المشاركة الأصلية كتبت بواسطة ezzatfox
بص يا باشا انا طول عمرى بستعمل سامسونج و اخر موبايل كان معايا ال d900 قعد معايا سنتين و كانت موبايل ملوش حل .. فكرت من فترة احدث و كان مهم عندى gps فقلت اجرب نوكيا و فعلا اشتريت نوكيا 6710 \نافيجيتور و كان عاجبنى مواصفاتة بس للاسف بعد اسبوعين بعتة و كانت تجربة سيئة بصراحة مفيش وجة مقارنة بين السامسونج و النوكيا .
انا معايا دلوقتى سامسونج جيت جهاز خرافى كل اللى يشوفة يتهبل علية مواصفاتة و امكانياتة اكيد انت عارفها .. و لو استعملتة هتحبة اكتر يعنى مثلا فية rejected list و دة بتحط فية الارقام اللى انت مش عايزها تكلمك .. تدى مشغول للى بيتصل و تعرفك بردة انة اتصل بيك .
فية كمان ميزة حلوة قوى .. لو انت ببتكلم و رفعت الموبايل من على ودنك و حطيتة على ترابيزة قدامك الاسبيكر يتفتح لوحدة .
فى كمان fake call و دى مكالمة مزيفة ممكن تظبط الموبايل على وقت معين و هو هيتصل بيك و تظبطلة الكلام اللى هيتقال عن طريق التسجيل .
غير انة بيدعم تأثيرات الحركة يعنى ممكن تصور عن طريق النقر على جسم الهاتف نقرتين او تلغى التطبيق المفتوح عن طريق هز الهاتف بطريقة معينة او تقلب الاغانى او الصور بامالة الهاتف بطريقة معينة بدون لمس شاشة الموبايل.
دة غير شاشتة و الخواص اللى فيها .. و مش هقدر اقولك كل حاجة غير لما تجربة .. فعلا تليفون يستاهل .
هو فعلا جافا و دة ميزة و عيب فى نفس الوقت .. ميزتة انة سريع جدا .. مفيش حاجة اسمها الجهاز يهنج او يعمل ريستارت .. مفيش حاجة اسمها فيروسات .
عيبة ان البرامج و التطبيقات اللى تشتغل معاة قليلة .
بالنسبة للجى بى اس فى الجيت .. حاول تنساة دلوقتى لغاية ما شركة rout66 تنزل خريطة لمصر و دة قريب ان شاء الله.
المفضلات