عندكم حد عايز "يحلق" ؟

**تامر.محمد** · 04-02-2010 11:44 AM

المشاركة الأصلية كتبت بواسطة ashrafakl

لا ابدا مش الحكومة بس اللى فاشلة احنا كمان اللى عندنا و العياذ بالله الكبر و العنتظة ع الفاضى و مش بنفكر.......... و لو حد مثلا اشتغل مندوب مبيعات و نزل ع البيوت بيبقى بيروج لبضاعة مغشوشة بتعمد و اصرار و بدون امانة و اذا سافر بره هتلاقيه يبقبل اللى مش بيرضى يشتغله هنا .................
الصينيون و الاسيويون عموما عمالة بتنحت فى الصخر علشان تعيش اما نحن ف الحمد لله بنتفرج عليهم و ناكل بسكويت لا و زعلانين من وجودهم طب دول ع الاقل شغالين امال نقول ايه ع الافارقة اللى ماليين البلد ع حسابنا و غيرهم من العرب اللى بلا منفعة ................لا حول و لاقوة الا بالله

فعلا صح
احنا فينا العيب ده
ماحدش هايرضى يعمل كده

قارنوا بين واحد زي ده
و بين شحط طول بعرض رمى جتته في اي حتة فيها ناس بتركن عربيات و كل شغلته انه يقف يرمي بلاه على كل واحد بيركن عربيته و خلاص

**mahmoudysf** · 04-02-2010 02:23 PM

والله فكرة جميله وبالنسبة للي بيشكك فيهم من ناحية الامان ماشوفناش مشكلة واحدة من واحد صينى
الناس دى عايزة تاكل عيش بادب واحترام
تانى حاجة للي بيقول انهم خدو فرص الشباب هنا مين هيرضى هنا يشتغل كدة دا شبابنا فقر وعنطزه
وبعدين يا ريت يكون فيه منهم حرفيين فى كذا حاجة عشان يعملومنافسة ويريحونا من بلطجة وسرقة الصنايعية وبعدين انا شايف الاستمرار للجود والاحسن
يعنى باختصار المفروض كل الاسواق والبلاد تكون مفتوحة لكل السلع والعمالة والاستمرار زى ما قولت للاجود
لاكن نظام الحماية والكلام ده ما بيولدش غير اردا السلع مع السرقة العلنى
والدليل شوفو لما عملو حماية لاكبر حرامى وهو عز خلى سعر الحديد كام واثر على كام واحد فى البلد
عدم المنافسة فى كل حاجة بيوجد حالة من الاهمال

**Eng.Osama.Afifi** · 04-02-2010 03:47 PM

المشاركة الأصلية كتبت بواسطة ashraf229

سمعت ان الموضوع ده من فترة طويلة منتشر عندنا في الهرم بس من ييجي سنة كده و مش بس الحلاقة لا ده اخوانا الصينين بيلفوا عالبيوت بخدمات مختلفة منها تنظيف السجاد و جلي الرخام و غيرها كتير......

والله جدعان اي شاب متلقح عالأهوة بيشد السوجارة و يسب و يلعن في الحكومة انهم شلة حرامية تخيلوا لو اشتغل حلاق زي ده بعد الضهر بس مثلا يعني هيكسب كام؟؟!!!

نقول هيعتر على خمسة و لا سته في اليوم عايزين يحلقوا يعني صفي ربح 30 جنيه و هوه هوه نفس المقص و نفس المكنة و لا بيدفع ايجار ولا ضرايب و لا اي حاجة يعني بتاع ألف جنيه مستريح كل شهر و هوه و شطارته يمكن يطلعله دقن و شعر مرة واحدة و كمان ممكن يربي زبون لو هوه مصري و من المنطقة و معروف انه مهذب و مكافح و اهوه بيريح الزبون و يجيله بيته و في نفس الوقت بيستفيد ده غير الأجرة اللي هيه رخيصة جدا لأن معظم الحلاقين بقوا ب15 جنيه و طبعا فيه ارخص بس مش ارخص من خمسجة جنيه

يارب نتعلم منهم الكفاح و السعي و نفتكر اننا اللي اخترعنا عبارة : الرزق يحب الخفيه...........

متفق معاك تماما

هما شعب مجتهد ... وإحنا شعب كسول ... المنافسة في الرزق مش حرام ... أدمن منافسة شريفة ... المصريين مش حيحلقوا عندهم إلا لما يكونوا أفضل وأرخص من الحلاق المصري ... ذنبي إيه أن المصري نصاب وأي كلام وغالي ؟ ( طبعا ده بفرض يعني إن مفيش حلاق في المنطقة)

في نظرية إسمها الكشك والسوبرماركت ... النظرية بتقول إن صاحب الكشك الوحيد في المنطقة حيفضل طول عمره فاتح كشك وعمره ما حيفكر ينتشر أو يكبر نفسه ... أدمن هوا مبسوط بالفلوس إللي بتجيله وخلاص ....رغم إن أرباحه بتكون خيالية ... ويفضل على كدة لغاية لما سوبر ماركت يفتج جنبه في المنطقة ... ساعتها محدش حيعبره ... وحيفضل طول حياته يندب حظه ويشتم في السوبر ماركت رغم إن هو أكبر واحد غبي في الدنيا !

المشاركة الأصلية كتبت بواسطة asbeats

كمان بالطو ابيض وشنطه!!!

مش عايزين قلق في القعدة يا رجاله

**أحمد كمال** · 04-02-2010 04:06 PM

المشاركة الأصلية كتبت بواسطة Dojuar

انا حابب انبه على حاجه مهمة

محدش يثق في اي صيني او حد من شرق اسيا

الناس دي اقل حاجة بياكلوها لحم الكلاب و القطط

و بعض العقائد من الاخر كده بيضحو بالبنات العذارى و يكلوهم زي الخروف عندنا

ده على اعتبار ان مصدر معلومات حضرتك افلام الرعب على MBC Action ؟؟؟؟؟؟؟

**أحمد كمال** · 04-02-2010 04:19 PM

المشاركة الأصلية كتبت بواسطة dojuar

هاها
انا فعلا افلام الرعبة مفضلة عندي

بس اسلوبك ميشجعنيش اقولك مصادري

مفيش مشكلة ..... هو عموما الكتاب (المصادر يعني) باين من عنوانه .....

على فكرة ...... احنا كمصريين شعب غارق حتى النخاع في العنصرية ........ بس وقت ما اي شعب تاني يقول علينا بم ...... نعيط و نجري و نقول الحق العنصريين اهم .....