أنا جبت تويو من السعودية بس والله ناعمة وثابتة بس فى اللانسر يمكن علشان واطية

**HNaga** · 23-10-2009 06:34 PM

المشاركة الأصلية كتبت بواسطة ahmed a.maksoud

أيام ما كنت بشترى اللى معايا ال adjustable كان ال fsd لسه نازلين.......و على نصيحة واحد شغال فى أرابكوم ( وكيل كونى ) قالى ان ال fsd مش مناسبين لطبيعة شوارعنا و بيبوظو بسرعة شوية عشان معدل ال self adjusting بتاعهم بيتغير أكتر من العادى بكتيييييييييييير مع شوارعنا العظيمة............و العهدة على الراوى.

عندى يا باشا فى الميجان......بس معظم الوقت هتعملهم على النص ( بين اطرى حاجة و أنشف حاجة ) عشان لو أتعملو على أطرى حاجة هيبوظو و لو على أنشف حاجة هيبهدلو العربية.......برضة بسبب شوارعنا العظيمة.

فى حاجة كمان......مش أى حد يعرف يظبطهم زى بعض......و لو أتظبطوا و فى ناحية أو أكتر مش زى الباقى برضه يبوظو.

ال fsd مش كتير اللى جربزهم فى مصر عشان بتاع ارابكوم يقول مناسبة والا لا
واحد فى ارابكوم قاللى انتين إشتروهم واحد شكر فيهم والتانى مش عاجبينه

موضووع بيبيظوا ده انا مش مقتنع فيه المفروض انهم نفس خامات المانوال ويمكن اعلى
هو بس مشكلتهم انك ممكن تكون متوقع زيادة منهم وطبعا لو ماعجبوكش مافيش حل

انا سمعت عن مساعدين مونرو بيتعدلوا بزرار من جوة العربية ماحدش شافهم؟

**vwmk** · 23-10-2009 11:33 PM

اللى انت عايزه ده يا مان مش هتلقيه الا فى الهيدروليك وده غالى اوى...وبعدين العربية لما بتكون عالية بتبقى ناعمة فى المطبات ولو وطيت العربية هتبقى ناشفه بس اتفرج على الثبات.. ودى ميزة الهيدروليك انك ممكن تعلى او توطى....هات كونى على احسنلك... انا مركبهم عندى وممكن انشف العربية واطريها زى ما انا عايز حسب الحاجة...بس مش معنى انى اطريها هتبقى زى المساعدين العادية .. هتبقى انشف شوية..بس نصيحة ركبهم وهتحس بمتعة وانت راكب العربية

**Ahmed Selim** · 23-10-2009 11:36 PM

المشاركة الأصلية كتبت بواسطة Moe86

العربية اشترتها فيها Firestone 165/70 R14 من سنتين
بتنزل الأيام دى بكاوتش 185/60 R14 (مش متأكد قوى من البروفيل دة)

اللى ركبتة فيها 195/50 R15 يعنى مازودتش كتير عن مقاسها , أصلا با فكر أجيب 195/45 R16
أصحابى عندهم مازدا 3 و لانسر EX و كدة قالولى العربية "بترزع" عندك كدة لية فى المطبات ؟! يعنى أول ما ركبوا خدوا بالهم على طول

هما الكونى FSD فعلا بيبوظوا لو اتعملوا على أريح حاجة فيهم على طول ؟

عندى سؤال محرج شوية, لو عفشة المازدا أو عربية تانية مثلا عاجبانى ينفع أركبها ؟ لو كل عربية ستانرد مافيش حاجة مشتركة مع البونتو ؟

أنا عايز أخد قرار فى الموضوع دة

لو حد من أصحابك عنده كاوتش R14 186/60 جرب تركبه عندك و تشوف هيبقى فيه فرق ولا لأ

الكونى ال FSD مش بيتظبطوا.......دول مع نفسهم حسب السرعة و الطريق بيظبطوا نفسهم......بس مش مانيوال.

المشاركة الأصلية كتبت بواسطة HNaga

ال fsd مش كتير اللى جربزهم فى مصر عشان بتاع ارابكوم يقول مناسبة والا لا
واحد فى ارابكوم قاللى انتين إشتروهم واحد شكر فيهم والتانى مش عاجبينه

موضووع بيبيظوا ده انا مش مقتنع فيه المفروض انهم نفس خامات المانوال ويمكن اعلى
هو بس مشكلتهم انك ممكن تكون متوقع زيادة منهم وطبعا لو ماعجبوكش مافيش حل

انا سمعت عن مساعدين مونرو بيتعدلوا بزرار من جوة العربية ماحدش شافهم؟

هو فعلاً مش كتير اللى جربوهم بس الكلام هو اللى أتقالى............و مش قريب كمان...........ده أتقال من حوالى 3 أو 4 سنين أول ما ال FSD كانو لسه نازلين.

موضوع بيبوظو ده عشان هما بيعملو Auto Adjust مع نفسهم حسب السرعة و طبيعة الطريق اللى أنت ماشى عليه.......و عشان فى مصر ممكن تمشى فى شارع يبقى بين كل 100 متر متسفلتين كويس تلاقى 20 متر تانين متبهدلين....و بعد كده 100 متر كمان كويسين.....و كل ده المساعدين شغالين بيغيروا من ظبتهم......مع كتر التغيير بيبوظو.