الموضوع: الى رجالة الفولكس مساعدة لأخوكم التويوتاوي.

المشاركة الأصلية كتبت بواسطة ابو الوليد المصرى

السلام عليكم ورحمة الله وبركاته.................
عايز الأخوة في فولكس يساعدوني بأرائهم وخبرتهم في الموضوع ده.
واحد عزيز عليا جدا عايز يشتري التيجوان ال1400 تربو.
عايز اعرف رأيكوا في العربية وفي التوكيل ومراكز الخدمة بتاعت فولكس وجودة خدمة ما بعد البيع (علما بأنه سيتعامل مع مركز خدمة العبور في الشراء والصيانة) والعربية صناعة المانية خالصة ولا متقفلة برة المانيا وكمان مشاكل العربية ان وجدت لأن العربية تربو وبتاخد بنزين 95 وهو شاف العربية امبارح وخليته يأجل قرار الشراء لغاية ما اعرف رأيكوا
ارجو منكم الأمانة و الحيادية في الموضوع وعدم التحيز لأن الراجل هيدفع مبلغ محترم في العربية.
وجزاكم الله خيرا.

اهلا بيك معانا
التيجوان الماتور بتاعها 1.4 TSI وده من افضل المواتير تصميما على مستوى العالم السنتين اللى فاتو ومزود بتيربو و تيربو تشارجر
وماتور التيجوان 155 حصان وعزم 200 نيوتن .الاداء والعزم بتاعه يقابل اى سياره 2000 سى سى
بالنسبه للبنزين للقدره و العزم الاقصى تستخدم بنزين 95
انا عندى نفس الماتور و بحط تفويله كامله 70 لتر . 40 لتر 95 و 30 لتر 92 والاداء تقريبا واحد او يقل بنسبه 10-15 % (عارف ان فيه واحد هيزعل منى فى المنتدى )
انا بعمل الصيانه الدوريه حتى الان فى العبور وده تقيمى
خدمه عملاء 9\10
خدمه فنيه 8\10
توافر قطع غيار 7\10
سرعه الخدمه 7\10
تكلفه خدمه 5.5\10
الضمان 100 الف او سنتين و انا عن نفسى اول ما هخلص الضمان هعمل الصيانه بره لا طالما انت محافظ على العربيه انت مش محتاج غير الصيانه العاديه مع حد متخصص

بدون تحيز اول مره اركب فولكس كان السنه دى لكن بامانه شديده الفولكس و الالمانى عموما لا يعلى عليه راحه, ثبات, معمره عن اى عربيه او مصنع تانى بما فيهم التويوتا اليابانى مع كامل احترامنا للاخوه التويوتاويه

المشاركة الأصلية كتبت بواسطة ابو الوليد المصرى

جزاك الله خيرا.
تقريرك وردك جميل اوي (بالذات الفقرة الأخرانية)وعلي فكرة انا من اشد المعجبين بالفولكس والأودي وبفضلهم علي المرسيدس والبي ام وكمان بيعملوا عربيات شعبية.
بالنسبة لتقييم حضرتك خدمة العملاء والخدمة الفنية تقيمهم معقول بس ياريت تفاصيل اكتر عن الخدمة الفنية يعني مهرة وعندهم خبرة ولا من النوع اللى ممكن يكبر الموضوع ويعمل اشتغالة علي العميل علشان العميل يدفع كده يعني.
توافر قطع الغيار :بتبقي برده مش موجودة برة التوكيل وهل فيه موزعين معتمدين لقطع الغيارواسعارها عاملة ايه لأني قرأت موضوع لواحد كان عامل حادثة بالباسات وقانا الله واياك من الحوادث وشرها وكان تكاليف التصليح حوالى 110000ج .
سرعة الخدمة:10/7 علشان مثلا التوكيل زحمة ولا فيه اهمال والتزامهم بالمواعيد والحجز نظامه ايه.
تكلفة الخدمة:ده اسوأ تقييم حضرتك وضعته ممكن تقولي مثال لتكلفة صيانة عربيتك وحضرتك بتعمل الصيانة كل قد ايه.
سعر اعادة البيع:دلوقتي الراجل اللى هيشتري العربية تقريبا كل سنة بيغير يعني 2007 كان معاه استرا هاتش باك 2008 فورد فوكس استيشن 2009 حاليا سكودا فابيا الجديدة الهاتش باك
مع اني اعتقد انه لما يركب التيجوان مش هيفكر يغير.

