السامسونج الأمنية ده جهاز ممتاز و فيه عيوب بسيطة
العيب ده يتمثل أنه مفيهوش لوحة مفاتيح حقيقية ( أزرار فعلية ) . هو فيه لوحة مفاتيح أفتراضية على الشاشة اللمس .
الجهاز ويندوز و أنا مش بطيق ويندوز أصلا و بكره ميكروسوفت جدا ......
و لكن أحقاقا للحق
الجهاز معايا بقاله تقريبا 3 شهور أو 3 شهور و نصف ............... معلقش و لا مرة .
كل يومين بعمل أعادة تشغيل للجهاز علشان لو سبته أكتر من كدا بيتقل شوية و يبقى بطئ .
الكاميرا بتاعته في الفيديو .......... روعة روعة روعة
و في الصور جيدة جدا ........ و في التصوير الليلي أو التصوير في الأجواء الغير مُضيئة تماما ............ ممتازة بالمقارنة بكاميرات كتيرة .
الجهاز ممتاز و أفضل من عدة أجهزة نوكيا و لا يقارن أصلا ببعضها زي 5800 ....... مفيش وجهة مقارنة أصلا
عامل زي اللي بيقارنة 128 ..... بمرسيدس .
طبعا المرسيدس هنا هو السامسونج الأمنية .
الكاميرا فيها مميزات كتيرة ....... و سهلة الأستخدام ........
كمان فيها ميزة مهمة قوي و هي الصور القريبة من كتابة مثلا بتكون واضحة جدا .
سعة التخزين رهيبة 8 جيجا أو 16 جيجا .
فيه راديو عالي النقاء بطريقة بشعة ......... تحس أنك مشغل سي دي .
البطارية بتاعته متوسطة لو بتستخدم الجي بي أس كتير أو الواي فاي أو الكامير ....... ممكن تقعد يوم بحالة و ده معدل ممتاز لجهاز عليه ويندوز
لو أستخدام التليفون عادي بتقعد 4 أيام .
الجهاز مش سهل الأستخدام أثناء القيادة نهائيا ......... لازم تقف على جنب لو عايز تعمل مكالمة ....إنما الرد مش مشكلة هي لمسة على الشاشة و تكون متصل .
فيه ميزة تانية و هي برنامج الأوت لوك الخاص بالرسائل الألكترونية ............. تقدر تستقبل رسائلك على الموبايل في أي وقت تحبه و تحفظها عليها .
البلوتوث بطئ نسبيا .
الشاشة ممتازة و الألوان رائعة .......... و خاصية اللمس جيدة جدا بس مش زي الأي فون ....... الأي فون خاصية اللمس فيه ممتازة .
الفلاش بتاع الكامير مش جامد ....... و ساعات بيبوظ الصورة لو مكان التصوير قصير أو المسافة بين الشئ اللي هايتم تصويره و الكامير قصير .
عينة من الصور الخاصة به :
صورة ليلية بدون الفلاش :
صورة نهارية بدون فلاش أيضا :
صورة لعداد جميلة الجميلات ليلا بدون فلاش :
كل الصور تم تصغيرها بنسبة 50 % لتسهيل تحميلها على الأنترنت و لعدم مضايقة الأخوة ذوى الأنترنت بطئ السرعة .
المفضلات