الموضوع: أخيرا بعت الأفيو (حسبي الله ونعم الوكيل في التوكيل)

المشاركة الأصلية كتبت بواسطة أبـو آســـــر

هو أكيد سمعته هتتهز بس مقدار الهزة كام ريختر الله اعلم
يعني بالنسبة ليا انا اي حد بيسألني على حاجة تبع منصور اقوله ابعد عنه أحسن
فاكر لما كنا بنقول تغور من وش غبور
بقت دلوقتي تغور من وش منصور
يعني انا لوحدي تقريباً في حوالي 6 أعرفهم راحوا جابوا ماركات تانية
الله اعلم الـ 6 دول اثروا على كام واحد تاني و خلوه يبعد عن منص
و أهو عندك مش الكروز الي بـ 130000 تقريباً و كوري و ليها منافسين زي الفل ( السيراتو و الماذا 3 و التويوتا كرولا ) لاء دي اوبل و الماني و بـ 195000 لحلوح
يبقى العيب في مين
انا عن نفسي شغال زي الفل و أي حد عايز يجيب حاجة تبع منصور بقوله ( تغووووور من وش منصووووووووووور ) و الله الموفق
حتى الصيانة بنصح الناس تبعد عنه و تروح مقار علشان فعلاً مقار أنظف بكتيييييييييير و المعاملة هناك أحسن
و كل ده كان رأيي و وجهة نظري أرجوا ان لا اكون دايقت حد

تقبل تحياتي
أختلاف الرأي لا يفسد للود قضية

+١

المشاركة الأصلية كتبت بواسطة mmtronic

انا كل ما اروح التوكيل ابقى بدعى ربنا انة ينجينى من مكالمة تقولى عندك تيل ولا مساعد علشان طبعا عارف الليلة

الموضوع يا سيدى الفاضل مش عربية بتباع و خلاص - دى سمعة و خدمة ما بعد البيع و امانة - بص على منصور لو لقيتة فية الحجات الى قولتها يبقى انا غلطان و بعديين زى ما انت متفهم ان كل واحد بيقول راية ) انا كمان بقول رايى يبقى بتهاجمنى لية .

و احب اقول ان منصور فعلا سمعتة تدهورت - اعملو "survey" و انتم تعرفو

+١

المشاركة الأصلية كتبت بواسطة hosam_optrawy

انا مابقولش نسكت

وانا قولت انى مش مع سياسة منصور ولا اسلوبه

انا كل اللى أقصده

الواحد المفروض يعمل ايه ؟

- ماتشتريش الافيو

- تنصح غيرك انه مايشتريهاش

- تحذره من معاملة منصور وانه مابيهتمش بعملائه وتقوله مايتعاملش مع التوكيل

كل دا جميل ودا اللى احنا بنعمله كلنا فى نايل موتورز

- انما الشتيمه فى التوكيل مش هاتجيب نتيجه

- شتيمة منصور ملهاش لازمه ومش هتأثر لانه مش هايقرا الكلام دا وحتى لو قراه ولا يفرق معاه

ولا هايحاول يحسن من مستواه عشان يرضى عملاءه ومع ذلك برضه هايستمر وينجح لانه بيعتمد على عربيات تانيه غير الأفيو ومنجحاه ( أكبر مثال على كدا غبور ناس كتير بتشتكى منه ومع ذلك بقاله 4 سنين رقم 1 فى المبيعات فى مصر )

انما لو كان منصور من التوكيلات اللى عايشه ومعتمده على موديل واحد وجه منه شكاوى

طبعا لازم يهتم بالعملاء ويحاول يحسن صورته ادامهم


- الهجوم على حد زى egyptianmafia باعتباره شغال فى التوكيل وتوجهله انتقادات ونصايح على اساس ان هو منصور نفسه ملوش لازمه ومش هايجيب نتيجه

وانا مش باهاجمك خالص ومن حقك تقول رأيك ووجهة نظرك طبعا

واحنا فى الاول وفى الأخر بنتناقش

+١

المشاركة الأصلية كتبت بواسطة وائل عطية

الأخ اللي بيقول نتكلم لغة البيزنس ..
ممكن يشرح شوية قصده إيه ؟
هو البيزنس يعني مكاسب للوكيل وخلاص ..بدون تقديم خدمة جيدة للناس اللي وضعت ثقتها فيه؟
ثم وصف (faty) اللي سيادتك استخدمته مش في محله أبداً
دي ناس معاها العربية وبتشتكي منها ومن أسلوب الوكيل يبقى "لغة البيزنس" إن الوكيل يراجع نفسه لو فعلاً مُهتم بسمعته وبصالح الناس في نفس الوقت !!

+١



ويا ريت يا جماعة نبقى موضوعيين وميبقاش في تجاوز أو إستفذاذ من أي حد ولو الموضوع طلع بره حدود المناقشة (المحترمة والموضوعية) هطلب غلق الموضوع بالكامل
وأنا عملت الموضوع عشان الناس تعرف مشاكل العربية وإن منصور توكيل غير جدير بالثقة وإن محدش يجيب أفيو وإن أي حد هيتعامل مع منصور يبقى عامل حسابة إن ممكن يتنصب علية من التوكيل نفسة أو محدش يعبرة ويستلم العربية بايظة ويتقالة إخبط دماغك في الحيط (زي ما حصل معايا)