الف مبروك يا زعيم
رقم العضوية : 128757
تاريخ التسجيل : 17Aug2012
المشاركات : 43
النوع : ذكر
الاقامة : المنصورة
السيارة: شيفرولية نص نقل
السيارة[2]: بيجو 504
دراجة بخارية: لا يوجد
الحالة :
السلام عليكم ورحمة الله
خلاص كلها أيام ان شاء الله وهيكون عندنا القاشقاى 2013
وتوكيل السبع قالى الفروقات بينها وبين 2012 بسيطة أو ممكن يكونو واحد -يعنى مفيش فرق-
المهم احنا سيارتنا الحالية بيجو 504 موديل 78 يعنى بقالها حوالى 34 ماشية على الأرض هههههههههههههه
المهم نظرا لهذه النقلة التاريخية فى حياتنا
حبيت بس أستوضح بعض الأمور
بداية أنا مش عارف هتعامل ازاى مع السيارة يعنى بالنسبةللطلعة لو شديت علي السيارة يبقى غلط على آلات الجر وكده ولا ايه النظام مع الأوتوماتيك ؟؟
ولا عادى بالنسبة لفتيس CVT
دا غير ان أنا أصلا مش عارف هنقل ازاى -مش بعرف أشتغل على الأوتوماتيك !!؟
حاجة تانية برضه : أنا مش عارف هتعامل ازاى مع المكيف !!؟
حاجة تالتة : ياريت لو فيه خبايا فى السيارة حد يقولى عليها .
حكاية الكاميرا والبلوتوث والكلام ده برضه .
الأذرع برضه ( يعنى ذراع النور وذراع المساحات )
وهل السيارة فيها مثبت سرعة ولا لا ؟
يعنى مثلا أنا مؤخرا عرفت ان التحكم فى المصابيح يكون يدويا عن طريق زرار داخل السيارة ب 3 مستويات
الأول بيكون النور واطى أو ضارب فى الأرض والثانى والثال أعلى . شفت الكلام ده فى هوندا سيفيك 2012 .
فهل القاشقاى نفس النظام ولا ليها نظام تانى ؟
برضه مش عارف السيارات دى بيتغيرلها زيت كل قد ايه -وايه اللى ينصح بيه-
وهل بزودلها مية زى البيجو ولا لا !!؟
يعنى اللى عنده معلومة بالنسبة للسيارة من الداخل ياريت ميبخلش بيها عنى -أخوكم محتاج هههههههه-
ولكم جزيل الشكر ...,
[shfaf2]http://http://kwtmotor.com/up/files/iye7quarpsl97ncjj01v.jpg[/shfaf2]
رقم العضوية : 8085
تاريخ التسجيل : 28Mar2008
المشاركات : 355
النوع : ذكر
الاقامة : Nasr City, Cairo
السيارة: Renault Duster 2012
السيارة[2]: lancer 2008
دراجة بخارية: Nothing
الحالة :
الف مبروك يا زعيم
من لم ينظر فى العواقب
فليس الدهر لة بصاحب
رقم العضوية : 60618
تاريخ التسجيل : 01Feb2010
المشاركات : 5,992
النوع : ذكر
الاقامة : Cairo
السيارة: Renault Duster E2
السيارة[2]: Nissan Sunny EX 2010 Auto
دراجة بخارية: No
الحالة :
اولا الف مبروك و ان شاء الله تستلم على خير و ربنا يباركلك فيها و يديلك خيرها و يكفيك شرها. ثانيا الموضوع ان شاء الله بسيط و قياده الاتوماتيك مفيش اسهل منها. حضرتك هتجيب العربيه على D علشان تمشى و ال N اللى هو بيفصل التروس (المور) و R لو عاوز ترجع لورا و P لما تيجى تركن. بالنسبه لعدد النقلات و ال CVT و الكلام ده الاتوماتيك فى جميع الاحوال هو اللى بيضبطه يعنى ما تقلقش خالص قيادتها فى غايه السهو له زى عربيات الملاهى
بالنسبه للصيانه حضرتك بتستلم كتالوج السياره و فيه مواعيد الصيانه يعنى كل كام كيلومتر و ايه اللى بيتغير فى الصيانه دى و يستحسن طبعا تعملها فى التوكيل علشان ضمان العربيه ما يضيعش عليك خساره طبعا و هى ضمانها ثلاث سنوات حضرتك خلالهم هتريح دماغك من اى مشاكل خاصه بيها و حتى بعد الضمان ما يخلص ممكن تكمل الصيانات مع التوكيل علشان العربيه تفضل بحالتها و لا انصحك انك تخللى حد بره التوكيل يلعب فيها و خاصه ان العربيه لسه جديده و لكى تبتعد عن الفتى و اللعب فى العربيه و احيانا حتى الفضول و ممكن حضرتك كمان تعمل تأمين عليها او لَا حسب رغبتك
