هو أكيد سمعته هتتهز بس مقدار الهزة كام ريختر الله اعلممش دفاعا عن حد
بس حضرتك بتكلم egyptianmafia كأنه شريك منصور وهايروح البيت يقوله الكلام دا
هو ماله بالكلام دا
هو بيقول رأيه ووجهة نظره ومن حقه انه يقول سواء كانت صح او غلط
وبعدين الكروز مانتشرتش مش عشان خاطر منصور ولا غبور ولا دبور
عشان خاطر سعرها
مع العلم انها ابتدت تنتشر وباشوفها كتير الفتره الاخيره
وبخصوص منصور ففعلا صعب اوى سمعته تتهز
ومش الأفيو اللى هاتأثر على سمعته
ومع احترامى ليك كام واحد عارف مشاكل الأفيو ؟
1000 ؟ 10000 ؟ 100000 شخص ؟
مع ذلك العربيه مازالت ناجحه وبتبيع
انا مابقولش ان سياسة منصور واسلوبه صح
بس الراجل ناجح وبيبيع
ولا أفيو هاتفرق معاه ولا ملاك أفيو هايفرقو معاه
كدا كدا اللانوس شغاله زى الفل ملاكى وتاكسى
والاوبترا والكروز والسبارك شغالين تمام
ومن قبل كل دول الأوبل
والنص نقل
تفتكر منصور هايتأثر او سمعته تتهز عشان الأفيو ؟
صعب اوى
يعني بالنسبة ليا انا اي حد بيسألني على حاجة تبع منصور اقوله ابعد عنه أحسن
فاكر لما كنا بنقول تغور من وش غبور
بقت دلوقتي تغور من وش منصور
يعني انا لوحدي تقريباً في حوالي 6 أعرفهم راحوا جابوا ماركات تانية
الله اعلم الـ 6 دول اثروا على كام واحد تاني و خلوه يبعد عن منص
العربية التانية الي عندنا في العيلة أوبل فيكترا 2008 ( العربية ألماني و منص مالوش دخل بيها غير في الصيانة ) و عينك ما تشوف إلا النور
تخيل انك راكب عربية بـ 195000 و بتوقف عربية نص نقل علشان تاخد منه واصلة للبطارية ( العربية لحد دلوقتي مكملتش 30000 كم ) و الموضوع اتكرر 3 مرات و الرابعة جاية و أكيد في عيب في العربية غير موضوع البطارية ده لان اول مرة كان في 5000 كم و قالوله ضفيرة الكهرباء و حصل تاني و طلع طرمبة بنزين و أخر مرة بطارية
مع العلم ان كل مرة بيقولوه هات ونش و تعالى بيها ( جابها لوجع دماغه و ممكن يترفد من شغله بسببها زي حلاتي مع الأفيو )
تخيل ده هياثر على كام واحد لما يقوله انا عايز اجيب أوبل ( مع ان الأوبل لا غبار عليها تماماً بس نعمل ايه في منص )
و أهو عندك مش الكروز الي بـ 130000 تقريباً و كوري و ليها منافسين زي الفل ( السيراتو و الماذا 3 و التويوتا كرولا ) لاء دي اوبل و الماني و بـ 195000 لحلوح
يبقى العيب في مين
انا عن نفسي شغال زي الفل و أي حد عايز يجيب حاجة تبع منصور بقوله ( تغووووور من وش منصووووووووووور ) و الله الموفق
حتى الصيانة بنصح الناس تبعد عنه و تروح مقار علشان فعلاً مقار أنظف بكتيييييييييير و المعاملة هناك أحسن
و كل ده كان رأيي و وجهة نظري أرجوا ان لا اكون دايقت حد
تقبل تحياتي
أختلاف الرأي لا يفسد للود قضية
المفضلات