الموضوع: الموبيلات الصينى ما لها وما عليها _ اراء وتجارب

المشاركة الأصلية كتبت بواسطة El.Hossieny

لا شكر يا باشا .. احنا كلنا اخوات في الله في هذا المنتدي ..لو حضرتك عايز اضمن مكان تجيب منه يبقي عليك و علي حاجة يكون ليها ضمان هنا في مصر .. و حاليا في مصر مش متواجد غير موبايلات Anycool اللي ليها ضمان ... و ده موقع شركة المتحدة اللي اخدت توكيل اني كول في مصر ممكن تشوف الموبايل اللي يعجبك

المتحدة اني كول

شكرا يا باشا و طبعا كلنا اخوات وانا بعتبر المنتدى بيتى التانى

اما بالنسبة للموبايل انا بفكر فى ال k900

المشاركة الأصلية كتبت بواسطة shnory

يا باشا انا اسف اني اتاخرت علي حضرتك في الرد بس عندي شويه ظروف اليومين دول مخلييني مقدرش اتابع المنتدي زي الاول

ياباشا الله يعينك و يقويك وشكرا على كم المعلومات الهائل

وانا بفكر فى ال k900 شكله عجبنى و لما فكرت لقيت انى هغمر ب 400 جنيه بس ولو معجبنيش عندى موبيلى

بس هل ال k900 افضل من العدة اللى قال عليها استاذ Egyzizo وهى t33+

[sor2]http://www.7ozo.com/Anycool4/k900.jpg[/sor2]


[sor2]http://dc100.4shared.com/download/143629474/e888a5c1/45_online.JPG?tsid=20091025-195301-3b7a1b5a[/sor2]

المشاركة الأصلية كتبت بواسطة pro_samir

الموضوع دة وارد علي فكرة في اي تليفون وكان بيحصل معايا في الأي ميت ان الويندوز يحصل مشكلة مثلا أو في النوكيا انة يوقع سوفتوير والحل طبعا المتبع دايما ان الواحد ياخد باك اب علي الكمبيورر ودة متاح في الجهاز الصيني اللي معايا ، غير كدة كل فترة بحذف الأرقام من علي الشريحة وبعدين انسخها من التليفون للشريحة تاني كحل أسهل من التوصيل بالكمبيوتر ، خصوصا بعد فلترة الأرقام وسايب اللي بحتاجها فقط علي التليفون فا عددهم مش كبير قوي ، والباقيين علي الكمبيوتر

وانا بعمل الحركة دى كل فترة اطمئنان

شكرا ل medo_2060 و KSA2011

وفعلا ال k900 واكل دماغ ناس كتيير

المشاركة الأصلية كتبت بواسطة shnory

يا باشا ولا يهمك احنا اخوات وحقك تدافع عن محصله تجاربك
بس بالنسبه لانه بيحصل في كل الانواع فدي مش صح
حقولك علي عيب جالي في جهاز صيني ومش بيحصل في حته
كان موبايل ان 73 صيني كل ما تجيله رساله يعمل ريستارت لما تفتحها
وبكل الوسائل من فورمات لسوفت وير كامل هو نفسه العيب مش بيتغير
ودي حاجه مش بتحصل في كل التليفونات
غير كده النوكيا او السامسونج ليهم طرق معينه وسوفت وير معين نقدر نتعامل بيه معاه
الاجزه الصيني كل جهاز وليه سوفت مختلف حتي لو نفس الشكل والنوع
العالم دي معندهمش توائم متشابهه كلهم مختلفين
واحنا يطلع عيننا ورا منهم
وعلي فكره
فيه مراكز صيانه معقله اعلانات بره المحل مكتوب عليها (لا نعمل في الهارد وير الصيني)

وحنفيه التاليف دي مفتوحه من زمان
لما كان التليفون تقوله اتصل بخليل يطلع دراع من التليفون يطلبلك النمره ودا كان تفسير بصمه الصوت عند الناس
وفيه ناس اقسمت باغلظ الايمان انها شافته بعنيهم اللي الدود حيقرف ياكلهم

المشاركة الأصلية كتبت بواسطة maka

بس هل ال k900 افضل من العدة اللى قال عليها استاذ Egyzizo وهى t33+

أكيد أفضل من ناحية الامكانيات
الـ T33+ عدة بسيطة ومافيهاش تليفزيون وعلى فكرة شكلها ظريف فى رأئي.
بس الحقيقة أنا كان هدفى الوحيد من الموبايل الصينى هى انه يشيل خطين ودمتم ، فهى تكفى لهذا الغرض

وبمناسبة العدة دى ، أنا طمعان فى استشارة يا أخ شنورى ..
زى ما قلت قبل كده إنى جبت اللى مش مكتوب عليها Gfive وكان مكتوب عليها anyfone وطلعت مش هى الأصلية.
على أى حال هى مشكلتها الوحيدة ان لما حد يتصل بيا ، تفضل بعدها الشاشة منورة على طول
يعنى المفروض الشاشة تنور كام ثانية وبعد وقف النشاط على الموابيل تطفى علشان توفر فى البطارية.
هى فعلاً بتعمل كده إلا فى حالة لو حد اتصل بيا ، بتنور بعديها بدون أن تنطفئ ، وباضطر أطفى الموبايل وأشغله تانى علشان ترجع تظبط تانى.
فهل مشكلة زى دى ممكن يكون ليها حل؟

انا معايا t33 وجهاز واللة جميل جدااا ومعايا بقالة 7 اشهر
ومظهرليش فية اي عييب وبيعت ال 73
طالم الصيني وفرلي احتياجااتي