الموضوع: زجاج الميجان فرقع لوحده ، سرطان :d

سعر الزجاج ال انت بتقول عليه ده مصرى دكتور جريش درجه تانيه للعلم فقط الزجاج الأصلى لايوجد غير فى التوكيل و تركيبه مش سهل خالص و عن تجربه للأنهم يسيحوا السليكون الأورجينال و يطلعو الزجاج مش بيعملوا بحبل و سلك زى شغل السوق وبعد كده بيشيلوا السليكون المتبقى على الصاج و بيحوطوا سليكون جديد خالص بتاع رينو و يسيبوا العربيه مش اقل من 3 ساعات بعد ما الزجاج ركب علشان تتحرك بيها للأمان و عدم التسريب و التاكد ان الزجاج تم تثبيته فى مكانه بالشكل المناسب و لو تحركت قبل ال 3 ساعات زجاج يطلع من بند ضمان قطع الغيار
يا ترى صاحب الموضوع تحرك بالعربيه بعد اد ايه من تركيبه للزجاج؟؟

معلش يا جماعة اني طولت في الرد عليكم ، بس كنت مشغول بقه بمناسبه عيد ميلادي عقبال عندكو ،

الي اتكسر الزجاج الخلفي داه اول حاجة
النوع اللي جبته الماني
الراجل اللي رحت له داه مش اي كلام ، داه احسن واحد بيركب يعتبر زجاج هنا ، كل شغله في العربيات العالية ، بي ام ، وباسات ، ومرسيدس ، انا اكيد مش هستخصر في ميجي حاجة ، بس حرام عليا اروح ادفع 2250 جنيه في قزاز خلفي فرقع لوحده من السرطان ، وعلى فكره انا كنت واقف جنب العربية وهيا في الجراش ، ياعني لا دايره ولا حاجة ، نصيبها بس مش اكتر ، وعلى فكرة انا كنت مع الراجل وهوه بيغير الزجاج ، نضف السلكون القديم ، وخشن حاجة زي الجلده اللي بتكون بين الزجاج علشان السيلكون يمسك ، وفيه هناك تعليمات لكل عربية ولكل زجاج ، ياعني تمشي بالعربية والزجاج كله مقفول اول يوم ، ومش يجي على العربية اي مياه ، لمده ثلاثه ايام ، علشان السيلكون بينشف في حوالي 72 ساعة ، وانا فعلا مش مشيت بالعربية بعد تركب الزجاج قبل حوالي ساعتين او كده ، انا يا وحوش قولت ليكم علشان الإفادة مش علشان حاجة ، علشان فعلا حرام اني ادفع في زجاج خلفي 2250 جنيه لو الزجاج الأمامي لقدر الله مش هستخصر فيه حاجة ، وشكرا ليكم ومستني اي تفسير او تعليقات ، معلش طولت عليكم

المشاركة الأصلية كتبت بواسطة midohits

الراجل اللي رحت له داه مش اي كلام ، داه احسن واحد بيركب يعتبر زجاج هنا ، كل شغله في العربيات العالية ، بي ام ، وباسات ، ومرسيدس ، انا اكيد مش هستخصر في ميجي حاجة ،

ما تقول لنا مين ده ومكانه فين بالظبط كي تعم الفائدة

ودي الصوره

شكرا ليكم يا وحوش ، وانا موجود هنا لو فيه اي استفسار
مع العلم انا حاسس ان لون الزجاج مش اخضر قوي حاسس انه افتح شوية