تفاصيل حادثة ديروط (الحقيقيه) الي فبركها الاعلام والصحافه بتوعنا

**Dr Zezo** · 25-10-2009 01:08 AM

المشاركة الأصلية كتبت بواسطة nabaster

قريه تابعه لديروط بس عموما قري ديروط قريبه من بعض اوي

جبت المفيد

بس علي فكره اليوم السابع جابت سيرة الموضوع ده برضه وكل شويه بتتاكدلي معلوماتي

A.Yakout

ما هو حضرتك مفيش غير كده للاسف..

البنت في تانية اعدادي و في الصعيد و مش هو ده سن الجواز العرفي او المشي الباطل

ده سن الانتقال من الطفولة للمراهقة يعني لسه في اولها لا راحت و لاجت يعني كبيرها تحب واحد تمشي معاه يمسك ايدها كده يعني مش علاقة !!!!

عارف حضرتك لو كانت في ثانوي مثلا ممكن اصدق انما دي طفلة و في قرية وفي الصعيد و اول حاجة تعملها تكون علي علاقة و تتصور كمان!!!!

سؤال الراجل ده ليه بنات غير البنت دي ؟!

**SAiF3S** · 25-10-2009 01:16 AM

مع احترامى للجميع بما فيهم الاخ nabaster اللى بحترمه جدا
انا شايف الموضوع ليس له لزووم فى المنتدى و ضرره اكثر من نفعه و لا يتماشى مع سياسه المنتدى
وانا مع الاخت ايس هارت فى رايها بنت عاوزه قطع رقبتها وولد بايظ وسافل
بتحصل فى كل مكان بغض النظر عن الديانه لكن المكان هو اللى حساس ودايما بيربط كل شىء او حدث بالجامع و الكنيسه

**Dr Zezo** · 25-10-2009 01:16 AM

المشاركة الأصلية كتبت بواسطة ramyso4

يعني حضرتك مقتنع إن الولد ده بال عملو ده قلبه على الكنيسة وبيحبها عشان كدة قرر مخصوص إنو يغتصب واحدة ويصورها عريانة عشان يساعد الكنيسة .......بصراحة مش مقتنع وياريت الحوادث الزي دي الناس تقول كلام موزون فيها عشان حساسية الموضوع الشديدة ........ ماينفعش تكون مقتنع إن الكنيسة تتبع الاساليب دي عيب.....أو تكون مقتنع ان ود أقل كلمة تتقال عليه مشمش رباية ولا دين يغتصب وحدة ويصورها عشان يساعد الكنيسة تشتري أرض

بص حضرتك

أولا الكلام اللي ذكرته وصلني عن طريق أقاربي لأمي و هم يقطنون في المنيا و قراها و هذا الكلام لديهم من اصدقائهم في ديروط

هذا الحديث منتشر و بشدة في ديروط و يفسر حجم الاحتجاجات الشديدة الخارجة من سكان المدينة التي لو كان الأمر مقتصر علي جريمة شرف لانتهي الامر بخصومة بين عائلتين عادي جدا واحدة منهم أخدت بتارها كما شائع هناك يعني كله تمام كده

انما لما يبقي الموضوع و الكلام علي بنت عندها 12 13 سنة و تتكلم علي انها مسألة تربية و حاجات من كده

مش عارف اوصلهالك ازاي بس دي طفلة مش بنت كبيرة و لا شابة

طفلة

و موضوع ان الكنيسة هي اللي دبرت الموضوع انا مقولتش كده ابدا لانهم مش ممكن يقولوا لحد يعمل كده

بس ساعات بيبقي في ناس متطرفين او متحمسين زيادة عن اللزوم

**ramyso4** · 25-10-2009 01:44 AM

المشاركة الأصلية كتبت بواسطة dr zezo

بص حضرتك

أولا الكلام اللي ذكرته وصلني عن طريق أقاربي لأمي و هم يقطنون في المنيا و قراها و هذا الكلام لديهم من اصدقائهم في ديروط

هذا الحديث منتشر و بشدة في ديروط و يفسر حجم الاحتجاجات الشديدة الخارجة من سكان المدينة التي لو كان الأمر مقتصر علي جريمة شرف لانتهي الامر بخصومة بين عائلتين عادي جدا واحدة منهم أخدت بتارها كما شائع هناك يعني كله تمام كده

للاسف الشديد يا دكتور الصعيد فيه احتقانات طائفية كل فترة وهناك فيه متعصبين من النحيتين ف هتلاقي ناس معندهاش ضمير من الطرفين يطلعو كلام ملوش أساس من الصحة .....طبعا أنا مش قصدي على قرايب حضرتك أنا بس بقول المنطقة هناك الطبيعي بتاعها المبالغة وإفتراض سوء النية من ناس معندهاش ضمير من الطرفين

المشاركة الأصلية كتبت بواسطة dr zezo

انما لما يبقي الموضوع و الكلام علي بنت عندها 12 13 سنة و تتكلم علي انها مسألة تربية و حاجات من كده

