الموضوع: اماكن الردرات على الطرق المصريه

المشاركة الأصلية كتبت بواسطة mohammad isdf

كنت عايز أعرف ضرورى اسكندرية الصحراوى رايح جاي

أخبارو ايه دلوقتى من حيث الردارات وأماكنها والمطبات الخطرة والتحويلات والتصليحات وأى حاجه تفيدونا بيها يبقى خير

الطريق بقي زي الحرير صلحوه كله وبقي تحفة وشغلوا البوابات الجديدة في الناحيتين انا بامشي عليه من ايام ما اخترعوه و التحويلات الرخمة اللي كانوا عاملينها دي والطريق لما كان مكسر وزي الزفت بس دلوقتي بقي حلو جدا جدا
بالنسبة للردارات بقي وانت رايح علي القاهرة حتلاقي واحد بعد الرست تقريبا كده عند الكيلو 90 مثلا والرادار التاني وانت جاي اسكندرية عند الكيلو 80 مثلا مش متأكدة من الارقام بس انا حافظة اماكنهم
شغالين ولا لأ بقي العلم عند الله بس انا سألت سواق ميكروباص قالي انهم مش شغالين واصلا الناس كلها بتطير علي 140 و 160 ده انا بابقي ماشية علي 120 والاقي طيارات معدية من جنبي
وكمان هما لما جددوا الطريق كتبوا علي الاربع حارات من الشمال لليمين دواير كده وفيها السرعة يعني من الشمال لليمين كاتبين: 120, 100, 80, 70 تقريبا يعني معني كده ان السرعة القصوي مبقتش 100 والله اعلم برضو انا باجري وكله علي الله بقي