ياباشا أى أمثله تحتاجها موجوده أن شاء الله
الله يخليك ياحمو
دا بس من زوقك
بالتوفيق (أخى / محمود )
عرض للطباعة
اولا شكرا جزيلا يا باش مهندس سمير
ثانيا :
انا ما عملت اى شغل فى العفشه خالص غير كل فتره بعمل تربيط فقط للعفشه
أنا ما كشفت على بيض الدركسيون ولا اطمنت عليه
الأطارات جديده 4 فرد بريدجستون جداد (فبراير 2009) والضعط على 30 من عند بريدجستون اللى فى بنزينه كالتكس
انا بظبط زوايا عند بريدجستون اللى فى بنزينه كالتكس أخر شارع عباس العقاد وطبعا ترصيص وروتيشن كل 10 الاف
لا يوجد تزيقه أثناء تحريك الديكسيون يمينا ويسارا
ملاحظات
لايوجد عومان حتى مع السرعه العاليه
لايوجد صوت للترمبه اثناء التوجيه ... ولا جنب أتقل من جنب
الملاحظه الوحيده هيا الصبح بيبقى البور جميل جدا زى اى عربيه فيها بور .. لاكن بعد فتره يتقل جدا
الحته دى يا أستاذ /علىاقتباس:
الملاحظه الوحيده هيا الصبح بيبقى البور جميل جدا زى اى عربيه فيها بور .. لاكن بعد فتره يتقل جدا
شككتنى فى كفاءة حبك سيلات بستم الأسكترا للأسف
لما الزيت بيكون لسه بارد ولزج شويه السيلات بتكون قاطعه تمام
ومبيحصلش تفويت بين جوانب بستم الأسكترا
أنما لما بيسخن زيت الباور (نتيجة ضغطه مع الشغل والجو المحيط )
بتنزل لزوجة الزيت شويه
وتقدر تقول الباور بيفقد كفاءته وبيحصل تفويت زيت باور بين جوانب بستم الأسكترا
وبتتحول الأسكترا معاك لشبيه بالأسكترا العاديه للأسف
فهل العربيه موديل كام
العربيه كورولا 2003 اوتوماتيك 1300 سى سى
طيب أحل المشكله دى ازاى ... ويا ريت لو حد تعرفه ممكن يحل المشكله دى وانا اروحله فورا
وجزاك الله خيرا
طيب أنت مغير زيت الباور قبل المشكله دى ولا بعدها
وهل كان الوضع أحسن من كده قبل غيار الزيت الأخير
المشكله كانت موجوده من الأول قبل ما اغير
الوضع زى ما هوا قبل وبعد التغيير
لاكن فيه ملاحظه
اول مره غير الزيت كان من نوع زيت الفتيس الاوتوماتيك زيت موبيل
وانا ما كنت مقتنع بالزيت ده ... أزاى زيت الفتيس الاوتوماتيك يبقى للبور استيرنج قعدت فتره بالزيت ده لغايه ما
دورت وسالت كتير لغايه ما لقيت زيت مكتوب عليه للبور استيرنج فى عبوه صفراء من ماركه جينك والزيت لونه ابيض مايل لاصفر
روحت للمكانيكى علشان يغيره وتم غسل دوره البور بنصف الزجاجه وأستخدام النصف الاخر ... وطبعا اخراج الهواء من الدوره بالطريقه اللى قولت عليها
وطبعا بعد استخدام الزيت كان البور ممتاذ لاكن بعد مشوار صغير يتقل
حلو أوىاقتباس:
لاكن فيه ملاحظه
طيب قوللى برضهاقتباس:
اول مره غير الزيت كان من نوع زيت الفتيس الاوتوماتيك زيت موبيل
وانا ما كنت مقتنع بالزيت ده ... أزاى زيت الفتيس الاوتوماتيك يبقى للبور استيرنج قعدت فتره بالزيت ده
النظام كان ماشى أزاى فى الفتره اللى أنت مكنتش مقتنع أن زيت الباور هو هو زيت الفتيس الأوتو
هل الباور كان حلو وخفيف وطبيعى....؟
معلش أنا سألتك السؤال تانى
علشان حاسس أن فيه لبس شويه
لما قلت
لاكن فيه ملاحظه
عاوز أعرف الوضع كان أيه فى البدايه خالص
قبل الموضوع ده
اقتباس:
دورت وسالت كتير لغايه ما لقيت زيت مكتوب عليه للبور استيرنج فى عبوه صفراء من ماركه جينك والزيت لونه ابيض مايل لاصفر
روحت للمكانيكى علشان يغيره وتم غسل دوره البور بنصف الزجاجه وأستخدام النصف الاخر
بجد تسلم ايدك يا ابو احمد يا مطنشنا
و ربنا يزيدك من علمه يا سمير باشا
الله يخليك يا أبو أحمد