مش عارف اوصلهالك ازاي بس دي طفلة مش بنت كبيرة و لا شابة

طفلة

أنا فاهم وجهة نظرك بس صدقني كون البنت 13 يخليها صغيرة عل حاجات دي فل زمن ده مش نقطة بنات إعدادي دلوقتي غير بنات إعدادي من 10 سنين ......طبعا أنا مش بتهم البنت في شرفها عشان معرفش التفاصيل بس كل قصدي إن نقطة كونها 13 سنة ميشلش إحتمال المشاركة في الجريمة 100%

المشاركة الأصلية كتبت بواسطة dr zezo

و موضوع ان الكنيسة هي اللي دبرت الموضوع انا مقولتش كده ابدا لانهم مش ممكن يقولوا لحد يعمل كده

بس ساعات بيبقي في ناس متطرفين او متحمسين زيادة عن اللزوم :t_thum1[1]:

طبعن فيه ناس مريضة ومتطرفة وللاسف كترو بس تفتكر ممكن واحد متطرف وبيدعي التدين يغتصب واحدة ويصورها عشان يساعد الكنيسة حتى لو هو بيعمل كدة من نفس منغير ما حد يطلب ؟ مظنش !

**nabaster** · 25-10-2009 01:48 AM

المشاركة الأصلية كتبت بواسطة ramyso4

يعني حضرتك مقتنع إن الولد ده بال عملو ده قلبه على الكنيسة وبيحبها عشان كدة قرر مخصوص إنو يغتصب واحدة ويصورها عريانة عشان يساعد الكنيسة .......بصراحة مش مقتنع وياريت الحوادث الزي دي الناس تقول كلام موزون فيها عشان حساسية الموضوع الشديدة ........ ماينفعش تكون مقتنع إن الكنيسة تتبع الاساليب دي عيب.....أو تكون مقتنع ان ود أقل كلمة تتقال عليه مشمش رباية ولا دين يغتصب وحدة ويصورها عشان يساعد الكنيسة تشتري أرض

لو راجعت نهاية موضوعي هتلاقيني نوهت عن النقطه دي وعن انطباعي عنها ومجبتش سيرتها في اول الموضوع ابدا

وكنت مستبعدها وفعلا قريتها في جريدة اليوم السابع وبرضه مجبتش سيرتها الا لما احد الاعضاء سألني صراحة عليها

وبرضه للحظه دي انا مأكدتهاش لاني ماخدتش بيها معلومه 100%

بس يوم ما اتاكد هيكون حضرتك اول واحد ببلغه

المشاركة الأصلية كتبت بواسطة SAiF3S

مع احترامى للجميع بما فيهم الاخ nabaster اللى بحترمه جدا
انا شايف الموضوع ليس له لزووم فى المنتدى و ضرره اكثر من نفعه و لا يتماشى مع سياسه المنتدى
وانا مع الاخت ايس هارت فى رايها بنت عاوزه قطع رقبتها وولد بايظ وسافل
بتحصل فى كل مكان بغض النظر عن الديانه لكن المكان هو اللى حساس ودايما بيربط كل شىء او حدث بالجامع و الكنيسه

اخ سيف انا في الاول نوهت علي حساسية الموضوع

ومش هينفع نبقي قاعدين ونغمض عنينا عن واقع حوالينا

بس اترجيت الجميع النقاش يكون عقلاني

سبب اخر ان ده كان توضيح للصوره الي كان مصورها الاعلام للحدث بصوره غلط ومش صح

ومتهيالي طالما النقاش عقلاني مفيش اي قلق وانا الي قلت لو في اي تجاوزات انا الي هطالب مش بس بغلق الموضوع لا كمان وبحذفه

A.Yakout

**ramyso4** · 25-10-2009 01:58 AM

أنا عارف ان حضرتك مذكرتش النقطة دي في الموضوع بس لفت نظري أكتر من القصة إن حضرتك قلت انك يوم عن يوم بتأكد من المعلومة الأنا شايفها خيالية للاسباب الأنا كتبتها

**nabaster** · 25-10-2009 02:27 AM

المشاركة الأصلية كتبت بواسطة SAiF3S

انت كمن يمشى على الاشواك أو النار
الله يعينك و تعرف تنام النهارده

بغض النظر عن حساسية الموضوع

يوجد ما يسمي بفن ادارة الحوار

وده الي معظمنا مفتقده الايام دي

انا لما طرحت الموضوع في الاول طرحته بدون اي تحيزات ووضحت كل نقطه فيه

وقبل ما اطرح الموضوع عارف الردود ممكن تكون شكلها ايه

بس انا طرحت الموضوع يبقي ملزم احافظ علي شكل الحوار للنهايه ودي بتبدا من طريقة طرح الموضوع

وحضرتك ممكن تكتب في جوجل حادث ديروط او اي كلمه مشابهه

وشوف في المنتديات التانيه طريقة الكلام ازاي

ده بيتكلم وبيشتم وده بيتكلم وبيشتم ومحدش سامع للطرف التاني لدرجة الشتيمه وصلة للانبياء

طيب ده يرضي مين ولا شرع مين؟

بالنسبه بقي للنوم انا شكلي مش هشوفه انهارده لظروف كده معينه

وبجد مبسوط بكلامي معاكي يا استاذ سيف لان فعلا الشعور متبادل

A.Yakout