ارجو من اهل الخبرة نحديد نوع هذه المشكلة

**sab3aawy** · 20-11-2007 05:33 PM

اعتقد ان بعد ما غسلت والطقة منعت الصورة وضحت شوية
الطقة دى غالبا بتنتج من محاولة السوستة انها تلف مع المساعد لما تكون بتحود، فتحشرج فى البطاحة وتعمل كدة

اقترح عليك تحط قطعة شحم على طرق السوستة العلوى وطرف السوستة السفلى فى السوستتين الاماميين يمين وشمال

**Ruin Scud** · 20-11-2007 08:28 PM

Thx alot MR\Adham for Declaring this Text For Me I really Was alittel bit confused about what it means
>>>>>>>>>Keep On Pretty Good Work Pale <<<<<<<

8)

**Ruin Scud** · 20-11-2007 08:29 PM

الف شكر للأخ الفاضل الكريم المهندس سبعاوي وجميع الأعضاء الي حاولو يفيدوني انا فعلا مستغرب من موضوع الصوت ده
بس انا اخر مشوار عملتة بالعربية كان حوالي 300 كم وكان معظمة في طرق غيير ممهدة وكلها تراب وطينة فعلا انا مقتنع تماما برأي ان ممكن البطاحات عايزة تشحيم انا هجرب اني اسمع الصوت ده تاني واحاول اشحم واشوف النتيجة

استفسار اخر للأخ القدير العزيز سبعاوي هل ممكن انها تكون علبة دركسيون او صليبة دركسيون ؟؟؟ لأني قلقان انها تكون حاجة ذي كدة وانا مش عارف !! أو التوكيل مش عايز يعترف بحاجة ذى كدة علشان الضمان الي في السيارة علشان مش يغيروها على حسابهم مثلا !!ولا دي مش اعراض علبة دركسيون لعربية عاملة 25000 كم !!

وجزاكم الله خيرا وجعله من مقدار حساناتكم

**sab3aawy** · 21-11-2007 09:00 AM

علبة الديريكسيون لو فيها مشلكة تعمل دردرة مستمرة فى الطرق الخشنة، يعنى لو ماشى فى طريق مزلط وفيه عالى وواطى كتير تسمع تخبيط مستمر ورا بعضه من العلبة، ومتهيالى انك مش بتعانى من هذا الأمر

الصليبة تعمل طقة او تكة لكن مش بتظهر مع اول حركة عجلة القيادة، تظهر فى وضع معين لعجلة القيادة ودايما لما تسع الطقة تسمعها وعجلة اديريكسيون فى نفس الموضع، يعنى مثلا تلاقى نفسك دايما وانت بتلف الديريكسيون تسمع الطقة دى بعد ما العجلة تلف ربع لفة يمين مثلا

بالتالى انا هستبعد العلبة والصليبة فى الوقت الحالى لأن وصفك لا يوجه اصابع الإتهام اليهم
للى يؤكد اكثر ان الطقة دى طقة سوستة وبطاحة انها غالبا بتصحل معاك على السرعات البيطئة وعلى الواقف، يعنى لما تكون مقاومة العجلات للدوران اكثر ما يمكن وبالتالى بتحط حمل كتير على السوستة

**Ruin Scud** · 22-11-2007 02:36 PM

أفادك الله ياباشمهندس سبعاوي
أنا باحترم جدا اسلوبك الجميل والمبسط الواقعي والمقنع في تحليل المشكلة
الف شكر ليك ياباشمهندس سبعاوي على الأفادة الجميلة والمقرنة بالتفسير العلمي
بس كان ليا استفسار اخر بسيط !
هل ممكن تكون جلبة مقص او مقص ؟؟ وماهي الأشياء التي تقلل من عمر المقصات في العربية !!
يعني مثلا لو اكلت مطب وانا على سرعة عالية لدرجة ان السيارة قفزت في الهواء مرتين قبل الثبات !!

وجزاكم الله خيرا وجعله من مقدار حساناتكم

**sab3aawy** · 22-11-2007 03:32 PM

جلب المقصات عادة بتخبط فى المطبات خبط اقرب ما يكون الى تصرفات علبة الدريريكسيون لما تبوظ ، كما انها تسبب عومان السيارة فى السرعات العالية

لكن الطقة الاحادية دى بعيدة عن تصرفات المقص البايظ

اما ما يقصف عمر المقصات فهو ما يقصف عمر اجزاء العفشة كلها، القيادة بدون حرص فى الطرق المكسرة، الكاوتش من الانواع الرديئة ،تعرض السيارة لمطبات عنيفة بشكل متتالى، تركيب جنوط عريضة وكاوتش عريض بدون داعى، او استعمال سيارة مصممة للطرق المرصوفة فى المدقات

**Ruin Scud** · 22-11-2007 04:28 PM

شكرا للأخ الفاضل الموقر الباشمهندس سبعاوي
واتمنا لك المزيد من التقدم والمعرفة
انا بجد كنت اجهل العديد من هذة الأشياء فعلا العلم نور :-)
جزاكم الله خيرا وجعله من مقدار حساناتكم

**Ruin Scud** · 29-11-2007 01:07 PM

للأسف الشديد انا روحت شحمت البطاحت الي ماسكة الدركسيون وبرضو الصوت لسة موجود المهم قولت ابص على المقصات والجلب برضة طلعت سليمة دلوقتي انا محتار جدا مش عارف دي ممكن تكون ايه
لأني بصراحة مبحبش يكون في عيب في العربية ومعرفش اعمله هل ممكن تكون هناك اي احتمالات اخرى ؟؟؟
علما بان الصوت لاياتي باستمرار يعني مرة ام اثنين كل مشوار كبير
ولاحظت ان الصوت بيظهر اكثر لمل اكون راجع مرشدير وبعدين احى اكسر الدركسيون علشان اطلع للأمام الصوت بيجي في الكسرة دي و مش على اي طريق معظمها بتكون طرق ترابية او غير ممهدة
أفيدوني افادكم الله
و جزاكم الله خيرا وجعله من مقدار حساناتكم

**Ahmed Selim** · 30-11-2007 01:24 PM

thanks for Mr.Adham for making my text clearer

try thr shock mounts ( el bata7at)

kan 3andy 7aga zay keda bas mesh soot ta2a, la2a soot 7éshona we el tawkeel ( Renault ) ma3erfoosh eh heya ela ba3d lama ro7t mrteen

aw wl 7al el tany enk tesebha lama teb2a awda7 mn keda ma3a el wa2at we ba3deen teshoofha

-

الموضوع: ارجو من اهل الخبرة نحديد نوع هذه المشكلة

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو ابداء الرأي الفني في هذه المشكلة

ارجو الافادة لهذه المشكلة

ارجو الافادة فى المشكلة دى

...:: ارجو حل المشكلة فى الكاسيت لسيارة رينو كليو 2004 ::..

الكلمات الدلالية لهذا الموضوع

المفضلات

المفضلات

ضوابط المشاركة