ارجو الرد والمساعده من خبراء اسكودا a4

**ekaelaraby** · 22-10-2009 01:31 AM

سيارتى اسكودا ايه 4 موديل سنه 1997 والماتور بتاعها خف بمعنى انها يا عايزه عامره وهى مانيول فا انا عايز اعرف يا جماعه ارجوكم هل ينفع ليه عمره ولا اشترى واحد جديد وبكام يكلف الجديد وايه المكونات بتاعته لو اشتريته جديد وهل ينفع اجيب واحد استيراد مانيول وممكن اجيب برضو اتوماتك واغير اخليها اتوماتيك ولا ايه ارجو الرد على استفساراتى للاهميه وشكرا

**silvestone** · 22-10-2009 03:47 AM

hiiiiiiiiiiiiiiiiiiiiiiiiiiiiiiiiiiiiiiiiiiii

**inspiron** · 22-10-2009 04:23 AM

أولا مش هتعرف تجيبه جديد.مفيش أدامك غير الإستيراد و سعره 10000 جنيه بالضفيرة.وهتلاقيه في الحرفيين و خد بالك تجيب اللي مكتوب عليه sr اللي هو 102 حصان.بالنسبة للأوتوماتك ممكن طبعا والفتيس بـ 5500 جنيه برده في الحرفيين.وأي إستفسار آخر أنا تحت أمرك

**د.محمود صلاح** · 22-10-2009 07:50 AM

يبقى اعمل عمرة ارخص لك

**inspiron** · 23-10-2009 02:39 AM

لا أنصح إطلاقا بالعمرة للموتور ده لأنه مش هيرجع زي ما كان.وهتلاقي نفسك علي المدي البعيد إتكلفت أكتر من الموتور الإستيراد.و خد في إعتبار سيادتك إن الموتور الإستيراد ده بيبقي مستعمل من شخص بيحافظ علي الحاجة ده غير إنه مستعمل في ظروف جميلة.حضرتك أكيد فاهم قصدي.

و ممكن أضرب لحضرتك مثال.عربيتي وارد ألمانيا موديل 98 و موتورها كان عامل 100000 كيلو.حاليا عامل 109000.بسم الله ما شاء الله لسه بشوكه.يعني حالة المواتير الواردة من الخارج مختلفة تماما نظرا لظروف و طبيعة الإستخدام.