الموضوع: ازاى اعرف ان الفيوز ضرب واغيره ازاااااااااى ؟؟؟!!!

هوة نوع عربيتك اية

حضرتك هاتعرف ان الفيوز ضرب انك تخلعة وتشوفة من النص لو مش موصول يبقى فاصل دة بالنسبة للفيوزات الى بتبقى بلاستك وليها رجلين زى الشوكة
فى فيوزات تانية اسمها بلحة دة بتتعرف انها فصلت بانك هاتلاقيها عبارة عن حتتة سلك مبططة كدة معدية على الفيوز من برة لو مقطوعة يبقى بايظ
وحكاية ان الفيوزات بتتضرب على طول دى عايزة كهربائى علشان يشوفلك فى اية ممكن يكون فى حاجة عاملة قافلة او فى شحن زيادة من الدينامو

هو اولا شكرا لردك .. ثانيا العربية تويوتا 95
وهو الفيوز من النوع الاول اللى حضرتك قولته الىل عامل زى الشوكة

بس المشكله ان العربيه فيها بتاع 15 فيوز .. هفضل اشيل واحد واحد وابص عليه !!

هاقول لحضرتك حاجة بسيطة
بص على غطا علبة الفيوزات فى كل فيوز وقصداة الرسمة يعنى نور عالى مروحة نور شبورة الكلاكس وخلافة
لما الفيوز بتحرق بيعطل الحمل الى شغال علية يعنى لو الكلاكس مش شغال يبقى ابص على الفيوز الاول
طيب اعرف انهى واحد فى ال 15 دول
هانبص على غطا العلبة واعرف فين فيوز المروحة واشيلة
دة فى حالة لو انك عرفت اية الحاجة الى عطلانة يعنى المروحة او النور او الكلاكس فسياتك هاتروح على الفيوز على طول ومع الوقت حاضرتك هاتحفظ اماكن الفيوزات بتدل على اية
اما لو مش عارف اية الى باظ بالظبط مفيش غير انك تشيلهم فيوز فيوز وتبص فيهم وبعدين معلش فيوز اية الى الكهربائى بياخد عشرة جنية علشان يصلحة والله الكلام دة بينرفز الواحد
حضرتك فى طقم فيوزاتبيتباع ودة اوحش نوع عامل 3 جنية بص صينى معفن وهوة يعنى هايكون اجدع طقم فيوزات بكام عشرة جتنية على اقصى الحدود حضرتك هاتجيب طقم من دة وتخلية فى التابلو معاك للظروف
وفى حاجة بقى فى الاخر الفيوزات بيبقى عليها ارقام ودى الامبير الى الفيوز بيستحمل اخرة عند الحد دة يعنى هاتلاقى مكتوب على 30 او 20 او 15 او 10 او 7.5
والوانهم مختلفة مش فاكر بالظبط على ما اعتقد الاحمر 30 والازرق عشرين والبنى 7.5 وهكذا
وطبعا مهم جدا نركب فيوز بنفس القيمة الى مكتوبة على الفيوز الى قابلة الى اتحرق يعنى 20 يبقى نركب فيوز عشرين مش 10 لان العشرة مش هايستحمل الحمل بتاع الحاجة الى مشغلها
الخواجة بيبقى حاطط لكل حاجة maximum
فلو حضرتك حطيت مكان فيوز النور العالى وااحد قيمتة 20 وهوة شغال على 30 هايشتغل برضة بس بعد شوية هايسيح ويتقطع ودة تقريبا الى الكهربائى بيعملة بيحطلك قيمة اقل علشان شوية وترجعلة تانى وطالما عملها معاك مرة ولاقاك بترجعلة تانى قالك خلاص دة مش فاهم حاجة واهى عشرة جنية كل مرة حلو قوى كارت شحن للموبيل على حساب الزبون الى هوة حضرتك طبعا
دة لو ماكنتش انا ظالمة وفى حاجة عندك فى الكهربا مش مظبوطة وانا بستبعد حاجة زى كدة لان العبرية مش قديمة
على كل حال انا وجعت دماغك بس انا بتغاظ لما بلاقى الصنيعية بيستهبلونا والحكاية اصلا هايفة ومش كبيرة واى حد ممكنيعملها بيحسسك انة بيخترع الذرة او بيحضر الفمتو ثانية

مشاركه قيمه جدا
جزاك الله خيرا يا استاذ newhansol

الله يكرمك هوة احنا عملنا حاجة دة الواجب

والله الواحد شم عارف يقولك ايه يا باشمهندس newhansol

معلومات قيمة جداااااا ... وانا فعلا لقيت فيوز الكلاكس سايح ده بعد ما شلت كل الفيوزات اللى تحت التابلوه . طلع ان فيوز الكلاكس فى الكبوت جمب المكنة .. وعلى فكره انا لما كنت بروح اغير الفيوز عند الكهربائى انا اللى كنت بجيب الفيوزات مش هو اللى بيحط حاجه من عنده
وشكرا مره تانيه على معلوماتك الجامده

الله يكرمك دى حاجات بسيطة
لو حضرتك عايز اى حاجة وانا فى استطاعتى متاخرش على حضرتك
انا معملتش حاجة يعنى
دة الواجب