عندكم حد عايز "يحلق" ؟

**ahmedbasto** · 24-10-2009 03:09 AM

على فكرة ياجماعة دول مش صينين دول جنسيات تانية لأن انا جربت مرة أكلمهم صينى ولا كأنى بتكلم

**bmw323** · 24-10-2009 03:21 AM

أنا شوفت قبلة كدة واحدة بقا وأكتر من مرة تيجى تخبط على الباب ومعاها شنطة عاملة زى المخلة كدة ههههههههههه وبتقولى أية المدام هنا مش عاوز حاجةأنا بابيع حاجات صينى أنا أرد عليها أنجليزى ولا الهواء لأن أكتر مبيعرفش انجليزى رحت قولتلها لا شكرا
تخيلوا بقا لو واحدة من دول دخلت على شقة شباب وشاربين حاجة هيعملوا فيها أيييييية !!!!

**Karim_Mohy** · 24-10-2009 03:58 AM

ناس بتاعة شغل فعلا
بس اللي يضحك يا استاذ محمد .... جملة ( يا تري ممكن تسلم دماغك لواحد صيني ) ههههههه
ما انت بتسلمها لغيره......بس تخيل بيحلقلك وهو مش عارف عربي اوس قام مبوظلك شعرك هههه
بس فعلا ناس مجتهدة وبيشتغلوا في بلد ولادا مش لاقيين شغل....بجد ناس تحترم

**aliabutaleb** · 24-10-2009 04:03 AM

المشاركة الأصلية كتبت بواسطة ahmed1981

البلد فيها بطالة

وحكومتنا الرشيدة بتدخل صينيين يزاحموا الناس في سوق العمل !!!!!!!!!!!! !!!!!!!!!!!! !!!!!!!!!!!!!!!! !!!!!!!!!! !!!!!!!!!!!!!! !!!!!!!!

حكومة فاشلة صحيح

باختلف مع حضرتك
لو كل البلاد اللي فيها بطالة طبقت نفس المبدأ ده هاتلاقي خمسة ستة مليون مصري راجعين من الخليج وأوروبا وأمريكا يقعدوا جنبنا هنا
الحمد لله إن ربنا هو الرزاق مش الإنسان
وباتفق معاك في عبارة "حكومة فاشلة" :)

**sniper_man2008** · 24-10-2009 06:08 AM

ربنا يسترها مع الجميع لحسن البلد بقا فيها حجات غريببببببببببة .

**nab!l** · 24-10-2009 09:50 AM

المشاركة الأصلية كتبت بواسطة misoalex

انا فعلا سمعت الكلام ده من واحد معرفه

الى يضحك بقى ان واحد من الصنين دول نزل منطقه شعبيه هنا فى اسكندريه ولف على كام بيت وكام محل عشان يحلق للناس
الحلاقين شمو خبر لمو بعض وقفشوه وكانو حيدوه علقه خلوه ينسى يدخل المنطقه تانى
حرام على الصنين والله هو الشباب هنا لاقين شغل
الناس دى هدفها ايه والحكومه سايباها ليه فى البلد المفروض يكون لينا وقفه ضد موضوع الصنين ده يا جماعه ومنتعاملش معاهم انت لو عطيت الحلاق هنا 20 جنيه خليك واثق انها حترجعلك تانى لانه مصرى زيك والفلوس الى حياخدها حيدفعها تانى وتلف الدايره زى مالاعلان الى كان بيجى فى التلفزيون ان كلنا بنفع بعض والكل بيستفيد
لكن لما تدى جنيه واحد للصينين شوف حيلم كام جنيه مننا ويروح بلده بيهم يعمل بيها مشروعات ومصانع هناك

فاهمين قصدى يا جماعه

انا معاك يازعيم

**ashraf229** · 24-10-2009 11:18 AM

سمعت ان الموضوع ده من فترة طويلة منتشر عندنا في الهرم بس من ييجي سنة كده و مش بس الحلاقة لا ده اخوانا الصينين بيلفوا عالبيوت بخدمات مختلفة منها تنظيف السجاد و جلي الرخام و غيرها كتير......

والله جدعان اي شاب متلقح عالأهوة بيشد السوجارة و يسب و يلعن في الحكومة انهم شلة حرامية تخيلوا لو اشتغل حلاق زي ده بعد الضهر بس مثلا يعني هيكسب كام؟؟!!!

نقول هيعتر على خمسة و لا سته في اليوم عايزين يحلقوا يعني صفي ربح 30 جنيه و هوه هوه نفس المقص و نفس المكنة و لا بيدفع ايجار ولا ضرايب و لا اي حاجة يعني بتاع ألف جنيه مستريح كل شهر و هوه و شطارته يمكن يطلعله دقن و شعر مرة واحدة و كمان ممكن يربي زبون لو هوه مصري و من المنطقة و معروف انه مهذب و مكافح و اهوه بيريح الزبون و يجيله بيته و في نفس الوقت بيستفيد ده غير الأجرة اللي هيه رخيصة جدا لأن معظم الحلاقين بقوا ب15 جنيه و طبعا فيه ارخص بس مش ارخص من خمسجة جنيه

يارب نتعلم منهم الكفاح و السعي و نفتكر اننا اللي اخترعنا عبارة : الرزق يحب الخفيه...........

**amarakl** · 24-10-2009 11:35 AM

أنا سمعت عن الموضوع ده من واحد صاحبى وكمان فى ستات كوافير حريمى واللى أغرب من كده فى صينين بيعدوا على البيوت ويقولك عايز تدهن شقتك وبيكون معاه العده والبويه كمان

**ahmed2000** · 24-10-2009 04:44 PM

بس تخيل ان هوة مش حلاق ولا حاجة
وجة واعدك وريحك خالص
وهوب ام دابب المقص في راسك مموتك
ودخل سرق اي حاجة من البيت
ومشي
لا يجماعة ماتوافقوش علي الموضوع دة

**ahmed1981** · 24-10-2009 10:28 PM

المشاركة الأصلية كتبت بواسطة أبو حمزة

باختلف مع حضرتك
لو كل البلاد اللي فيها بطالة طبقت نفس المبدأ ده هاتلاقي خمسة ستة مليون مصري راجعين من الخليج وأوروبا وأمريكا يقعدوا جنبنا هنا
الحمد لله إن ربنا هو الرزاق مش الإنسان
وباتفق معاك في عبارة "حكومة فاشلة" :)

أكيد ربنا هو الرزاق

أنا أقصد النظام
يعني لو في وظيفة تحت إيدي في مصر وهذا قد يحدث فعلاً في ظروف عملي
وممكن أشغل فيها واحد مصري كفاءة وممكن أشغل فيها واحد صيني كفاءة برضة
الصح أشغل مين ؟؟؟
أنا رأيي أن الأقربون أولى بالمعروف
دون الإخلال بمبدأ الرجل المناسب في المكان المناسب

وهذا ليس له علاقة بالرزق
فالرزق يتحرك لصاحبة رغم أنوفنا

وبالنسبة لأوروبا وأمريكا والخليج بها بطالة فعلاً
لكن رغم ذلك بها وظائف شاغرة لا تجد كفاءة من أهل البلد (نسبة التعليم العالي في أوروبا 4 % من الخريجين)
وبالتالي يملؤها الأجانب

فالمطلوب هو النظام
تنظيم سوق العمل

أما الأرزاق فموزعها ومنظمها هو الله

الموضوع: عندكم حد عايز "يحلق" ؟

LinkBack

أدوات الموضوع

عرض

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة