الموضوع: عندكم حد عايز "يحلق" ؟

المشاركة الأصلية كتبت بواسطة samirayad

الصينين عباره عن سوس ينخر فى جسد العالم
وعارفين من أين تؤكل الكتف

على الرغم من أننا نفوقهم ذكائا
الا أننا لانفوقهم تخطيطا

مش حاسس اننا لا نفوقهم ذكاء ولا تخطيط ولا ارادة ولا جدية في العمل ولا طولة بال عالرزق و لا حاجات تانية كتير........

المشاركة الأصلية كتبت بواسطة pro_samir

فعلا الصينيين مبيفهموش حاجة انت بتقولة اعمل كذا يعمل ، وانا مجرب الكلام دة كنا بنعمل اوردرات في الشغل عندي لبعض الحاجات من الصين، ومعندهمش مشكلة يعملو أي حاجة حتي لو لابتوب يعملهولك زي مانت عايز وبالسعر اللي انت تحددة ويعملك البراند بإسمك لو تحب

طيب وانته لا تعتبر ده ذكاء...؟؟؟!!! يعني مجرد انه عنده القدرة على التصنيع و بأي جودة و بأي سعر ده مش اجتهاد ما ياما مصانع فلست و قفلت بسبب ان تكلفة المنتج أكبر بكتير من السعر اللي المفروض يتباع بيه و فيه بضايع كتير جدا بعد تكاليف شحنها و جمركها من الصين للعالم العربي برضه أرخص من سعر المنتج المحلي اللي زيها عندنا...........و ده حصل مع واحد صاحبي قبل كده عنده محل قطع غيار سيارات جم طلبوا منه عينة من رولمان البلي الأوروبي و الياباني و السيور و حاجات كده و خدوها بلدهم و رجعوله بعد مده مقلدينها و قالوله خد جربها و قلنا أي ملحوظة واحنا نعدلهلك طبعا كانت فيها مشاكل بس في نفس الوقت كانت بربع التمن مع المكسب كمان......يعني زي فيلم الكيف كده (مشيها شعبي لحد ما ترقي نفسها و تصطاد زبونها).......و كم من سواق تاكسي ولا موظف غلبان يقولك هات يا عم الرخيص لحد ما تتعدل و لما تبئى تبوظ بجيب غيرها ما هي أرخص....و احيانا بتكون فعلا كويسه و انا جربت زمااااان تيل فرامل صيني طلع احسن من الايطالي مع ان العربية كانت فيات سيينا و الايطالي بضعف التمن بوظلي الطنابير........

انت عارف احنا بنتكلم في ايه؟؟؟في بلد مثلا زي البرازيل لما وصلت للنهائي مع غانا في كاس العالم للشباب و فازت غانا.............ها معني ان غانا فازت انها احسن ولا أعرق ولا أفضل من البرازيل؟؟لكنها حققت الانجاز و التاريخ سجله خلاص بأسمها و وكذلك اليونان لما خدت بطل أوروبا أكيد هيه مش أحسن من ألمانيا ولا فرنسا و لا انجلترا و لا السويد ولا اسبانيا ولا البرتغال.............

المهم النتيجة............الطفل المصري اذكى طفل و العقل المصري أذكى عقل يا فرحتي!!!!

عمل ايه بعقله و ذكائه اللي بتنسبوه ليه ده!!! لا عارف يسوق عدل ولا يعيش نضيف ولا يقف طابور ولا يدير حوار بصوت واطي و بأدب ولا ينظم مرور ولا يحل مشكله ولا استفاد حاجة خالص بمخه ده.............

فأنا مازلت عند رأيي المهم النتيجة و لكل مجتهد نصيب................

انا سمعت الحوار ده قبل كده
راجل بيحلق للرجالة
والسيدات ليهم كوافيرة
يوم التجميل من الاخر وعلى فكرة حركة جامدة قوى لما تظبط عدة حلاقة
ويبقى كل دور الراجل ده يقصلك شعرك واامن ميت مرة من الحلاق التقليدى

ما انا بحلق بخمسة جند بالمكنة فى ربع ساعة عند الحلاق الى تحت البيت ولا صينى ولا يحزنزن انامسلمش راسى لأى حد كدا

نفسى ييجى لى الحلاق ده
وياريت كمان صنايعيه ميكانيكيه وسباكين