بالنسبه لحكايه الكبس على الموتور من اولها كده اكيد طبعا ما ينفعش. فى اول الف كيلومتر حاول ما تقرصش على الموتور و ال Rpm ما يزيدش تحت اى حال من الاحوال عن 3 و تشغيل التكييف يستحسن يكون فى أضيق الحدود و لمعلومات اكتر ممكن تراجع كتالوج السياره و حضرتك هتلاقى فيه معلومات قيمه جداً و انصحك تقرأه
الملخص ان التكنولوجيا بتسهل الحياه و الاتوماتيك هيخللى الحياه سهله قوى مع حضرتك و بالنسبه لبقيه النقاط اللى حضرتك ذكرتها ما تشغلش بالك بيها دلوقتى. المهم فى الاول انك تحرك العربيه و تعرف ابعادها و بقيه الكماليات هتلاقى نفسك بتلعب فيها و بتكتشفها بنفسك و أخيرا اهلا بحضرتك معانا فى قسم نيسان و اتمنى نشوف مشاركاتك معانا فى القسم عندنا و طبعا هتلاقى الاعضاء كلها بتركب بيك و بتقدملك اى معلومات و مساعدات تحتاجها
رقم العضوية : 41935
تاريخ التسجيل : 06Jun2009
المشاركات : 1,533
النوع : ذكر
الاقامة : suez
السيارة: KIA SPORTAGE
السيارة[2]: Honda Civic 2010
دراجة بخارية: لايوجد
الحالة :
ألف مليون مبرووك مقدما ربنا يبارك لحضرتك ويسعدك بيها
رقم العضوية : 18524
تاريخ التسجيل : 10Sep2008
المشاركات : 1,257
النوع : ذكر
الاقامة : Cairo
السيارة: I wish good Beetle 1303
السيارة[2]: Octavia A5
دراجة بخارية: no
الحالة :
lfvمبروك عليك ان شاء الله ربنا يباركلك و يبعد عنك العين و الخسد
الزيت بيتغير مع كل صيانه في التوكيل و غالبا العربيات الجديده دي كل 10 الاف كيلو - بس خصوصا لعربيتك مااعرفش كل قد ايه فاسال في التوكيل احسن
بالنسبه للميه انسى يا معلم - العربيات الزيرو ما بيتزودش مايه لان الفاقد في الميه 0
انجوي يا معلم - صيانه كل 10 الاف و قياده فقط
انسى البيجو بقى
ههههههههههههههههههه
رقم العضوية : 7018
تاريخ التسجيل : 06Mar2008
المشاركات : 6,388
النوع : ذكر
الاقامة : Cairo
السيارة: Mercedes C200
السيارة[2]: Golf MKII
دراجة بخارية: Honda CBR 400 FireBlade
الحالة :
ألف مبروك .. ربنا يبارك لك فيها و يحفظهالك.
القران الكريم بجودة صوت عاليه جدا
http://www.nilemotors.net/Nile/230790-a.html
رقم العضوية : 129114
تاريخ التسجيل : 04Sep2012
المشاركات : 833
النوع : ذكر
الاقامة : القاهره/ London
السيارة: Xxxxxx
السيارة[2]: Astra cosmo
دراجة بخارية: no
الحالة :
متقلقش انا اول عربيه كانت 505 وبعدين نقلت على اليابانى
انصحك بقراءة المانيوال(الكتالوج) وانت داخل السياره وتجرب عملى بايدك
بالتوفيق انشالله
رقم العضوية : 34626
تاريخ التسجيل : 05Mar2009
المشاركات : 4,339
النوع : ذكر
الاقامة : om eldonia
السيارة: Octavia A4 2002
السيارة[2]: Daewoo Nubira 1 1997
دراجة بخارية: NOT YET
الحالة :
مبروك مقدما ربنا يباركلك فيها
في الماضي كان الخطر الكبير الذي يواجه المصريين النظام الفاسدالان الخطر الاكبر الذي يواجه مصر والمصريين هو الجهل
رقم العضوية : 40412
تاريخ التسجيل : 16May2009
المشاركات : 84
النوع : ذكر
الاقامة : cairo,egypt
السيارة: Suzuki Celario
السيارة[2]: Nissan Qashqai
دراجة بخارية: Isa Honda Shadow
الحالة :
اولا مبروك عليك و ربينا يباركلك فيها و يكفيك شرها وشر الطريق و شر العين و تاخد خيرها ان شاء الله
بالنسبه للسحب .... براحه علي العربيه في اول ١٠٠٠ كم عشان تلين الموتور و ان شاء الله اثناء الستلام البياع اللي هيسلمك العربيه هيشرحلك كل اللي فيها من الابره الي الصاروخ و طبعا لا استغناء عن الكتالوج .... اقرا الكتالوج كويس و هتلاقي فيه معلومات مهمه و قيمه و ربينا يباريكلك فيها
رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
وعليكم السلام ورحمة الله وبركاته ..
ليك وحشة والله يا استاذ محمد وشوفت الوقت عدا ازاى بسرعة
وتستلم على خير ان شاء الله
ومنتظرين تقاريرك الدورية
بشرط تكون فى قسم نيسان مش هنا ..
عشان نقدر نوجب معاك صح ..
من ناحية النقلة .. فهى نقلة تاريخية فعلااااااااااا
وبصراحة نصيحة شخصية حاول تبطل تسوق ال504 شوية حلوين كده قبل ما تستلم على خير باذن الله عشان الاعراض الانسحابية بس للبيجو
وكمان ياريت تحاول تسيطر على نفسك انك ما تعملش مقارنات فى اى جانب من الجوانب عشان ما تتعبش بس وتتحسر على الايام اللى ضاعت هباء
بالنسبة للقاشقاى بقى وسواقتها .. سواقة الاتوماتيك اسهل بكتير للمانيوال
واللى يعرف يسوق مانيوال يسوق اتوماتيك عادى جدااا انما العكس طبعا لأ
مبدئيا الاتوماتيك كله عبارة عن فتيس بنقلات ورموز
P البارك ويستخدم فقط عند التوقف التام بالعربية يعنى عن ركن العربية وقبل اطفاء المحرك وللتنقل بينها وبين باقى النقلات لازم تدوس على الزر على جانب عصا الفتيس مع الضغط على دواسة الفرامل
R المارشدير وتستخدم عند الرجوع الى الخلف
N المور وهو فصل التروس ويستخدم فقط عند الوقوف فى الاشارات مع او بدون الضغط على دواسة الفرامل حسب سطح الطريق وميله ومعها يمكن شد فرامل اليد اذا كان السطح مائل بشدة
D الدرايف او التحرك بالسيارة واول ما تحط الفتيس عليها هاتحس ان العربية طالعة للامام ولما تشيل رجلك من على البنزين هتلاقيها مشيت بسرعة بسيطة ومن ثم تدوس بنزين
وطول ما انت بتتحرك بالعربية هاتفضل حاطط النقلة D ومالكش دعوة بأى حاجة هو بنزين وفرامل (فعلا زى عربية الملاهى)
وده افضل طبعا من النقل كل شوية زى المانيوال والدبرياج وغيرها بحيث تكون مركز فى ابعاد العربية والطريق لأن العربية جديدة عليك وابعادها مختلفة تماما عن البيجو
بالنسبة لفتيس القاشقاى CVT .. هو هو زى الاتوماتيك العادى فى التحكم وعصا الفتيس ورموز النقلات كما ذكرت بالسابق
لكن التكوين الداخلى هو المختلف بحيث انه مكون من بكرتين بينهم سير جنزير بيفتح ويقفل (اى يبعد ويقرب البكرتين من بعض) حسب السرعة وضغطك على البنزين واهم ميزاته انك مش هاتحس بنتشة الفتيس بين النقلات زى الاتوماتيك المعتاد المكون من 4 سرعات فى اغلب الانواع
بالنسبة للشد والقرص ع العربية من اول يوم .. طبعا لا يُنصح بتاتا لأن الاستخدام السيىء لأى حاجة مش العربية الجديدة بس بيقصف عمرها الافتراضى ومع الوقت بتتبهدل وتفقد زهوتها
وطبيعى انك مش هاتطلع امريكانى ولا تحرق على الموتور وتكبس بنزين للاخر ولا تتجاوز سرعة 90-120 كم/ س فى اول 1000 كم وينصح بعدم تشغيل التكييف برضه فى الاول وفى ناس بتشغله عادى جداااااااااا بدون اى مشاكل واكيد الاحمال تكون خفيفة يعنى دى ملاكى مش عربية نقل بضاعة تحملها وتكربسها وتقرص بيها وغيرها ... الخ
ملحوظة هامة: الافضل التعامل مع الدواسات البنزين والفرامل برفق وعدم الضغط بقوة وترك الموتور مع الفتيس للتسارع بسلاسة لأن الفتيس الCVT نظامه فى السواقة تلاقيه مع كبس البنزين الRPM او عداد لفات الموتور نط لل5.5-6 مرة واحدة والعربية بتزيد سرعتها مع الطريق وصعب انك تظبط رجلك من اول يوم فى انك ما تزودش عن 2.5-3 RPM خاصة فى اول الف كم وبالتالى الحل سيبك من كل ده وركز انك ما تضغطش جامد على البنزين ..