الفقره الاخرانيه دى الفلفل و الشطه بتاع الرد علشان يبقى طعمه حلو
الخدمه الفنيه مهره طبعا لكن من ناحيه تكبير الموضوع ده ممكن يعملوه للسيارات الخليجى لكن انت شارى منهم يعنى لو كبرو الموضوع هما اللى هيدبسو و ان صغرو الموضوع و متحلش فى وشهم و هتعملهم احلى شو فما تقلقش انا غيرت فردتين كالكس تمنهم 800 جم بدون دفع شىء
قطع الغيار الاساسيه متوفره لكن انا مثلا كان فرده من فردتين الكالكس كانت ناقصه بيعملو بيها طلب باسمك و بتبقى موجوده فى خلال 2-3 اسبوع , برضه عندى الفيبر اللى تحت العربيه باظ من مطب حلو فى طريق شرم و كان ناقص لكن ما وقفتش على حاجه تانى ,للباسات الحاجات الاساسيه متوفره او بالطلب زى الشهابى و بيحملك بتكلفه الشحن , سالت عنده على الفيبر مش موجود غطاء الهواء مش موجود وقالى اجيبه ب 50 جم و لاقيته فى التوكيل ب 40 جم

نصيحه العربيه غاليه فلازم تعمل تأمين شامل لاى موقف لا قدر الله
سرعه الخدمه طبعا بيبقى زحمه لكن اخر مره لم يقبلوا اى سياره صاحبها مش حاجز ميعاد وده حسن سرعه الخدمه من 6\10 ل 7 , الحجز بالتلفون والموعد بيبقى فى خلال يومين
تكلفه خدمه الصيانه لل5000 و ال 15000 هى 550 جم شامله الزيت و خلافه وده معقول جدا, لكن فى صيانه ال 25000 الف غيرت تيل الفرامل الخلفى و تمنه حوالى 430 جم خدو تركيب عليه حوالى 150 جم فد مش عاجبنى
بالنسبه للتيجوان سعر اعاده البيع مش عارف لكن الباسات فى اخ لنا فى المنتدى شارى مو 2007 الفئه الاولى ب 150000 الف و نظرا لان سعرها الاساسى 220 الف فمتهىئ لى يبقى معقول
اللى بيجيب فولكس جديد مش بيفكر يغير قبل 5-6 سنين على الاقل ربنا يبارك لصاحبك فيها
وياريت اكون أفدتك وماتزعلش من على شويه الفلفل بتوع المره اللى فاتت

المشاركة الأصلية كتبت بواسطة SAiF3S

اهلا بيك معانا
التيجوان الماتور بتاعها 1.4 TSI وده من افضل المواتير تصميما على مستوى العالم السنتين اللى فاتو ومزود بتيربو و تيربو تشارجر
وماتور التيجوان 155 حصان وعزم 200 نيوتن .الاداء والعزم بتاعه يقابل اى سياره 2000 سى سى
بالنسبه للبنزين للقدره و العزم الاقصى تستخدم بنزين 95
انا عندى نفس الماتور و بحط تفويله كامله 70 لتر . 40 لتر 95 و 30 لتر 92 والاداء تقريبا واحد او يقل بنسبه 10-15 % (عارف ان فيه واحد هيزعل منى فى المنتدى )
انا بعمل الصيانه الدوريه حتى الان فى العبور وده تقيمى
خدمه عملاء 9\10
خدمه فنيه 8\10
توافر قطع غيار 7\10
سرعه الخدمه 7\10
تكلفه خدمه 5.5\10
الضمان 100 الف او سنتين و انا عن نفسى اول ما هخلص الضمان هعمل الصيانه بره لا طالما انت محافظ على العربيه انت مش محتاج غير الصيانه العاديه مع حد متخصص

بدون تحيز اول مره اركب فولكس كان السنه دى لكن بامانه شديده الفولكس و الالمانى عموما لا يعلى عليه راحه, ثبات, معمره عن اى عربيه او مصنع تانى بما فيهم التويوتا اليابانى مع كامل احترامنا للاخوه التويوتاويه

the passat engine is only 122hp not 150hp