استفسار بشأن الكاوتش والجنوط سبور

**kareembelal** · 22-10-2009 02:14 AM

السلام عليكم جميعا ورحمة الله وبركاته

بداية ً أعلم ان هذا الموضوع قُتل بحثا قبل ذلك

لكن السؤال من أجل العلم بالشئ يختلف عن السؤال من أجل التنفيذ

أنا قررت ان شاء الله اغير الجنوط والكاوتش

وما كنت قاطعا أمرا حتي استشير اعضاء المنتدي الكرام بما لديهم من معلومات رائعة

لا يبخلون بها علي سائل

ودون أن أطيل عليكم فقراري كان جنوط اندونيسي مقاس 14 وكلمة صنع في اندونيسيا مكتوبة بخط بارز داخل الجنط

والسعر 1100 جنيه لعدد اربعة جنوط فهل هذا الاختيار والسعر مناسبين ؟؟؟

أما الكاوتش لا أعلم الماركة او المقاس بالظبط وهو ما اريده منكم هل البريدجستون هو الافضل ام توجد ماركات اخري تفوقه من حيث الجوده والسعر المعروض الف جنيه للأربعه

اما المقاس فصاحب المحل قال لي هتاخد مقاس 14 علي 165 علي 55 فهل هذا الكلام مظبوط ؟؟؟

وما المقاس الذي يجب تركيبه في هذه الحالة ولا يقلل من كفاءة السيارة

ولكم جزيل الشكر

**mummy_47** · 22-10-2009 10:18 AM

بالنسبة للبريدج ستون ففمكن تدخل على اللنك ده هتلاقي انواع وقاسات الكاوتش المناسبة وكمان ارقام تليفونات مراكز بيع وتوزيع Fit&fix النيل للمشر وعات وكيل بريج ستوت وكمان رقم ساخن 19187
فيه نوع اسمخ تورانزا بلاستفسار عرفت انه هادي جدا في السواقه وملهوش صوت...وفيه كمان نوع اسمه بوتانزا(ادرينالين ياباني) للقيادة الرياضية وسرعة الاستجابة السريعة في المنحنيات لكن صوته عالي نسبيا..وعموما بريدجستوت من افضل الاطارات هي او ميشلان...لكن ازاي ال 4 عجلات ب 1000 جنيه ده الفرده الواحدة من بريدجستون ب 520 ج

بالنسبة لموضوع الجنوط فانا لا اعرف شيئا عنها...لكني عايز اعرف برضه منين اشتري جنوط بتلمع ولمعتها لا تذهب بعد فترة من الاستعمال.لاني بلاقي عربيات مركبة جنوط سبور شيك جدا وبعد فترة تكون بهتت الجنوط وشكلها بيبقى وحش جدا جدا..وبيشوه منظر السيارة....وفي انتظار باقي الردود

http://www.bridgestone-mea.com/arabi....aspx?catid=15

**MMamdouh** · 22-10-2009 11:44 AM

البردجستون ممتاز طبعا بس غالى مقارنة بماركات تانية زى الكومهو و الهانكوك و الGT اللى متقلش كتير عن البردجستون فى الكفائة

مقاس الكاوتس الصح هو 185/60/14

نصيحة: املا العجل نيتروجين

MMamdouh

**kareembelal** · 23-10-2009 01:20 AM

الف شكر لكم جميعا علي النصيحة الغالية

وشكلها هاترسي علي كاوتش gt طالما لا يقل جودة عن البريدج ستون

كما قال المهندس محمد ممدوح

اما بالنسبة للجنوط الحقيقه انا مش عايز أعدل حاجه في العربيه نهائي ولتفادي أخد شويه بسيطه جدا من الشفه الداخليه للاكصدام الخلفى كما قال الاستاذ احمد عزت أعمل ايه؟؟

وهل الاندونيسي يا استاذ احمد يقل كثيرا عن التايواني؟؟

يعني ممكن يقرفني في الاستعمال ؟

أما مقاس الكاوتش فعلم وسينفذ بمشيئة الله تعالي

**ahmedeldeep** · 23-10-2009 04:12 PM

انا عن نفسى جربت good year وقعد معايا اكثر من 3 سنين زى الفل وبالذات انو كان للسرعات العاليه كان جااااااااااامد وغلط انى غيرتو بعد كده واحد بتاع كاوتش شار عليا بنوع تانى طلع ناشف ومنيل وبيعمل صوت اسمهLASSA ده مكملش سنة وباظ ومن يوم ماجبتو والعربيه بتتزحلق حاجه جامده __ اوعه تجيبو وياريت ياجماعه اى حد يقولكو اشتروه تخبطوه بالعربيه هههههههههههههه زى مانا هعمل

**kareembelal** · 24-10-2009 01:20 AM

يا باشا امال لو تعرف اني مركب لاسا من سنه تعمل ايه؟ ههههههههههههه

يبقي صوت العجل المزعج ده من اللاسا التركي ده؟؟

والزحلقه والصريخ ؟؟؟

هههههههههههه

تمام تمام يبقي شكلي هاشوف اللانوس بمذاق تاني

انا غيرت كاوتش بريل اللي بينزل في العربيه لان ولاد الحلال وكنت احسبهم كذلك قالولي ان البريل وحش جدا ده اول سبب

السبب الثاني اللي خلاني اقتنع بكلامهم اني لقيت فرده من الاربعه حصل فيها شرخ بعد اسبوع والعربيه بتلين لسه
شرخ من الجنب فكان عندي عربيه تانيه فيها طقم لاسا تركي نقلته في اللانوس ونقلت البريل في العربيه القديمه واتباعت بطقم كاوتش زيرو

وما زال فيها حتي الان وشغال تمام

المهم اللاسا معايا طري من الجنب لكن العربيه ناشفه فعلا وصوتها علي الارض عالي جدا وبتتزحلق مع اي فرامل

فجزاك الله خيرا لاني ما جربتش كاوتش تاني غيره وما اعرفش الاعراض دي خالص الا من كلامك