المكيف عادى جداااااااا والميزة انه الكترونى
كل ما عليك انك تظبط درجة الحرارة (مش اقل من 20 ومش اكثر من 26.. ده المعدل الطبيعى اللى بيحقق البرودة المطلوبة) وسرعة المروحة من 1 الى 4 (وفى النيسان تحديدا مش هاتزود عن 2 فى كل الاحوال) وهو عليه الباقى
وطبعا زرار اتجاهات الهواء .. وخليك دائما على زرار السهم المشير لوجه الركاب (افضل وضعية تبريد) مع تفعيل زر تدوير الهواء من الداخل RECYCLING وهتلاقى عليه سهم دائرى لتقليل الحمل على كومبريسور التكييف طول ما انت ماشى
فى حين تقفل الزرار ده وانت راكن العربية فى الشمس عشان تمدد هواء الكابينة بفعل الحرارة ما يضغطش على الزجاج ويسبب سرطان او شروخ على المدى الطويل (وقاية مش أكتر) ..
القاشقاى بتنزل بدون مثبت سرعة (انا شايف انه مالوش لازمة فى مصر اساسا لأن مفيش طرق مفتوحة حرة بالمفهوم العالمى يعنى هنا فى السعودية تلاقى الطريق 800 كم مفتوح ومتأمن من الجوانب بسلك شائك لمنع عبور الجمال وللدوران للخلف يوجد مخارج جانبية قبل الملف اللى بيكون اما كوبرى او نفق)..
البلوتوث والكاميرا الخلفية وسنسور الركن الخلفى يمكن تركيبهم من التوكيل بعد الشراء ان شاء الله وهدفهم ركن السيارة بدون متاعب ويكفى السنسور فقط فى المقام الاول وبعد كده ممكن تركب كاميرا وشاشة عرض مع GPS زى اللى فى الصورة..
بالنسبة لأذرع الدركسيون .. هتلاقى ذراع المساحات ع اليمين وفيه تحكم متقطع مع ضبط التقطع كل كام ثانية (4 مستويات تقريبا) ومتواصل سرعتين وضغطه لرذاذ ماء المساحات
أما الانوار كلها فى الذراع ع الشمال وفيه انوار التابلوه والواطى والعالى والشبورة والرعاش والاشارات ..
بالنسبة للخبايا فى العربية .. دى هاتكتشفها بنفسك لما تستلم على خير وتقولنا عليها عشان نجاوبك ..
ده اسمه ياباشا .. تحكم فى ارتفاع الانوار الامامية وده زرار بتلاقيه على شمال الدركسيون فى التابلوه
وغالبا بيكون 3 مستويات (0 - 1 - 2)
0 الاستنادارد ويستخدم فى كل الاوقات مع حمولة السائق بمفرده او مع راكب امامى أو مع امتعة خفيفة فى الشنطة
1 وتستخدم مع ركاب اضافيين فى الكنبة الخلفية مع ما سبق
2 وتستخدم مع كامل حمولة الشنطة وما سبق
وفكرة عملها ووظيفتها.. هى الحفاظ على مستوى الانارة الامامية بغض النظر عن حجم حمولة العربية لأنه من الطبيعى لما تملى العربية شنط وركاب بتوطى من الخلف شوية وتلاقى المقدمة عليت شوية وبالتالى النور هايضرب فوق شوية وممكن يضايق السائق فى حجم انارة الطريق او السيارات المقابلة وهذا الزرار بيعوض اللى حصل ده للرجوع الى المستوى الاستاندارد تانى ..
كل النيسان بتنزل بزيت يتم تغييره فى اول صيانة المجانية المصنعية بعد 1000 كم ويتم تفعيل الضمان بها
وبعدها يتم تغيير الزيت كل 10.000 كم حتى انتهاء الضمان عند 100 الف كم
وعندك انواع كتير جديدة زى ليكوى مولى - فالفولين - كاسترول
او قديمة زى موبيل وان وشيل وتوتال
وبعدها ينصح بالانتقال لزيوت ال5000 كم
كل العربيات الجديدة الزيرو بتنزل بمياه تبريد ملونة (اخضر او احمر) وتختلف فى خواصها عن المياه العادية وطبعا مفيش عيوبها زى الصدأ وغيره
عن تجربة فى عربيتى الصنى ما باحتاجش ازود مياه الراديتير من القربة بين الصيانات الدورية اللى بتتم كل 10 الاف كم
ولو نقصت عن علامة الmin لازم تزودها بنفس مواصفات المياه المستخدمة وليس مياه عادية من الحنفية
تحت امرك .. اسأل بس واحنا نجاوبك على طول ..
Y2Y1500 سابقا
المفضلات